ഹൃദയാരോഗ്യം മെച്ചപ്പെടും:
ഭക്ഷണം കഴിച്ച ശേഷം അൽപനേരം ഹൃദയാരോഗ്യം മെച്ചപ്പെടുത്തുമെന്ന് നിങ്ങൾക്കറിയാമോ? 30,000 ആളുകളിൽ നടത്തിയ പഠന ഫലം ഇക്കാര്യം വ്യക്തമാക്കുന്നുണ്ട്. ആഴ്ചയിൽ 5 ദിവസം ഭക്ഷണ ശേഷം അര മണിക്കൂർ നടത്തം ശീലിച്ചവരിൽ ഹൃദയ സംബന്ധമായ പ്രശ്നങ്ങൾ 20 ശതമാനം കുറവാണ് എന്ന് കണ്ടെത്തി.
പതുക്കെ തുടങ്ങാം:
നടത്തം നല്ല ശീലമാണെന്ന് കേട്ട ഉടൻ നന്നായി കുറെ നേരം നടന്ന് ആരോഗ്യം കൂട്ടാം എന്ന് ധരിക്കരുത്. ഏത് ശീലമാണെങ്കിലും പതുക്കെ തുടങ്ങി പിന്നീട് വേഗം കൂട്ടുകയാണ് നല്ലത്. നടത്തവും അങ്ങനെ തന്നെ. ആദ്യ ദിവസങ്ങളിൽ പതുക്കെ നടന്നു തുടങ്ങാം. 5 -6 മിനിറ്റ് നേരം മാത്രം, പിന്നീട് സമയവും വേഗവും കൂട്ടാം. എന്നാൽ ഒരിക്കലും ഒഴിഞ്ഞ വയറിൽ നിങ്ങൾ നടക്കുന്നത് പോലെ അതിവേഗത്തിലോ ജോഗിംഗ് പോലെയോ നടക്കരുത്. ഭക്ഷണം കഴിച്ച ഉടൻ അമിതവേഗത്തിൽ നടക്കുന്നത് വിപരീത ഫലം നൽകും എന്ന കാര്യം ഓർക്കുക. അതിനാൽ മിതമായ രീതിയിൽ മാത്രം നടക്കാം. വീടിന് പുറത്ത് നടക്കാൻ സാഹചര്യമില്ലെങ്കിൽ വീടിന് അകത്ത് നിശ്ചിത സമയം നടക്കുന്നതും പ്രയോജനം ചെയ്യും.
ഗുണങ്ങൾ:
*നടത്തം നിങ്ങളുടെ ദഹന പ്രക്രിയ സുഗമമാക്കാൻ സഹായിക്കും. കഴിക്കുന്ന ഭക്ഷണം അതിവേഗത്തിൽ ദഹിക്കാൻ 30 മിനിറ്റ് നടത്തം സഹായിക്കും, ഇത് ദഹന സംബന്ധമായ അസുഖങ്ങൾ ഇല്ലാതാക്കുകയും ചെയ്യും. ഭക്ഷണം കഴിച്ച ഉടൻ അലസമായി ഇരിക്കുകയോ കിടക്കുകയോ ചെയ്‌താൽ ദഹന സംബന്ധമായ അസ്വസ്ഥതകൾ ഉണ്ടാകുന്നതും കാണാറുണ്ട്.
*ഭക്ഷണ ശേഷം നടക്കുന്നത് ശരീരത്തിൻറെ മെറ്റബോളിസം വർധിപ്പിക്കാനും അമിതമായ കലോറി എരിച്ചു കളയാനും സഹായിക്കുന്നു.
*നടത്തം ശരീരത്തിൽ രക്തയോട്ടം മെച്ചപ്പെടുത്തുന്നതിനായി ഭക്ഷണ ശേഷമുള്ള അലസത മാറ്റാനും കൂടുതൽ ഊർജ്ജസ്വലമാകാനും സഹായിക്കുന്നു.
*ഭക്ഷണം ആമാശയത്തിലെത്തി ദഹന പ്രക്രിയ ആരംഭിക്കാൻ തുടങ്ങുമ്പോൾ തന്നെ ആഹാരം വിഘടിയ്ക്കാൻ തുടങ്ങുന്നതിനാൽ ശരീരത്തിലെ ഷുഗർ ലെവൽ ഉയരാറുണ്ട്. ഇത് പരിഹരിയ്ക്കാനും ഭക്ഷണ ശേഷം 30 മിനിറ്റ് നടക്കുന്നത് പ്രയോജനം ചെയ്യും. പ്രത്യേകിച്ച് പ്രമേഹ രോഗികൾ ഇക്കാര്യം ശ്രദ്ധിക്കുന്നത് നല്ലതാണ്. നിരവധി പഠനങ്ങൾ ഇക്കാര്യം തെളിയിക്കുന്നുണ്ട്.
നടക്കാൻ നല്ല സമയം:
ഭക്ഷണ ശേഷമുള്ള നടത്തം ശ്രദ്ധയോടെ വേണം. അമിതമാകാൻ പാടില്ല, അതുകൊണ്ട് തന്നെ എത്ര സമയം എങ്ങനെ നടക്കണം തുടങ്ങിയ കാര്യങ്ങൾ ശ്രദ്ധിക്കണം. ഓരോ തവണയും ഭക്ഷണം കഴിച്ച ശേഷം, അതായത് ദിവസം 3 നേരവും 10 മിനിറ്റ് നേരം വീതം നടക്കുകയാണ് നല്ലത്. ഇങ്ങനെ വരുമ്പോൾ ദിവസം 30 മിനിറ്റ് നേരം നിങ്ങൾ നടക്കും. 10 മിനിറ്റ് വളരെ കുറഞ്ഞ സമയം എന്ന് തോന്നുമെങ്കിലും ഇത് ആരോഗ്യത്തിന് ഒരുപാട് ഗുണം ചെയ്യും. വേണമെങ്കിൽ 15 മിനിറ്റ് നേരം നടക്കുന്നതും നല്ലതാണ്, എന്നാൽ ഇതിനപ്പുറം ഭക്ഷണ ശേഷം നടക്കേണ്ടതില്ല. പത്ത് മിനിറ്റ് നേരം ഓരോ തവണയും ഭക്ഷണം കഴിച്ച ശേഷം നടക്കുമ്പോൾ ദഹന പ്രക്രിയ കൃത്യമായി നടക്കുകയും ആമാശയ സംബന്ധമായ പ്രശ്നങ്ങൾ പരിഹരിക്കപ്പെടുകയും ചെയ്യും. ഇതുവഴി അമിത വണ്ണം ഒഴിവാക്കാനും സാധിക്കും.
