ഇനി 2 മീറ്റർ പോരാ, വേണം സാമൂഹിക അകലം 10 മീറ്റർ എങ്കിലും; കാരണം അറിയുക

സാർസ് കൊറോണവൈറസ്-2 (SARS-CoV-2) ന്റെ ഹ്യൂമൻ കൊറോണ വൈറസ് (HCoV) വളരെ വളരെ രോഗകാരിയും അപകടകാരിയുമാണ്. അതുകൊണ്ടുതന്നെയാണ് ഇത് ആഗോളതലത്തിൽതന്നെ പടർന്നുപിടിച്ച് ലക്ഷങ്ങളുടെ ജീവൻ കവർന്നത്. ഉമിനീരിലൂടെയും, ശ്വസന പ്രക്രിയയിലൂടെയും ഈ വൈറസ് മനുഷ്യനിൽ നിന്ന് മനുഷ്യനിലേക്ക് പടരുന്നു. പുതിയ വൈറസ് വകഭേദങ്ങൾ സൃഷ്ടിക്കുന്ന ആശങ്കകളും ചില്ലറയല്ല. ജനിതകമാറ്റം സംഭവിച്ച ചില വൈറസുകളിൽ ഉയർന്ന സംക്രമണവും അണുബാധ നിരക്കും ഉണ്ടാകാം. കൊവിഡ് തടയാൻ ഉചിതമായ മാർഗങ്ങൾ പിന്തുടരുന്നില്ലെങ്കിൽ അണുബാധയുടെ വർദ്ധനവ് വീണ്ടും സംഭവിക്കാം.

വൈറസ് എങ്ങനെ പടരുന്നു?
ഈ വൈറസിന് വളരെ കുറച്ച് ആളുകളിൽ നിന്ന് വളരെ വലിയ ജനസംഖ്യയിലേക്ക് വേഗത്തിൽ പടരാൻ കഴിയും. അതുകൊണ്ട് തന്നെ വൈറസ് പകരുന്നത് കുറക്കാനും നിയന്ത്രിക്കുന്നതിനും കൃത്യമായ പെരുമാറ്റച്ചട്ടങ്ങൾ കർശനമായി പിന്തുടരേണ്ടതുണ്ട്. എല്ലായ്‌പ്പോഴും ഓർക്കണം, ലക്ഷണങ്ങളൊന്നും കാണിക്കാത്ത ആളുകൾക്കും വൈറസ് ബാധിക്കാനും അവർക്കത് പടർത്താനും കഴിയും.

വൈറസ് പടരുന്ന മൂന്ന് സാധ്യതകൾ:
1. എയറോസോൾസ് (വായു കണികകൾ)
2. ഉമിനീർ
3. ഉപരിതലം

രോഗബാധിതനായ വ്യക്തിയുടെ ശരീരത്തിൽ വൈറസ് നിരന്തരമായി പെരുകിക്കൊണ്ടേയിരിക്കും.‌ ആ വ്യക്തിയിൽനിന്ന് നിന്ന് മറ്റുള്ളവരിലേക്ക് ശ്വാസോച്ഛ്വാസം, സംസാരം, ചുമ, തുമ്മൽ എന്നിവയിലൂടെയെല്ലാം വൈറസ് പടരാം. കാരണം ഈ സമയങ്ങളിലെല്ലാം രോഗബാധിതനായ വ്യക്തിയുടെ ഉമിനീർ പുറത്തുവരാൻ സാധ്യത വളരെ അധികമാണ്.

രോഗലക്ഷണങ്ങളൊന്നും കാണിക്കാത്ത ഒരു രോഗി പോലും വൈറൽ ലോഡ് സൃഷ്ടിക്കാൻ ആവശ്യമായ ഉമിനീർ പുറത്തുവിടും. അത് മറ്റുള്ളവരെയും ബാധിക്കും. രോഗം ബാധിച്ച വ്യക്തിയിൽ ലക്ഷണങ്ങൾ പ്രത്യക്ഷപ്പെടാൻ രണ്ടാഴ്ച വരെ സമയമെടുക്കും. ഈ സമയത്ത് അവർ മറ്റുള്ളവരിലേക്ക് വൈറസ് പകർത്തുകയും ചെയ്യും. ചില ആളുകൾ ഒരിക്കലും രോഗലക്ഷണങ്ങൾ കാണിക്കില്ല. പക്ഷേ അവർക്ക് വൈറസ് പടർത്താൻ കഴിയും. അതിനാൽ നിങ്ങൾ അണുബാധയുടെ ലക്ഷണങ്ങളൊന്നും കാണിക്കുന്നില്ലെങ്കിലും മാസ്ക് നിർബന്ധമായും ധരിക്കണം.

വായു കണികകൾ, ഉമിനീർ എന്നിവയിലൂടെയുള്ള വൈറസ് പകർച്ച:
ഉമിനീർ, വായു കണികകൾ എന്നിവയുടെ രൂപത്തിൽ ഒരാളിൽ നിന്ന് മറ്റൊരാളിലേക്ക് വൈറസ് പടരാം. ചില സമയങ്ങളിൽ രോഗമുള്ളയാളിൽ നിന്ന് വലിയ വലിപ്പത്തിലുള്ള തുള്ളികൾ നിലത്തും ഉപരിതലത്തിലും വീണേക്കാം. ചെറിയ എയറോസോൾ കണങ്ങളെ വായുവിൽ കൂടുതൽ ദൂരത്തേക്ക് കൊണ്ടുപോകുന്നു. അടച്ച വായുസഞ്ചാരമില്ലാത്ത ഇടങ്ങളിൽ, തുള്ളികളും എയറോസോളുകളും വേഗത്തിൽ ആളുകളിലേക്ക് പടരാം.

*വൈറസ് കണികകൾ വേഗത്തിൽ ചിതറിപ്പോകുന്നതിനാൽ ദൂരത്തേക്ക് അണുബാധ പകരാനുള്ള സാധ്യത വളരെ കുറവാണ്. വായുസഞ്ചാരം നന്നായി ഉണ്ടെന്ന് ഉറപ്പാക്കി വൈറസിന്റെ അപകടകരമായ സാന്ദ്രത കുറയ്‌ക്കാൻ കഴിയും.

*രോഗം ബാധിച്ച വ്യക്തിയിൽ നിന്ന് 2 മീറ്ററിനുള്ളിൽ വരെ ഉമിനീർ പലവിധത്തിൽ പുറത്തേക്ക് വന്നേക്കാം

*വായു കണികകൾ അഥവാ എയറോസോൾ വഴി വൈറസുകൾക്ക് 10 മീറ്റർ വരെ വായുവിൽ സഞ്ചരിക്കാൻ കഴിയും

ഉപരിതലത്തിലൂടെയുള്ള വൈറസ് പകർച്ച:
രോഗം ബാധിച്ച ഒരാൾ പുറപ്പെടുവിക്കുന്ന ശ്രവങ്ങളിലൂടെ ഉപരിതല വൈറസ് പകർച്ചക്കും സാധ്യതയുണ്ട്. വിവിധ പ്രതലങ്ങളിലേക്ക് വൈറസ് ഇറങ്ങിയേക്കാം. മലിനമായ ഈ പ്രതലങ്ങളിൽ ആരെങ്കിലും സ്പർശിക്കുമ്പോൾ വൈറസ് അവരുടെ ശരീരത്തിലേക്കെത്തും. സോപ്പ് ഉപയോഗിച്ച് കൈ കഴുകാതെ, വായ, മൂക്ക്, കണ്ണുകൾ എന്നിവയിൽ സ്പർശിക്കുമ്പോൾ വൈറസ് ഉള്ളിലേക്ക് കടക്കുന്നു. ഈ വൈറസുകൾക്ക് ഗ്ലാസ്, പ്ലാസ്റ്റിക്, സ്റ്റെയിൻലെസ് സ്റ്റീൽ തുടങ്ങിയ പ്രതലങ്ങളിൽ വളരെക്കാലം അതിജീവിക്കാൻ കഴിയും. വാതിൽ ഹാൻഡിലുകൾ, ലൈറ്റ് സ്വിച്ചുകൾ, ടേബിളുകൾ, കസേരകൾ, തറഭാഗം തുടങ്ങിയവ പതിവായി വൃത്തിയാക്കുന്നത് ഉപരിതലത്തിൽ നിന്ന് വൈറസ് നീക്കംചെയ്യാൻ സഹായിക്കും.

മാസ്ക് കൃത്യമായി ധരിക്കുക:
*ഇരട്ട പാളികളുള്ള കോട്ടൺ മാസ്ക് വളരെ മികച്ച പ്രതിരോധം തീർക്കും

*N95 മാസ്ക് വൈറസിൽ നിന്ന് പരമാവധി പരിരക്ഷ നൽകുന്നു.

മാസ്ക് ധരിക്കുേമ്പാൾ…
*നിങ്ങളുടെ മൂക്കിലോ താടിയിലോ എയർ പോക്കറ്റുകളൊന്നും അവശേഷിക്കാതെ മുഖത്ത് നന്നായി ഫിറ്റ് ആയി മാസ്ക് ധരിക്കണം

*ഓരോ ദിവസവും തുണി മാസ്കുകൾ കഴുകുകയും സൂര്യപ്രകാശം തട്ടിച്ച് ഉണക്കുകയും വേണം.

*വീട്ടിൽ നിന്ന് പുറത്തുപോയി വരുന്നവർ നിർബന്ധമായും വീട്ടിലും മാസ്‌ക്കുകൾ ധരിക്കണം.

*രണ്ട് മാസ്കുകൾ ഒരുമിപ്പിച്ച് ഇരട്ട മാസ്കിംഗ് ശീലമാക്കുക.

ഡബിൾ മാസ്കിങ് എങ്ങനെ?
*ഒരു സർജിക്കൽ മാസ്ക് ധരിക്കുക, അതിനുശേഷം അതിന് മുകളിലായി ഫിറ്റ് ആയി കിടക്കുന്ന മറ്റൊരു തുണി മാസ്ക് ധരിക്കുക.

* ഒരു സർജിക്കൽ മാസ്കും ഒരു തുണി മാസ്കും ജോഡിയാക്കാം. എന്നാൽ രണ്ട് സർജിക്കൽ മാസ്ക്കുകൾ ജോഡിയാക്കരുത്.

*N95 മാസ്കിന്റെ കൂടെ ഡബിൾ മാസ്കിങ് ആവശ്യമില്ല

*സർജിക്കൽ മാസ്ക് ഒരുതവണ മാത്രമേ ഉപയോഗിക്കാവൂ. എന്നാൽ ജോടിയാക്കുമ്പോൾ, ഒരു ഉപയോഗത്തിന് ശേഷം 7 ദിവസത്തേക്ക് വരണ്ട സ്ഥലത്ത് വക്കുകയാണെങ്കിൽ 5 തവണ വരെ നിങ്ങൾക്ക് ഇത് ഉപയോഗിക്കാം.

*സർജിക്കൽ മാസ്കുകൾ ഒരിക്കലും കഴുകി ഉപയോഗിക്കരുത്.

വീട്ടിൽ വെൻറിലേഷൻ ഉറപ്പാക്കണം:
*വീടിനുള്ളിലെ വായു സഞ്ചാരം കൃത്യമായി നടക്കാൻ ശരിയായ രീതിയിൽ വെൻറിലേഷൻ സൗകര്യം വീടുകളിൽ ഒരുക്കണം. അടച്ചിട്ട സ്ഥലങ്ങളിൽ വൈറസ് പടരാൻ സാധ്യത വളരെ കൂടുതലാണ്.

*ഫാൻ പ്ലെയ്‌സ്‌മെൻറ് പ്രധാനമാണ്. മലിനമായ വായു പുറത്തേക്ക് ഒഴുകാൻ സാധ്യതയുള്ള രീതിയിൽ ഫാനുകൾ സ്ഥാപിക്കുക. ഒരു എക്‌സ്‌ഹോസ്റ്റ് ഫാൻ ഫിറ്റ് ചെയ്യുന്നത് വളരെ നല്ലതാണ്. ജനലുകളും വാതിലുകളും അടച്ചിട്ടുണ്ടെങ്കിൽ എക്‌സ്‌ഹോസ്റ്റ് ഫാനുകൾ പ്രവർത്തിപ്പിക്കുക.

പകർച്ച തടയാം, മഹാമാരിയെ തുടച്ചുനീക്കാം… ഇവ ശീലമാക്കൂ…
*ഇരട്ട മാസ്കുകൾ ധരിക്കുക

*നിങ്ങളുെട ചുറ്റുപാട് പ്രദേശം നന്നായി സൂക്ഷിക്കുക. വായുസഞ്ചാരം ഉറപ്പാക്കുക

*ശാരീരിക അകലം പാലിക്കുക

*ഇടക്കിടെ സോപ്പ് ഉപയോഗിച്ച് കൈ കഴുകുക

*കോവിഡ് പോസിറീവ് രോഗികളുമായി നേരിട്ട് സമ്പർക്കം പുലർത്താതിരിക്കുക.

* പോസിറ്റീവ് ആയവരുമായി സമ്പർക്കത്തിൽ വന്നാൽ തീർച്ചയായും മറ്റുള്ളവരിൽ നിന്ന് കുറഞ്ഞത് 7 ദിവസമെങ്കിലും അകലം പാലിക്കുക.

കേന്ദ്ര പ്രിൻസിപ്പൽ സയന്റിഫിക് അഡ്വൈസറുടെ ഓഫീസ് കേന്ദ്ര സർക്കാരിന് സമർപ്പിച്ച ”
”
എന്ന റിപ്പോർട്ടിൽ നിന്ന്.