Flipkart Big Savings Days sale from July 25: ഫ്ലിപ്കാർട്ടിന്റെ ‘ബിഗ് സേവിങ് ഡേയ്സ്’ ജൂലൈ 25ന് ആരംഭിക്കും. അഞ്ച് ദിവസം നീണ്ടു നിൽക്കുന്ന മെഗാ ഡിസ്‌കൗണ്ട് വില്പന ജൂലൈ 29 വരെയാണ്. സ്മാർട്ട്ഫോണുകൾ, ടാബ്‌ലറ്റുകൾ, ഇലക്ട്രോണിക് ഉപകരണങ്ങൾ എന്നിവ വമ്പൻ ഓഫറിലും ഡിസ്‌കൗണ്ടിലും ഈ ദിവസങ്ങളിൽ ഫ്ലിപ്‌കാർട്ടിൽ നിന്നും വാങ്ങാൻ സാധിക്കും. ഫ്ലിപ്കാർട്ട് പ്ലസ് അംഗങ്ങൾക്ക് ജൂലൈ 24 മുതൽ സാധനങ്ങൾ ഓഫറിൽ വാങ്ങാൻ സാധിക്കും. പ്രധാന ഓഫറുകളും ഡിസ്‌കൗണ്ടുകളും താഴെ വായിക്കാം.
Smartphone deals – സ്മാർട്ട്ഫോൺ ഡീലുകൾ
‘ബിഗ് സേവിങ് ഡേയ്സ്’ വില്പനയിൽ റിയൽമി സി20 6,499 രൂപയ്ക്കും പോക്കോ എക്സ്3 പ്രോ അതിന്റെ യഥാർത്ഥ വിലയായ 18,999 രൂപക്ക് പകരം 17,249 രൂപക്കും ലഭിക്കും. റിയൽമെ എക്സ്7 5ജി 19,999 രൂപയ്ക്ക് പകരം 18,999 രൂപയിലും, മോട്ടറോള ജി40 ഫ്യൂഷൻ 14,499 രൂപയ്ക്ക് പകരം 13,499 രൂപയുടെ ഓഫറിലും ലഭിക്കും.
ആപ്പിളിലേക്ക് വരുകയാണെങ്കിൽ, ഐഫോൺ എസ്ഇ 2020 39,900 രൂപയ്ക്ക് പകരം 28,999 രൂപയിലും ഐഫോൺ എക്സ്ആർ 47,900 രൂപയ്ക്ക് പകരം 37,999 രൂപയിലും ഐഫോൺ 12 79,900 രൂപയ്ക്ക് പകരം 67,999 രൂപയിലും ലഭിക്കും. മറ്റു നിരവധി സ്മാർട്ട്‌ഫോണുകളും ഓഫററിൽ ‘ബിഗ് സേവിങ് ഡേയ്സ്’ വിൽപ്പനയുടെ ഭാഗമാകും.
Electronics and appliances – ഇലക്ട്രോണിക്സ്, വീട്ടുപകരണങ്ങൾ
ഹെഡ്‌ഫോണുകൾ, സൗണ്ട്ബാറുകൾ, ടാബ്‌ലെറ്റുകൾ, റൂട്ടറുകൾ, ലാപ്‌ടോപ്പുകൾ എന്നിവയുൾപ്പെടെയുള്ള ഇലക്ട്രോണിക്സ് ഉപകരണങ്ങൾക്ക് 80 ശതമാനം വരെ കിഴിവ് ഫ്ലിപ്പ്കാർട്ട് വാഗ്ദാനം ചെയ്യുന്നുണ്ട്. തിരഞ്ഞെടുത്ത ലാപ്‌ടോപ്പുകൾക്ക് 40 ശതമാനം വരെ കിഴിവും, തിരഞ്ഞെടുത്ത ഓഡിയോ ഉൽപ്പന്നങ്ങൾക്ക് 70 ശതമാനം വരെ കിഴിവും ഫ്ലിപ്കാർട്ട് പറയുന്നു. ആപ്പിൾ ഐപാഡ്, വൺപ്ലസ് ബാൻഡ്, സൗണ്ട്ബാറുകൾ, വൈ-ഫൈ റൂട്ടറുകൾ എന്നിവയും മറ്റ് ഉൽപ്പന്നങ്ങളും ‘ബിഗ് സേവിങ് ഡേയ്സ്’ വില്പനയിൽ ഉണ്ട്.
തിരഞ്ഞെടുത്ത ടിവികൾക്ക് ഫ്ലിപ്പ്കാർട്ട് 65 ശതമാനം വരെ കിഴിവ് നൽകും. അതേസമയം, എൽജി, സാംസങ്, വേൾപൂൾ, തുടങ്ങിയ ബ്രാൻഡുകളിലെ എസികൾ 23,490 രൂപ മുതൽ ലഭിക്കും. വാട്ടർ പ്യൂരിഫയറുകൾ, വാഷിംഗ് മെഷീനുകൾ എന്നിവയുൾപ്പെടെയുള്ള വീട്ടുപകരണങ്ങൾക്കും മികച്ച ഓഫറുകൾ നൽകുന്നുണ്ട്.
ഇനി മുതൽ ഉൽപ്പന്നങ്ങൾ വാങ്ങുന്നതിനു മുൻപ് അവ എങ്ങനെയാണെന്ന് മനസിലാക്കാൻ സഹായിക്കുന്ന ഓഗ്മെന്റെഡ് റിയാലിറ്റി ക്യാമറ ഫ്ലിപ്പ്കാര്‍ട്ട് കഴിഞ്ഞ ദിവസം അവതരിപ്പിച്ചു. ഫര്‍ണിച്ചര്‍, ഉൾപ്പടെയുള്ള വലിയ വീട്ടുപകരണങ്ങള്‍ വാങ്ങുന്നതിനു മുമ്പ് ഉപയോക്താക്കള്‍ക്ക് ഉല്‍പ്പന്നത്തിന്റെ വലുപ്പവും അനുയോജ്യതയും കണക്കാക്കുകയും വീടിന് എത്ര അനുയോജ്യമാകുമെന്ന് ഫ്ലിപ്പ്കാര്‍ട്ട് ക്യാമറ ഉപയോഗിച്ച് മനസ്സിലാക്കാനാകും കഴിയുന്ന സംവിധാനമാണ് അവതരിപ്പിച്ചിരിക്കുന്നത്. ഫാഷന്‍, ബ്യൂട്ടി വിഭാഗങ്ങളിലെ ഉൽപ്പന്നങ്ങളിലും ഈ സൗകര്യം ലഭ്യമാകും.
The post Flipkart Big Saving Days: ഫ്ലിപ്കാർട്ട് ‘ബിഗ് സേവിങ് ഡേയ്സ്’ ജൂലൈ 25 മുതൽ; അറിഞ്ഞിരിക്കേണ്ട ഓഫറുകൾ appeared first on Indian Express Malayalam.
