Jio New Recharge Plan:റിലയൻസ് ജിയോ അവരുടെ ഏറ്റവും പുതിയ പ്രീപെയ്ഡ് പ്ലാൻ പുറത്തിറക്കി. പ്രതിദിനം 3ജിബി ഡാറ്റ നൽകുന്ന 3,499 രൂപയുടെ പ്ലാനാണ് പുറത്തിറക്കിയത്. ഒരു വർഷമാണ് പ്ലാനിന്റെ കാലാവധി. ജിയോയുടെ ഔദ്യോഗിക വെബ്സൈറ്റിലൂടെയോ മൈ ജിയോ ആപ്പിലൂടെയോ പുതിയ പ്ലാൻ റീചാർജ് ചെയ്യാം.
ജിയോ ആപ്പിൽ 3ജിബി പ്ലാനുകളുടെ സെഷനിൽ നിന്നും പുതിയ പ്ലാൻ എളുപ്പത്തിൽ തിരഞ്ഞെടുക്കാം. ജിയോ നൽകുന്ന ഏറ്റവും വില കൂടിയ പ്ലാനാണിത്. പ്രതിദിന ഡാറ്റയായ 3ജിബി തീർന്നാലും ഉപയോക്താക്കൾക്ക് 64 കെബിപിഎസ് വേഗതയിൽ ഇന്റർനെറ്റ് ഉപയോഗിക്കാൻ സാധിക്കും. അൺലിമിറ്റഡ് വോയിസ് കോളും പ്രതിദിനം 100 എസ്എംഎസുകളും ഈ പ്ലാനിൽ ലഭിക്കും.
ഇതിനോടൊപ്പം ജിയോയുടെ ആപ്പുകളിലേക്ക് സൗജന്യ പ്രവേശനവും ഈ പ്ലാനിൽ ലഭിക്കും. ജിയോടീവി, ജിയോസിനിമ, ജിയോന്യൂസ് ഉൾപ്പടെയുള്ള ആപ്പുകളാണ് പുതിയ പ്ലാൻ വഴി സൗജന്യമായി ഉപയോഗിക്കാൻ സാധിക്കുക. എന്നാൽ ഒടിടി പ്ലാറ്റുഫോമുകളിലേക്ക് ഈ പ്ലാൻ വഴി സൗജന്യ സബ്സ്ക്രിപ്ഷൻ നൽകുന്നില്ല. മറ്റു പല പ്ലാനുകളിലും ഹോട്ട്സ്റ്റാർ ഉൾപ്പടെയുള്ളവയിലേക്ക് കമ്പനി സൗജന്യ സബ്സ്ക്രിപ്ഷൻ നൽകിയിരുന്നു.
Read Also: JioFiber postpaid plans: പുതിയ ജിയോഫൈബർ പ്ലാനുകൾ
പ്രതിദിന പരിധിയില്ലാതെ അഞ്ചു പ്ലാനുകൾ ജിയോ ഈ അടുത്ത് പ്രഖ്യാപിച്ചിരുന്നു. 127 രൂപക്ക് 15 ദിവസത്തേക്ക് 12ജിബി ഡാറ്റ നൽകുന്ന പ്ലാനുകൾ മുതലാണ് കമ്പനി പ്രഖ്യാപിച്ചത്. 247 രൂപയുടെ മറ്റൊരു പ്ലാനും അവതരിപ്പിച്ചിരുന്നു, ഇതിൽ 30 ദിവസത്തേക്ക് 25 ജിബി ഡാറ്റയാണ് ലഭിക്കുക. 447 രൂപയുടെ ജിയോ പ്ലാനിൽ 60 ദിവസത്തേക്ക് 50 ജിബി ഡാറ്റയും ലഭിക്കും.
ഇതോടൊപ്പം തന്നെ 597 രൂപയുടെ പ്ലാനും കമ്പനി അവതരിപ്പിച്ചിട്ടുണ്ട് 90 ദിവസത്തേക്ക് 75ജിബി ഡാറ്റയാണ് ഇതിൽ ലഭിക്കുക. അവസാനമായി ജിയോ വാർഷിക പ്ലാനും ഇതിനോടൊപ്പമുണ്ട്. 2,397 രൂപക്ക് ഒരു വർഷത്തേക്ക് 365ജിബി ഡാറ്റയാണ് ഇതിൽ ലഭിക്കുക. ഈ പുതിയ പ്ലാനുകൾ ജിയോ ആപ്പിലെ ‘നോ ഡെയിലി ലിമിറ്റ്’ സെക്ഷനിലാണ് കാണാനാവുക.
ഇനി 2ജിബി 1.5 ജിബി ഡാറ്റ പരിധി വരുന്ന പ്ലാനുകളാണ് നിങ്ങൾ നോക്കുന്നതെങ്കിൽ 56 ദിവസത്തേക്ക് 444 രൂപയുടെയും 399 രൂപയുടെയും പ്ലാനുകൾ ലഭിക്കും. ഈ പ്ലാനുകൾക്കും അൺലിമിറ്റഡ് കോളുകളും പ്രതിദിനം 100 എസ്എംഎസുകളും ലഭ്യമാണ്.
The post Jio Recharge Plan: പ്രതിദിനം 3ജിബി ഡാറ്റ, ഒരു വർഷം കാലാവധി; ജിയോയുടെ ഏറ്റവും വില കൂടിയ പ്ലാൻ എത്തി appeared first on Indian Express Malayalam.
