വിറ്റാമിൻ സി മനുഷ്യർക്ക് നിർണായകമായ ഒരു മൈക്രോ ന്യൂട്രിയന്റാണ്, കാരണം ഇത് ബന്ധിത ടിഷ്യൂകളുടെ വികാസത്തിനും പരിപാലനത്തിനും സഹായിക്കുന്നു. കൂടാതെ, മുറിവ് ഉണക്കുന്നതിലും അസ്ഥി രൂപപ്പെടുന്നതിലും ആരോഗ്യകരമായ മോണകളുടെ പരിപാലനത്തിലും ഇത് പ്രധാന പങ്ക് വഹിക്കുന്നു.
ബി വിറ്റാമിൻ, ഫോളിക് ആസിഡ് എന്നിവയെ സജീവമാക്കൽ, രക്തത്തിലെ കൊളസ്ട്രോൾ കുറയ്ക്കുന്നതിന് കൊളസ്ട്രോളിനെ പിത്തരസം ആസിഡുകളായി പരിവർത്തനം ചെയ്യുക എന്നിവ ഉൾപ്പെടെ നിരവധി ഉപാപചയ പ്രവർത്തനങ്ങൾക്കും ഇത് സഹായിക്കുന്നു. വിറ്റാമിൻ സി സ്കർവിക്കും മറ്റ് വിറ്റാമിൻ സി യുടെ അപര്യാപ്തത മൂലമുണ്ടാകുന്ന രോഗങ്ങൾക്കും ഒരു ചികിത്സാ പ്രതിവിധിയായി ഉപയോഗിക്കുന്നു. ഏറ്റവും പ്രധാനമായി, വിറ്റാമിൻ സി രോഗപ്രതിരോധ ശേഷി വർദ്ധിപ്പിക്കുകയും അലർജി പ്രതിപ്രവർത്തനങ്ങളുടെ കാഠിന്യം കുറയ്ക്കുകയും അണുബാധകളെ ചെറുക്കാൻ സഹായിക്കുകയും ചെയ്യുന്നു.
ജലദോഷം, ശ്വാസകോശ സംബന്ധമായ അണുബാധകൾ എന്നിവ ഉണ്ടാകുമ്പോൾ വിറ്റാമിൻ സി കുറയുന്നു, അതിനാൽ പ്രതിരോധശേഷി വർദ്ധിപ്പിക്കുന്നതിന് വിറ്റാമിൻ സി സപ്ലിമെന്റുകളിലൂടെ അവ ശരീരത്തിൽ നിറയ്ക്കേണ്ടതുണ്ട്. പ്രമേഹം, അതീറോസ്‌ക്ലീറോസിസ്, ഹൃദ്രോഗം പോലുള്ള വിട്ടുമാറാത്ത രോഗങ്ങൾ ഉണ്ടാകുമ്പോഴും ശരീരത്തിന്റെ വിറ്റാമിൻ സി നില കുറയുന്നു. അതിനാൽ വിറ്റാമിൻ സി സപ്ലിമെന്റുകൾ കഴിക്കുന്നത് ശരീരത്തിലെ വിറ്റാമിൻ സി നില മെച്ചപ്പെടുത്താൻ സഹായിക്കും.
ശരീരത്തിലെ വിവിധ കോശങ്ങളായ ചർമ്മ കോശങ്ങൾ, തരുണാസ്ഥി, അസ്ഥി, അസ്ഥിബന്ധങ്ങൾ, ടെൻഡോണുകൾ, രക്തക്കുഴലുകളുടെ മതിലുകൾ, പല്ലുകൾ എന്നിവയുടെ അറ്റകുറ്റപ്പണികൾക്ക് ആവശ്യമായ ഒരു കൊളാജൻ നിർമ്മിക്കാൻ അസ്കോർബിക് ആസിഡ് എന്നറിയപ്പെടുന്ന വിറ്റാമിൻ സി ആവശ്യമാണ്. ഇത് ഇരുമ്പിന്റെയും കാൽസ്യത്തിന്റെയും മറ്റ് ധാതുക്കളുടെയും ആഗിരണം മെച്ചപ്പെടുത്തുകയും ചെയ്യുന്നു.
വിറ്റാമിൻ സി കുറഞ്ഞാൽ
ക്ഷീണം, ബലഹീനത, പേശി വേദന, സന്ധി വേദന, ചർമ്മത്തിൽ മുറിവുകൾ, മുടിയുടെ അറ്റം പിളരുക, മോണയുടെ നീർവീക്കം, നിറവ്യത്യാസം, മോണയിൽ നിന്ന് അപ്രതീക്ഷിതമായി രക്തസ്രാവം, മുറിവുകളുടെ മോശം രോഗശാന്തി, അണുബാധകൾക്കെതിരായ പ്രശ്നങ്ങൾ, ശരീരഭാരം കുറയൽ എന്നിവയാണ് വിറ്റാമിൻ സി യുടെ അഭാവത്തിന്റെ ലക്ഷണങ്ങൾ. കൃത്യസമയത്ത് രോഗനിർണയം നടത്തി ചികിത്സിച്ചില്ലെങ്കിൽ, വിറ്റാമിൻ സി യുടെ കുറവ് നാഡി പ്രശ്നങ്ങൾ, അപസ്മാരം, പനി, ശ്വാസം മുട്ടൽ എന്നിവയ്ക്ക് കാരണമാകും.
വിറ്റാമിൻ സി കുറയുന്നതിന്റെ ലക്ഷണങ്ങൾ അനുഭവപ്പെടുമ്പോൾ എന്തുചെയ്യണം
ഈ അവശ്യ മൈക്രോ ന്യൂട്രിയന്റിന്റെ കുറവില്ലെന്ന് ഉറപ്പാക്കാൻ ഡോക്ടറെ കാണേണ്ടത് അത്യാവശ്യമാണ്. ആ വ്യക്തിയോട് ഭക്ഷണത്തെക്കുറിച്ച് ചോദിക്കുകയും അവർ അനുഭവിച്ച ലക്ഷണങ്ങൾ എന്തൊക്കെയെന്ന് മനസ്സിലാക്കുകയും ചെയ്ത ശേഷം ഡോക്ടർക്ക് പ്രശ്നം കണ്ടെത്താം. ഭക്ഷണത്തിൽ നിന്ന് ഇരുമ്പ് ആഗിരണം ചെയ്യുന്നതിനും വിറ്റാമിൻ സി ആവശ്യമാണ്; അതിനാൽ, വിറ്റാമിൻ സി കുറവുള്ള ആളുകളിൽ ഇരുമ്പിന്റെ കുറവ് പലപ്പോഴും കാണപ്പെടുന്നു. അസ്ഥികൾ നേർത്തതാകുവാൻ വിറ്റാമിൻ കുറവ് കാരണമാകും എന്നുള്ളതിനാൽ അസ്ഥികൾ പരിശോധിക്കാൻ എക്സ്-റേ അല്ലെങ്കിൽ സ്കാൻ ചെയ്യാനും ഡോക്ടർ ചിലപ്പോൾ നിർദ്ദേശിച്ചേക്കാം.
ഭക്ഷണത്തിൽ വിറ്റാമിൻ സിയുടെ നിരന്തരമായ അഭാവം സ്കർവി എന്ന അവസ്ഥയിലേക്ക് നയിക്കും. മോണയിൽ നിന്ന് രക്തസ്രാവം, ദുർഗന്ധം വമിക്കുന്ന ശ്വാസം എന്നിവ സാധാരണയായി സ്കർവിയുടെ ലക്ഷണങ്ങളാണ്. നിങ്ങളുടെ ഡോക്ടർ നിർദ്ദേശിച്ചതു പോലെ ഉയർന്ന അളവിൽ വിറ്റാമിൻ സി സപ്ലിമെന്റുകൾ ഉപയോഗിച്ച് സ്കർവി ചികിത്സിക്കാം.
ഭക്ഷണ സ്രോതസ്സുകൾ
വിറ്റാമിൻ സിയുടെ സ്വാഭാവിക സ്രോതസ്സുകളായ ഓറഞ്ച് പോലെയുള്ള സിട്രസ് പഴങ്ങൾ, പച്ച ഇലക്കറികൾ, സ്ട്രോബെറി, പപ്പായ, ബ്രൊക്കോളി തുടങ്ങിയവ വിറ്റാമിൻ സി യുടെ അപര്യാപ്തതയെയും ദീർഘകാലാടിസ്ഥാനത്തിലുള്ള സ്കർവി പോലുള്ള പ്രശ്നങ്ങളെയും തടയാൻ സഹായിക്കുന്നു. ആരോഗ്യകരമായ ഭക്ഷണത്തോടൊപ്പം, ശരീരത്തിൽ വിറ്റാമിൻ സി ശരിയായ അളവിൽ നിലനിർത്തുന്നതിന് സപ്ലിമെന്റുകൾ വളരെയധികം സഹായിക്കുന്നതാണ്. ദിവസേനയുള്ള ഭക്ഷണത്തിൽ വിറ്റാമിൻ ഉൾപ്പെടുത്തി കഴിക്കുന്നതിന്റെ അളവ് പ്രായവും ലിംഗഭേദവും അനുസരിച്ച് വ്യത്യാസപ്പെട്ടിരിക്കുന്നു. ഉദാഹരണത്തിന്, ഗർഭിണികളും മുലയൂട്ടുന്ന സ്ത്രീകളും ഉയർന്ന അളവിൽ വിറ്റാമിൻ സി ആവശ്യവുമാണ്.
ആരോഗ്യകരമായ ഭക്ഷണവും സപ്ലിമെന്റുകളും ഉപയോഗിച്ച് വിറ്റാമിൻ സി യുടെ കുറവ് പരിഹരിക്കാം. സപ്ലിമെന്റുകൾ തിരഞ്ഞെടുക്കുമ്പോൾ അവ ഡോക്ടറുടെ നിർദ്ദേശപ്രകാരം മാത്രം ഉപയോഗിക്കുക.
രോഗങ്ങൾക്കെതിരായുള്ള ശരീരത്തിന്റെ പ്രതിരോധമായ രോഗപ്രതിരോധ സംവിധാനത്തിലായിരിക്കണം നമ്മുടെ ശ്രദ്ധ. വിറ്റാമിൻ സി യുടെ കുറവ് നമ്മുടെ രോഗപ്രതിരോധ ശേഷി കുറയ്ക്കുകയും അണുബാധകൾ മൂലം പതിവായി ഉണ്ടാകുന്ന രോഗങ്ങളിലേക്ക് നയിക്കുകയും ചെയ്യും. ആരോഗ്യകരമായ ഭക്ഷണം കഴിച്ചും വിറ്റാമിൻ സി സപ്ലിമെന്റുകൾ കഴിച്ചും ഈ പ്രശ്നം പരിഹരിക്കാനാകും. ശരീരം സ്വയം വിറ്റാമിൻ സി ഉണ്ടാക്കാത്തതിനാൽ, വിറ്റാമിൻ സി സമ്പുഷ്ടമായ ഭക്ഷണവും വിറ്റാമിൻ സി സപ്ലിമെന്റുകളും സ്ഥിരമായി കഴിക്കുന്നത് വിറ്റാമിൻ സി യുടെ കുറവ് തടയുന്നതിനും പ്രതിരോധശേഷി വർദ്ധിപ്പിക്കുന്നതിനുമുള്ള ഒരു മികച്ച പരിഹാരമാണ്.
