ആരോഗ്യം അരക്കിട്ടുറപ്പിയ്ക്കാൻ ചില ഹെർബൽ ഡ്രിങ്ക്സ്

നമ്മുടെ ആരോഗ്യകാര്യത്തിൽ മുമ്പെങ്ങും ഇല്ലാതിരുന്ന ശ്രദ്ധയും പരിചരണവും ഇപ്പോൾ നാം നൽകുന്നുണ്ട്. ഈ കൊറോണക്കാലം നമ്മെ പഠിപ്പിച്ചതാണത്. മികച്ച രോഗ പ്രതിരോധശേഷിയാണ് ആരോഗ്യത്തിന്റെ പിൻബലം എന്ന് നാമോരുത്തരും തിരിച്ചറിഞ്ഞു. എന്നാൽ ഈ പ്രതിരോധശക്തി ഒരു ദിവസം കൊണ്ട് നേടിയെടുക്കാവുന്ന കാര്യമല്ല. ആരോഗ്യകരമായ ആഹാരശീലവും പതിവായ വ്യായാമവുമെല്ലാം ഇതിന് സഹായിക്കുന്ന കാര്യങ്ങളാണ്.

ചില ആരോഗ്യ പാനീയങ്ങളുണ്ട്, പ്രകൃതിദത്ത ചേരുവകൾ ചേർത്ത് തയ്യാറാക്കുന്നവ. ഇവ കുടിക്കുന്നത് നമ്മുടെ രോഗ പ്രതിരോധം ക്രമേണ മെച്ചപ്പെടുത്താൻ സഹായിക്കും. അത്തരത്തിൽ ചില പാനീയങ്ങൾ പരിചയപ്പെടാം.

1. മഞ്ഞൾ – കുരുമുളക് ചായ
ഓരോ ഇന്ത്യൻ വീട്ടിലും ഉള്ള മഞ്ഞൾ എന്ന ഈ മാന്ത്രിക സുഗന്ധവ്യഞ്ജനത്തിന് ശക്തമായ ആന്റിഓക്‌സിഡന്റ് ഗുണങ്ങളുണ്ട്. ആന്റിഫംഗൽ, ആൻറി ബാക്ടീരിയൽ ഗുണങ്ങളുള്ള കുർക്കുമിൻ ഇതിൽ അടങ്ങിയിരിക്കുന്നു.

നമ്മുടെ ചായയിൽ ഒരു ടീസ്പൂൺ മഞ്ഞൾപ്പൊടി ചേർത്ത് നമുക്ക് മഞ്ഞൾ ചായയാക്കി മാറ്റാം. ഈ മിശ്രിതത്തിൽ അണുബാധയെ ചെറുക്കാനുള്ള കഴിവ് വർദ്ധിപ്പിക്കുന്നതിന് നമുക്ക് കുരുമുളകും തേനും ചേർക്കാം.

2. തുളസി വെള്ളം
തിളപ്പിച്ചാറ്റിയ വെള്ളം കുടിക്കുന്നതിനു പകരം നമുക്ക് തുളസിയിലകൾ ചേർത്ത് തിളപ്പിച്ച വെള്ളം കുടിക്കാം. കാരണം, തുളസി ഇലകളിൽ ആൻറി ബാക്ടീരിയൽ, ആൻറിൻഇൻഫ്ലമേറ്ററി ഗുണങ്ങൾ ഉണ്ട്, അത് നമ്മുടെ പ്രതിരോധശേഷി വർദ്ധിപ്പിക്കുകയും വീക്കം തടഞ്ഞ് നമ്മെ ആരോഗ്യത്തോടെ നിലനിർത്തുകയും ചെയ്യും.

3. കറുവപ്പട്ടയും തേനും ചേർന്ന ടോണിക്ക്
കറുവപ്പട്ടയ്ക്കും തേനിനും മലബന്ധം ഭേദമാക്കുന്നത് മുതൽ അലർജിയെ പ്രതിരോധിക്കുകയും നമ്മുടെ രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുന്നതുവരെ ധാരാളം ആരോഗ്യഗുണങ്ങളുണ്ട്. ഇത് അണുബാധ തടയുന്നു. ശരീരത്തിൽ നിന്ന് സ്വാഭാവികമായി വിഷാംശത്തെ ഇല്ലാതാക്കാനും ഈ ടോണിക്ക് സഹായിക്കും.

പ്രതിരോധശേഷി വർദ്ധിപ്പിക്കുന്നതിന്, കറുവപ്പട്ട ചേർത്ത വെള്ളം തയ്യാറാക്കാം. ഇത് ചെറുചൂടുള്ള വെള്ളത്തിൽ കറുവപ്പട്ട കുതിർത്ത് തയ്യാറാക്കാം. അടുത്തതായി, അതിൽ ഒരു ടീസ്പൂൺ തേൻ ചേർക്കുക. ദഹന പ്രശ്നങ്ങൾ ഒഴിവാക്കാൻ സഹായിക്കുന്ന ലളിതമായ ഒരു ഒറ്റമൂലി കൂടിയാണിത്.

4. മസാല ചായ
ചായ ഇന്ത്യയിലെ ഏറ്റവും പ്രിയപ്പെട്ട പാനീയങ്ങളിലൊന്നാണ്, പക്ഷേ അതിൽ പച്ചമരുന്നുകളും സുഗന്ധവ്യഞ്ജനങ്ങളും ചേർക്കുന്നത് പ്രതിരോധശേഷി വർദ്ധിപ്പിക്കാൻ സഹായിക്കുന്നു. ഗ്രാമ്പൂ, ഏലയ്ക്ക, കറുവപ്പട്ട, തക്കോലം തുടങ്ങിയ ഇന്ത്യൻ സുഗന്ധവ്യഞ്ജനങ്ങളുടെ മികച്ച മിശ്രിതമായതിനാൽ മസാല ചായയ്ക്ക് അതിശയകരമായ രുചിയുണ്ട്. ഏറ്റവും നല്ല കാര്യം, ഇവയെല്ലാം നമ്മുടെ മൊത്തത്തിലുള്ള ആരോഗ്യം വർദ്ധിപ്പിക്കുന്നതിന് ഫലപ്രദമാണ് എന്നതാണ്.

5. വെളുത്തുള്ളിയും തേനും ചേർന്ന ടോണിക്ക്
വെളുത്തുള്ളിയും തേനും ചേർത്ത് കഴിക്കുന്നത് നമ്മുടെ പ്രതിരോധശേഷി വർധിപ്പിക്കും. എല്ലാ ദിവസവും ഈ ടോണിക്ക് കഴിക്കുന്നത് രോഗങ്ങളെ കൂടുതൽ ഫലപ്രദമായി തടയാൻ നിങ്ങളെ സഹായിക്കും.

ഇത് ഉണ്ടാക്കാൻ, ചതച്ച വെളുത്തുള്ളി അല്ലി വെള്ളത്തിൽ ചേർത്ത് 3 മുതൽ 4 മിനിറ്റ് വരെ തിളപ്പിച്ച്, തണുത്ത ശേഷം അതിൽ ഒരു ടീസ്പൂൺ തേൻ ചേർത്ത് കഴിക്കാം.

6. ഇഞ്ചി ചായ
രോഗ പ്രതിരോധശേഷി മെച്ചപെപടുത്തുന്ന കാര്യം വരുമ്പോൾ നമ്മുടെ ഭക്ഷണ ശീലത്തിൽ ഉൾപ്പെടുത്താവുന്ന ഏറ്റവും മികച്ച സുഗന്ധവ്യഞ്ജനങ്ങളിൽ ഒന്നാണ് ഇഞ്ചി. ഇതിന് ആന്റി ഇൻഫ്ലമേറ്ററി, ആൻറി ബാക്ടീരിയൽ ഗുണങ്ങളും ഉണ്ട്. കൂടാതെ, വയറിളക്കത്തിനുള്ള മികച്ച വീട്ടുവൈദ്യങ്ങളിൽ ഒന്നാണ് ഇഞ്ചി.

ഇഞ്ചി ചായ ഉണ്ടാക്കാൻ, ഒരു കപ്പ് വെള്ളം എടുത്ത് ചതച്ചെടുത്ത ഇഞ്ചി ചേർക്കുക. അതിനു ശേഷം, വെള്ളം തിളപ്പിച്ച് അതിൽ തേയില ചെക്കാം. ഇതിലേക്ക് ചെറുനാരങ്ങാനീര് കൂടി ചേർത്ത് നമുക്ക് അവസാനിപ്പിക്കാം. അതിൽ അടങ്ങിയ വിറ്റാമിൻ സി നമ്മുടെ പ്രതിരോധശേഷി വർദ്ധിപ്പിക്കും.