വിളർച്ച പരിഹരിക്കാൻ ഈ കാര്യങ്ങൾ സഹായിക്കും

എപ്പോഴും ക്ഷീണം അനുഭവപ്പെടുന്നുണ്ടോ? ചർമ്മത്തിൽ നിറവ്യത്യാസവും ഉറക്കക്കുറവുമൊക്കെ നിങ്ങളെ അലട്ടുന്നുണ്ടോ? എങ്കിൽ ഒരു പക്ഷെ നിങ്ങളുടെ ശരീരം അഥവാ അനീമിയയുടെ ലക്ഷണങ്ങൾ കാണിച്ചു തുടങ്ങിയിരിക്കുന്നു എന്ന് വേണം കരുതാൻ. സ്ത്രീകളിലും കുട്ടികളിലുമാണ് വിളർച്ച കൂടുതലായി കണ്ടുവരുന്നത്. രക്തത്തിലെ ഹീമോഗ്ലോബിൻ കുറയുന്നതാണ് വിളർച്ചയിലേയ്ക്ക് നയിക്കുന്നതിന്റെ പ്രധാന കാരണം. ഹീമോഗ്ലോബിൻ കുറയുന്നതിന്റെ കാരണം പോഷകാഹാരത്തിന്റെ കുറവാണ്.

വളർച്ചയുടെ പ്രാരംഭ ലക്ഷണങ്ങളിൽ ചർമ്മത്തിലും, നഖങ്ങളിലുമെല്ലാം വെളുത്ത പാടുകൾ പ്രത്യക്ഷമാകാറുണ്ട്. കഴിക്കുന്ന ഭക്ഷണത്തിലെ പോഷകാഹാരക്കുറവ്, ദുർബലമായ ദഹനവ്യവസ്ഥിതി, രക്തം കൂടുതലായി നഷ്ടപ്പെടൽ എന്നിവയെല്ലാം വിളർച്ച ഉണ്ടാകാൻ കാരണമാകുന്നു.

വിളർച്ചയുടെ കാരണങ്ങൾ
ശരീരത്തിൽ ഹീമോഗ്ലോബിൻ്റെ അളവ് കുറയുന്നതോ അല്ലെങ്കിൽ രക്തത്തിലെ ചുവന്ന രക്താണുക്കളുടെ വർദ്ധിച്ച കേടുപാടുകളോ എല്ലാം തന്നെ വിളർച്ച ഉണ്ടാകുന്നതിന് കാരണമാകുന്നു. ചുവന്ന രക്താണുക്കളുടെ ഉത്പാദനത്തിന് കുറവുണ്ടാകുന്നതിന് കാരണം അയൺ, തൈറോക്സിൻ, വിറ്റാമിൻ ബി 12, വിറ്റാമിൻ സി, ഫോളേറ്റ് എന്നിവയുടെ കുറവാണ്. കൂടാതെ വിവിധ അണുബാധകൾ, വിഷവസ്തുക്കൾ, ആന്റിബോഡികൾ എന്നിവയും ചില സാഹചര്യങ്ങളിൽ ഇതിൻ്റെ നാശത്തിലേക്ക് നയിക്കുന്നു.

വിളർച്ചയുടെ ലക്ഷണങ്ങൾ മനസ്സിലാക്കിയിരിക്കാം
തലവേദന
വിശപ്പില്ലായ്മ
ക്ഷീണം
ബലഹീനത
ശ്വസിക്കുന്നതിനുള്ള ബുദ്ധിമുട്ട്
തലചുറ്റൽ
കണ്ണുകൾക്ക് ചുറ്റുമുള്ള വീക്കം
ചർമ്മത്തിലും നഖങ്ങളിലും കാണപ്പെടുന്ന വെളുത്ത നിറം
ഹൃദയമിടിപ്പ് കൂടുന്നത്
ഉറക്കക്കുറവ്

വിളർച്ച പരിഹരിക്കാനുള്ള ചില വീട്ടുവൈദ്യങ്ങൾ പരിചയപ്പെടാം

ആപ്പിളും ബീറ്റ്റൂട്ടും ചേർത്ത ജ്യൂസ്
ആപ്പിളും ബെറ്റ്‌റൂട്ടും ഉത്തമമാണ്. ഇവ രണ്ടും ജ്യൂസ് രൂപത്തിലാക്കിയ ശേഷം നന്നായി യോജിപ്പിച്ച് അതിലേയ്ക്ക് തേൻ ചേർത്ത് ദിവസത്തിൽ രണ്ടുനേരം കുടിക്കാം.

വിളർച്ച പരിഹരിക്കാൻ എള്ള്
ഒരു ടീസ്പൂൺ എള്ള് കുറഞ്ഞത് രണ്ട് മണിക്കൂർ എങ്കിലും വെള്ളത്തിൽ കുതിർത്ത് വെയ്ക്കുക. അതിന് ശേഷം ഇത് നന്നായി പേസ്റ്റ് രൂപത്തിൽ അടിച്ചെടുക്കണം. ഇത് ഒരു ഗ്ലാസ് പാലിൽ ചേർത്ത് മധുരത്തിനായി തേനും ചേർത്ത് മിക്സ് ചെയ്ത് കുടിക്കാം. ഈ പാനീയം ദിവസവും കുടിക്കുന്നത് വഴി ശരീരത്തിലെ ഹീമോഗ്ലോബിൻ നില ഉയരുകയും വിളർച്ചയുടെ ലക്ഷണങ്ങൾ ഇല്ലാതാക്കുകയും ചെയ്യും.

ശ്രദ്ധിക്കേണ്ട മറ്റ് കാര്യങ്ങൾ
വിളർച്ച പരിഹരിക്കാൻ മേല്പറഞ്ഞവ കഴിക്കുന്നതിന് പുറമേ, ചില ജീവിതശൈലി മാറ്റങ്ങളും കൃത്യമായി പാലിക്കണം:

> ദഹനവ്യവസ്ഥ ശ്രദ്ധിക്കണം. മസാലകൾ കൂടുതലടങ്ങിയ ഭക്ഷണം കഴിക്കുന്നത് ഒഴിവാക്കാം. കൂടാതെ നോൺ വെജ് ഭക്ഷണങ്ങൾ കഴിക്കുന്നത് കുറച്ച് നാളത്തേക്ക് ഒഴിവാക്കുക.

> വെജിറ്റബിൾ സൂപ്പ്, പയറ് സൂപ്പ്, തുടങ്ങിയവ ലഘു ലഘുഭക്ഷണങ്ങളായി ശീലിക്കുക.

> മാതളനാരങ്ങ, കിവി, തണ്ണിമത്തൻ തുടങ്ങിയവ കഴിക്കാം. ഇവ ശരീരത്തിൽ രക്തം വർദ്ധിപ്പിക്കുന്നതിന് സഹായിക്കുന്ന ഭക്ഷണങ്ങളാണ്.

> ഇരുമ്പ് പാത്രങ്ങളിൽ പാകം ചെയ്ത ഭക്ഷണം കഴിക്കാം. ഇത് ശരീരത്തിലെ ഹീമോഗ്ലോബിൻ നില സന്തുലിതമാക്കി നിലനിർത്താൻ സഹായിക്കുന്നു.

വിളർച്ച പരിഹരിക്കാൻ വീട്ടിൽ തന്നെ ചെയ്യാൻ കഴിയുന്ന ചില വിദ്യകൾ എന്തൊക്കെയാണ് എന്ന് ഇപ്പോൾ മനസ്സിലായിക്കാണുമല്ലോ. എന്നിരുന്നാലും ഇത്തരം വിദ്യകൾ ശീലമാക്കുന്നതിന് മുമ്പ് ഒരു ഡോക്ടറുടെ നിർദ്ദേശവും സ്വീകരിക്കുന്നതാണ് ഉത്തമം.