നിങ്ങളുടെ ഭക്ഷണക്രമത്തിൽ ഓട്സ് കഞ്ഞി, ഓട്സ്മീൽ എന്നീ രൂപങ്ങളിലോ, ഗ്രാനോള, പ്രഭാതഭക്ഷണമായ മുസ്‌ലി എന്നിവയോടൊപ്പം ചേർത്തോ അല്ലെങ്കിൽ ഇഡ്ഡലി, ചപ്പാത്തി തുടങ്ങിയ രുചികരമായ വിഭവങ്ങളിൽ ഉൾപ്പെടുത്തിയോ കഴിക്കാവുന്നതാണ്. ഓട്സ് നിങ്ങളുടെ ആരോഗ്യത്തിന് എങ്ങനെ ഗുണം ചെയ്യുമെന്നത് അറിയാം.
1. പോഷകസമ്പുഷ്ടം
ഓട്സ് പോഷകമൂല്യത്തിന്റെ കാര്യത്തിൽ വളരെ സന്തുലിതമാണ്. ജേണൽ ഓഫ് വാസ്കുലർ ഹെൽത്ത് ആൻഡ് റിസ്ക് മാനേജ്‌മെന്റിന്റെ ഗവേഷണ പ്രകാരം, ഓട്സ് കാർബോഹൈഡ്രേറ്റുകൾ, വിറ്റാമിനുകൾ, ധാതുക്കൾ, ഫൈബർ, പ്രോട്ടീൻ എന്നിവയുടെ നല്ല ഉറവിടമാണ്. അവയിൽ ആന്റിഓക്‌സിഡന്റ് ഗുണങ്ങളും അടങ്ങിയിട്ടുണ്ട്. ഇതൊക്കെക്കൊണ്ടു തന്നെ അവയെ പോഷകഗുണമുള്ള ഭക്ഷണമാക്കി മാറ്റുന്നു.
2. ആന്റി ഓക്‌സിഡന്റുകൾ
നിങ്ങൾക്ക് ആവശ്യമായ ആന്റിഓക്‌സിഡന്റുകളുടെ അളവ് നിങ്ങൾക്ക് ലഭിക്കുന്നുണ്ടെന്ന് ഉറപ്പാക്കുന്നു. ഓട്സ് അവനന്ത്രാമൈഡുകൾ, പോളിഫെനോളുകൾ, ഫെറൂലിക് ആസിഡ് തുടങ്ങിയ ആന്റിഓക്സിഡന്റുകളാൽ സമ്പുഷ്ടമാണ്. ന്യൂട്രീഷൻ റിവ്യൂവ്‌സ്‌ -ഓക്സ്ഫോർഡ് അക്കാദമിക് നടത്തിയ ഒരു പഠനത്തിൽ, ഓട്‌സിന്റെ ആന്റിഓക്‌സിഡന്റ് ഗുണങ്ങൾ ശരീരത്തിന് വീക്കം തടയുന്ന ആന്റി ഇൻഫ്ലമേറ്ററി ഗുണങ്ങൾ നൽകാനും രക്തക്കുഴലുകൾ വികസിപ്പിക്കാനും രക്തയോട്ടം മെച്ചപ്പെടുത്താനും സഹായിക്കുമെന്ന് വെളിപ്പെടുത്തി.
3. ഹൃദ്രോഗം, പ്രമേഹം എന്നിവയ്ക്കുള്ള സാധ്യത കുറയ്ക്കുന്നു
നിങ്ങളുടെ ഭക്ഷണക്രമത്തിൽ ഓട്സ് ഉൾപ്പെടുത്തുന്നത്, എൽഡിഎൽ (ചീത്ത) കൊളസ്ട്രോൾ അളവ് കുറയ്ക്കാൻ സഹായിക്കും, അതുവഴി ഹൃദയ സംബന്ധമായ അസുഖങ്ങൾ ഉണ്ടാകുന്നത് തടയും. ജേണൽ ഓഫ് ന്യൂട്രീഷ്യന്റെ ഗവേഷണ പ്രകാരം ഓട്സിൽ അടങ്ങിയിരിക്കുന്ന ബീറ്റാ- ഗ്ലൂക്കാന്റെ അളവ് കൊളസ്ട്രോൾ അടങ്ങിയ പിത്തരസം പുറത്തുവിടുന്നു. പ്രസ്തുത പഠനം ഈ പറഞ്ഞ പിത്തത്തിന്റെ പ്രകാശനം എടുത്തുകാണിക്കുകയും രക്തത്തിലെ ചീത്ത കൊളസ്ട്രോളിന്റെ രക്തചംക്രമണത്തെ തടസ്സപ്പെടുത്തുകയും അതുവഴി ഹൃദ്രോഗ സാധ്യത കുറയ്ക്കുകയും ചെയ്യുന്നു എന്ന് കണ്ടെത്തി.
4. മലബന്ധം അകറ്റാൻ
ഒരു പഠനം സൂചിപ്പിക്കുന്നത് ഓട്‌സിലെ ഫൈബർ ഉള്ളടക്കം മലബന്ധം ഒഴിവാക്കാൻ സഹായിക്കുമെന്നാണ്. ദഹനത്തിന് ഫൈബർ മികച്ച രീതിയിൽ പ്രവർത്തിക്കുന്നു, കൂടാതെ മലബന്ധം പ്രശ്നങ്ങൾ ഒഴിവാക്കുകയും ചെയ്യുന്നു, കാരണം ഇതിന് സ്വാഭാവിക ലാക്സേറ്റീവ് ഗുണങ്ങളുണ്ട്. ഓട്സിൽ അടങ്ങിയ ഫൈബർ ഉള്ളടക്കം ശരീരത്തിലെ ജലത്തെ ആഗിരണം ചെയ്യുന്നു, ഇത് നിങ്ങളുടെ മലത്തെ നിങ്ങളുടെ ദഹനനാളത്തിലൂടെ കടന്നുപോകുന്നത് വേഗത്തിലാക്കുന്നു.
5. ശരീരഭാരം നിയന്ത്രിക്കുന്നു
ഭക്ഷണം ദഹിക്കാൻ ദീർഘനേരം എടുക്കുന്നത്, നിങ്ങൾക്ക് ദീർഘനേരം വയർ നിറഞ്ഞതായി തോന്നാം. അപ്പറ്റയ്റ്റ് ജേണലിന്റെ ഗവേഷണമനുസരിച്ച്, ഓട്സ് നമ്മൾ ഭക്ഷണം കഴിക്കുമ്പോൾ കുടലിൽ ഉത്പാദിപ്പിക്കപ്പെടുന്ന പെപ്റ്റൈഡ് വൈ വൈ എന്ന ഹോർമോണിന്റെ പ്രകാശനത്തെ പ്രോത്സാഹിപ്പിക്കുന്നു. ഈ ഹോർമോൺ ഭക്ഷണം കഴിച്ചതിനു ശേഷം സംതൃപ്തി തോന്നുന്നതിനും കലോറി കുറയുന്നതിനും ശരീരഭാരം കുറയ്ക്കുന്നതിനും നിങ്ങളെ സഹായിക്കുന്നു.
