പല പ്രധാന ശാരീരിക പ്രവർത്തനങ്ങളിലും നല്ല കൊളസ്ട്രോൾ ഒരു പ്രധാന പങ്ക് വഹിക്കുന്നു, പ്രത്യേകിച്ചും ഹൃദയത്തിന്റെ ആരോഗ്യത്തിന്. ഭാഗ്യവശാൽ, നല്ല കൊളസ്ട്രോൾ വിവിധ ഭക്ഷ്യ സ്രോതസ്സുകളിൽ സ്വാഭാവികമായി കണ്ടെത്താൻ കഴിയും, ഇത് നിങ്ങളുടെ ആരോഗ്യം വർദ്ധിപ്പിക്കാൻ സഹായിക്കുകയും ചെയ്യും.
നല്ല കൊളസ്ട്രോളിന്റെ പങ്ക്
ഉയർന്ന സാന്ദ്രതയുള്ള ലിപ്പോപ്രോട്ടീൻ () നല്ല കൊളസ്ട്രോൾ ആണ്, അതേസമയം കുറഞ്ഞ സാന്ദ്രതയുള്ള ലിപ്പോപ്രോട്ടീൻ (എൽഡിഎൽ) മോശം കൊളസ്ട്രോൾ എന്നും അറിയപ്പെടുന്നു.
ധമനികളിലെ അധിക കൊളസ്ട്രോൾ നീക്കം ചെയ്യാൻ എച്ച്ഡിഎൽ സഹായിക്കുന്നു. ഈ നിർണായക പ്രവർത്തനം ഹൃദ്രോഗങ്ങളുടെയും അനുബന്ധ രോഗങ്ങളുടെയും സാധ്യത കുറയ്ക്കുന്നു.
എച്ച്ഡിഎൽ അളവ് ഏകദേശം 60 മില്ലിഗ്രാം / ഡെസിലിറ്റർ (mg / dl) അല്ലെങ്കിൽ അതിൽ കൂടുതലായിരിക്കണം, മാത്രമല്ല 40 mg / dl ൽ താഴെയാകരുത്.
അമിതവണ്ണം, പ്രമേഹം, പുകവലി തുടങ്ങിയ ഘടകങ്ങൾക്ക് പുറമെ എച്ച്ഡിഎൽ അളവ് നിർണ്ണയിക്കുന്നതിൽ നമ്മുടെ ഭക്ഷണക്രമവും ഒരു പ്രധാന പങ്ക് വഹിക്കുന്നു. നല്ല കൊളസ്ട്രോൾ വർദ്ധിപ്പിക്കാൻ ഈ ഭക്ഷണങ്ങൾ സഹായിക്കും
നിങ്ങളുടെ ആരോഗ്യം മെച്ചപ്പെടുത്തുന്നതിനായി ഈ ഭക്ഷണങ്ങൾ ഭക്ഷണക്രമത്തിൽ ഉൾപ്പെടുത്താവുന്നതാണ്:
1. പയർവർഗ്ഗങ്ങളും ധാന്യങ്ങളും
പയർ, പരിപ്പ്, കടല, സോയാബീൻ തുടങ്ങിയ പയറുകളിൽ ഉയർന്ന അളവിൽ ഇരുമ്പ് അടങ്ങിയിട്ടുണ്ട്. പയർ വർഗ്ഗങ്ങളിൽ കാണപ്പെടുന്ന ആന്റിഓക്‌സിഡന്റാണ് കാം‌പ്ഫെറോൾ, ഇത് വിട്ടുമാറാത്ത വീക്കം പോലുള്ള ആരോഗ്യ പ്രശ്നങ്ങൾ അകറ്റുവാൻ സഹായിക്കുന്ന ഗുണങ്ങൾ നൽകുന്നു. ഫോളേറ്റ്, മഗ്നീഷ്യം, പൊട്ടാസ്യം എന്നിവയുടെ നല്ല ഉറവിടം കൂടിയായ ഇവയ്ക്ക് ഹൃദ്രോഗ സാധ്യത കുറയ്ക്കാനും രക്തത്തിൽ എൽഡിഎൽ കൊളസ്ട്രോൾ അളവ് കുറയ്ക്കാനും എച്ച്ഡിഎൽ അളവ് വർദ്ധിപ്പിക്കാനും സഹായിക്കും.
2. നട്ട്സ്, വിത്തുകൾ
വാൾനട്ട്, ബദാം, കശുവണ്ടി തുടങ്ങിയ നട്ട്സുകൾ ഫോളിക് ആസിഡിന്റെ നല്ല ഉറവിടങ്ങളാണ്. മഗ്നീഷ്യം, ഇരുമ്പ്, മോണോസാചുറേറ്റഡ് കൊഴുപ്പുകൾ എന്നിവയും ഇവയിൽ അടങ്ങിയിട്ടുണ്ട്, ഇത് രക്തത്തിലെ പഞ്ചസാരയുടെ അളവ് മെച്ചപ്പെടുത്തുകയും ഊർജ്ജ അളവ് വർദ്ധിപ്പിക്കുകയും ചെയ്യുന്നു. വിത്തുകളായ ചെറുചന, മത്തങ്ങ, ചിയ എന്നിവയിൽ ആവശ്യത്തിന് ഇരുമ്പ് അടങ്ങിയിട്ടുണ്ട്. മാത്രമല്ല, ഈ വിത്തുകൾ മഗ്നീഷ്യം, ഫൈബർ, ഒമേഗ 3 ഫാറ്റി ആസിഡുകൾ എന്നിവയുടെ സമൃദ്ധമായ ഉറവിടങ്ങളുമാണ്. ഈ പോഷക ഗുണങ്ങൾ ഹൃദയ സംബന്ധമായ അസുഖങ്ങൾ ഒഴിവാക്കാനും എച്ച്ഡിഎൽ അളവ് മെച്ചപ്പെടുത്താനും സഹായിക്കുന്നു. ഉപാപചയ പ്രക്രിയകളിൽ ഉൽ‌പാദിപ്പിക്കുന്ന ദോഷകരമായ ഫ്രീ റാഡിക്കലുകളിൽ നിന്ന് നിങ്ങളുടെ കോശങ്ങളെ സംരക്ഷിക്കുന്നതിനും നട്ട്സുകളും വിത്തുകളും സഹായിക്കുന്നു.
3. അവോക്കാഡോ
അവോക്കാഡോ വീക്കത്തിനെതിരെ പോരാടുന്നതിനും, എച്ച്ഡിഎൽ കൊളസ്ട്രോൾ നില മെച്ചപ്പെടുത്തുന്നതിനും സഹായിക്കുന്നു. കൂടാതെ മഗ്നീഷ്യത്തിന്റെ ഒരു മികച്ച ഉറവിടവുമാണ് ഇവ. ഈ പഴത്തിൽ പൊട്ടാസ്യം, വിറ്റാമിൻ ബി, കെ എന്നിവയും അടങ്ങിയിട്ടുണ്ട്, ഇതിൽ അടങ്ങിയിട്ടുള്ള ഫൈബറിന്റെ സഹായത്താൽ കൂടുതൽ സമയം വിശപ്പ് അനുഭവപ്പെടാതെ തുടരാൻ നിങ്ങൾക്ക് സാധിക്കുന്നു. ഇവയിൽ ഉയർന്ന അളവിൽ ഫോളേറ്റ്, മോണോസാച്ചുറേറ്റഡ് കൊഴുപ്പ് എന്നിവ അടങ്ങിയിട്ടുണ്ട്, ഇത് എൽഡിഎൽ അളവ് കുറയ്ക്കുകയും ഹൃദയ സംബന്ധമായ അസുഖങ്ങൾ അകറ്റുകയും ചെയ്യുന്നു.
അതിനാൽ, എച്ച്ഡിഎൽ അളവ് മെച്ചപ്പെടുത്തുന്നതിനും ആരോഗ്യകരമായ ജീവിതം നയിക്കുന്നതിനും ഈ ഭക്ഷണങ്ങൾ തീർച്ചയായും ആഹാരശീലത്തിൽ ഉൾപ്പെടുത്തുക!
