കൊവിഡിനൊപ്പം മുടികൊഴിച്ചിലോ? ഈ കാര്യങ്ങൾ അറിഞ്ഞിരിക്കുക

കൊറോണ വൈറസ് പൊട്ടിപ്പുറപ്പെട്ടതിനെത്തുടർന്ന്, രോഗബാധിതരിൽ കണ്ടെത്തിയ ലക്ഷണങ്ങൾ പലതാണ്. ആദ്യഘട്ടത്തിൽ കണ്ടെത്തിയ ലക്ഷണങ്ങളിൽ നിന്ന് വ്യത്യസ്തമായ പലതും പിന്നീട് രോഗം ബാധിച്ചവരിൽ കണ്ടെത്തി. തുടക്കത്തിൽ ഇത് നേരിയ പനി, ചുമ, തൊണ്ടയിലെ അസ്വസ്ഥത, സന്ധിവേദന എന്നിങ്ങനെയായിരുന്നു ലക്ഷണങ്ങൾ. ഏകദേശം 25 ലക്ഷണങ്ങൾ കോവിഡ് ബാധയുണ്ടായ ആളുകളിൽ കണ്ടുവരുന്നുണ്ട്. ചില ലക്ഷണങ്ങൾ മാറി വന്നെങ്കിലും എല്ലാ രോഗികളിലും ഈ ലക്ഷണങ്ങൾ സമാനമല്ല. ചിലരിൽ കൊറോണ ബാധിച്ചതിനെത്തുടർന്ന് അസാധാരണമായ മുടികൊഴിച്ചിൽ കണ്ടു വരുന്നുണ്ട്. എന്തുകൊണ്ടാണ് കൊറോണ ബാധിക്കുന്നവരിൽ മുടികൊഴിച്ചിൽ കണ്ടുവരുന്നതെന്ന് പലർക്കും സംശയമുണ്ടാക്കിയ ഒന്നാണ്.

മൂലം :
കൊവിഡിന്റെ ഓരോ സങ്കീർണ്ണതയും മനസ്സിലാക്കാനുള്ള ശ്രമത്തിലാണ് ശാസ്ത്രജ്ഞരും മെഡിക്കൽ വിദഗ്ധരും. മനുഷ്യ ശരീരത്തെ ബാധിച്ച മാരകമായ രോഗകാരി ഏതെല്ലാം വിധത്തിൽ ആക്രമിക്കുന്നു എന്നറിയാൻ പല പഠനങ്ങളും ശാസ്ത്രലോകം നടത്തുന്നുണ്ട്. പല പഠന റിപ്പോർട്ടുകളിലും വന്ന ഏറ്റവും പുതിയ ലക്ഷണങ്ങളിലൊന്ന് മുടി കൊഴിച്ചിൽ ആണ്, പ്രത്യേകിച്ചും കോവിഡ് ബാധിച്ച ഒരു കൂട്ടം ആളുകളുടെ ഗ്രൂപ്പുകളിൽ നടത്തിയ അന്വേഷണങ്ങളിൽ നിന്ന് ഏറെക്കാലം ഈ മുടികൊഴിച്ചിൽ നീണ്ടു നിൽക്കുന്നതായും കണ്ടെത്തി.

കൊവിഡ് -19 രോഗികളിൽ മുടി കൊഴിച്ചിലിന് കാരണമാകുന്നത് എന്താണ്?
കൊവിഡ് -19 രോഗികളിൽ വൈറസ് ബാധയുണ്ടാകുന്നതോടെ മുടി കൊഴിച്ചിലിന് കാരണമാകുന്നത് എല്ലാവരിലും ആശങ്കയുണ്ടാക്കുന്ന കാര്യമാണ്. രോഗലക്ഷണങ്ങളുടെ കാരണം ശാസ്ത്രീയമായി തെളിയിക്കപ്പെട്ടിട്ടില്ല. എന്നാൽ രോഗം കാരണം ഉണ്ടാകുന്ന സമ്മർദ്ദവും അമിതമായ ടെൻഷനുമാകാം ഈ സമയത്തെ മുടികൊഴിച്ചിലിന് കാരണമെന്ന് ഒരു വിഭാഗം അഭിപ്രായപ്പെടുന്നു. കൂടാതെ, അണുബാധയുടെ കാലഘട്ടത്തിൽ ആരോഗ്യകരമായ ഭക്ഷണത്തിന്റെ അഭാവം മൂലം പോഷകക്കുറവും മുടി കൊഴിച്ചിലിന് കാരണമാകും. എന്നിരുന്നാലും, ശാസ്ത്രീയ തെളിവുകൾ ഇല്ലാതെ, ഒന്നും ഉറപ്പാക്കാൻ കഴിയില്ല.

ഇത് എങ്ങനെ നേരിടാം?
ശാസ്ത്രീയമായി പരിഹാരമാർഗങ്ങൾ ഒന്നുംതന്നെ നിർണ്ണയിക്കപ്പെട്ടിട്ടില്ലെങ്കിലും, മുടി കൊഴിച്ചിൽ ഒരു താൽക്കാലിക അവസ്ഥയാണെന്നും കോവിഡ് രോഗികളിലെ സമ്മർദ്ദത്തിന്റെ തോത് കുറയ്ക്കുന്നതിൽ ശ്രദ്ധ കേന്ദ്രീകരിക്കണമെന്നും വിദഗ്ദ്ധർ അഭിപ്രായപ്പെടുന്നു. കൂടാതെ, ഈ അവസ്ഥ മറികടക്കാനുള്ള ഏറ്റവും മികച്ച വഴി ഭക്ഷണമാണ്. വിറ്റാമിൻ ഡിയും ഇരുമ്പും അടങ്ങിയ പോഷകാഹാരങ്ങൾ ശരീരത്തിന് വളരെ ഫലപ്രദവും ആരോഗ്യകരവുമാണ്. മാത്രമല്ല, ഇത് വൈറസിനെതിരെ നിങ്ങളുടെ രോഗപ്രതിരോധ സംവിധാനത്തെ മെച്ചപ്പെടുത്താനും സഹായിക്കും.