ഭാരം നിയന്ത്രിക്കാൻ പ്രത്യേക പെരുംജീരക വെള്ളവും ചായയും

പെരുംജീരകത്തിന് ധാരാളം ഔഷധ മൂല്യങ്ങളുണ്ട്. ഭക്ഷണത്തിന് രുചിയും മണവും നൽകുന്നത് കൂടാതെ ധാരാളം ആരോഗ്യ ഗുണങ്ങളും പെരുംജീരകത്തിൽ അടങ്ങിയിട്ടുണ്ട്. വായുകോപത്തിനെതിരെ പ്രവർത്തിക്കാനും രോഗ പ്രതിരോധം മെച്ചപ്പെടുത്താനുമെല്ലാം സഹായിക്കും. ഇത് കൂടാതെ ശരീരഭാരം കുറയ്ക്കാനും പെരുംജീരകം ഉത്തമമാണെന്ന് കാര്യം അറിയാമോ? പെരുംജീരകത്തിന് ഡൈയൂററ്റിക് ഗുണങ്ങളുണ്ട്, അത് ശരീരത്തിൽ നിന്ന് അനാവശ്യമായ വിഷവസ്തുക്കളെ പുറന്തള്ളാൻ സഹായിക്കുന്നു. ഇവയുടെ ഉപാപചയ നിരക്ക് വേഗത്തിലാക്കാനുള്ള കഴിവ്, അധിക ഭാരം കുറയ്ക്കാൻ സഹായിക്കുന്നു. നിങ്ങളുടെ ശരീരഭാരം കുറയ്ക്കാനുള്ള ഡയറ്റിലും നിങ്ങൾക്ക് പെരുംജീരകം ഉൾപ്പെടുത്താം.

പെരുംജീരക വെള്ളം
അധിക ഭാരം കുറയ്ക്കാൻ പെരുംജീരക വെള്ളം സഹായിക്കുന്നു. ഇത് ശരീരത്തിലെ വിറ്റാമിനുകളുടെയും ധാതുക്കളുടെയും ആഗിരണ നിരക്ക് വർദ്ധിപ്പിക്കാൻ സഹായിക്കുന്നു. പെരുംജീരക വെള്ളം പതിവായി കുടിക്കുന്നതിലൂടെ, ശരീരത്തിൽ കൊഴുപ്പ് അടിഞ്ഞ് കൂടുന്നത് പോലും കുറയ്ക്കാൻ സഹായിക്കും. വൈകുന്നേരം ചായയും കാപ്പിയും കുടിക്കുന്നതിന് പകരം നിങ്ങൾക്ക് പെരുംജീരക വെള്ളം കുടിക്കാവുന്നതാണ്.

ശരീരഭാരം കുറയ്ക്കാനുള്ള പ്രത്യേക പെരുംജീരക വെള്ളം ഉണ്ടാക്കുന്ന വിധം ഇതാ:

> ഒരു പാത്രത്തിൽ രണ്ട് ഗ്ലാസ് വെള്ളം ഒഴിക്കുക.
> ഒരു ടേബിൾ സ്പൂൺ പെരുംജീരകം വെള്ളത്തിൽ ചേർത്ത് മുക്കിവയ്ക്കുക.
> പിന്നീട്, കാൽ ടീസ്പൂൺ മഞ്ഞൾ ചേർത്ത് നന്നായി ഇളക്കുക.
> ഇത് ഒരു രാത്രി മുഴുവൻ വയ്ക്കുക.
> അടുത്ത ദിവസം, ഒരു ഗ്ലാസ് പെരുംജീരക വെള്ളം തിളപ്പിക്കുക, പെരുംജീരകം അരിച്ചെടുക്കുക, വെറും വയറ്റിൽ വെള്ളം കുടിക്കുക.

പെരുംജീരകം പൊടിച്ചെടുത്തത്
അസിഡിറ്റി, ഗ്യാസ്, വയറുവേദന, ദഹനക്കേട് എന്നിവ തടയാൻ പെരുംജീരകത്തിനൊപ്പം മറ്റ് ചേരുവകളും ചേർത്ത് തയ്യാറാക്കുന്ന ഈ പൊടി സഹായിക്കുന്നു. ശരീരത്തിന്റെ മനോഹരമായ ആകൃതി നിലനിർത്താൻ സഹായിക്കുന്നതിനും ദഹനവ്യവസ്ഥയെ എളുപ്പത്തിൽ പ്രവർത്തിക്കുവാനും പെരുംജീരക പൊടി ഗുണകരമാണ്. ഇത് തയ്യാറാക്കാനായി,

> 4 ടേബിൾ സ്പൂൺ പെരുംജീരകം, രണ്ട് ടേബിൾ സ്പൂൺ അയമോദകം, രണ്ട് ടേബിൾ സ്പൂൺ ജീരകം, ഒരു ടീസ്പൂൺ ഉലുവ എന്നിവ ഏകദേശം നാല് മിനിറ്റ് നേരം എണ്ണയില്ലാതെ ചട്ടിയിൽ വറുക്കുക.

> ഈ മിശ്രിതം തണുത്തു കഴിഞ്ഞാൽ ഒരു മിക്സിയിൽ ചേർക്കുക.

> ഒരു ടീസ്പൂൺ കറുത്ത ഉപ്പും ഒരു ടീസ്പൂൺ കൽക്കണ്ടവും ചേർക്കുക.

> ഇത് മിക്സിയിൽ ഇട്ട് നന്നായി അടിച്ചെടുക്കുക.

> ദഹനപ്രശ്‌നങ്ങൾ നേരിടുമ്പോൾ ഈ പൊടി കഴിക്കാം

പെരുംജീരക ചായ
സഹായിക്കുന്ന പ്രകൃതിദത്ത ചേരുവകൾ പെരുംജീരക ചായയിൽ ഉണ്ട്. പ്രധാനപ്പെട്ട പോഷകങ്ങളെ നശിപ്പിക്കുവാൻ ഇടയാക്കുന്നതിനാൽ നിങ്ങൾ ഇത് അമിതമായി തിളപ്പിച്ച് ചൂടാക്കാതിരിക്കാൻ ശ്രദ്ധിക്കുക.

പെരുംജീരക ചായ ഉണ്ടാക്കുന്ന വിധം ഇതാ:

> മുക്കാൽ കപ്പ് വെള്ളത്തിൽ ഒരു ടീസ്പൂൺ പെരുംജീരകം ചേർത്ത് തിളപ്പിക്കുക.

> ഒരു ടീസ്പൂൺ തേയിലയും ഒരു ടീസ്പൂൺ പൊടിച്ച ശർക്കരയും ചേർക്കുക.

> ഇനി കാൽ കപ്പ് പാൽ അതിലേക്ക് ചേർക്കുക.

> ഇത് ആവശ്യത്തിന് ചൂടാറി കഴിഞ്ഞാൽ ഒരു കപ്പിലേക്ക് പകർത്തി, ചായ അരിച്ചെടുക്കുക. ഇനി കുടിക്കാം