ചായ ദിനത്തിൽ ഒരു കിടിലൻ മസാല ചായ ആയാലോ?

എത്ര ക്ഷീണമാണെങ്കിലും ഒരു ചായ മതി പൂർണ്ണ ഉന്മേഷം തിരിച്ചെത്താൻ. ശരിയല്ലേ? ചായയ്ക്കുള്ളിൽ അടങ്ങിയിരിക്കുന്ന ആരോഗ്യഗുണങ്ങളെക്കുറിച്ച് നിരവധി ശാസ്ത്ര ഗവേഷകർ ഗവേഷണങ്ങൾ നടത്തുന്നുണ്ട്. കാൻസർ, അമിതവണ്ണം, നിർജ്ജലീകരണം എന്നിവ ഉൾപ്പെടെയുള്ള ഗുരുതരമായ ചില അവസ്ഥകളിൽ നിന്ന് രക്ഷ നേടുവാൻ ചായ കുടിക്കുന്നത് യഥാർത്ഥത്തിൽ സഹായിക്കും എന്നതിന്റെ തെളിവുകൾ വർദ്ധിച്ചുവരികയാണെന്ന് ഇപ്പോൾ വെളിവായിവരുന്നുണ്ട്.

ചായ ദിനത്തിൽ ചായയുടെ ഗുണങ്ങളെക്കുറിച്ച് പറയുമ്പോഴും തേയിലത്തൊഴിലാളികളെക്കുറിച്ചും ചായ വ്യാപാരത്തെക്കുറിച്ചും ഓർക്കാതെ വയ്യ. രാജ്യാന്തരതലത്തിൽ ഇവയെ ഓർമിക്കുന്ന ദിനം കൂടിയാണിന്ന്.

ഒരേ അളവിൽ വെള്ളം കുടിക്കുന്നതിനേക്കാൾ ഒരു ദിവസം മൂന്നോ അതിലധികമോ കപ്പ് ചായ കുടിക്കുന്നത് നിങ്ങൾക്ക് ഗുണകരമാണ് എന്ന് പഠനങ്ങൾ സൂചിപ്പിക്കുന്നു. ചായയ്ക്കുള്ളിലെ ആന്റിഓക്‌സിഡന്റുകൾ ശരീരത്തിന്റെ ആരോഗ്യം വർദ്ധിപ്പിക്കും, അതേ സമയം തന്നെ ശരീരത്തിന്റെ പുനർനിർമ്മാണവും നടത്തും.

ചായ ലോകമെമ്പാടുമുള്ള ചൂടുള്ള ഒരു ജനപ്രിയ പാനീയമാണ്. മാത്രമല്ല ഇത് രുചിക്കായി മാത്രം ഉപയോഗിക്കുന്നതല്ല. ചായ നിങ്ങൾക്ക് പ്രയോജനകരമാകുന്നത് പല വിധത്തിലാണ്. കുറച്ച് ചേരുവകൾ ഉപയോഗിച്ച്, നിങ്ങളുടെ ചായ അല്ലെങ്കിൽ തയ്യാറാക്കുന്നത് നിങ്ങൾക്ക് ആരോഗ്യ ഗുണങ്ങൾ പകരുന്നു എന്നത് ഉറപ്പാക്കാൻ സഹായിക്കും.

മസാല ചായ നിങ്ങളുടെ ആരോഗ്യത്തിന് ഗുണം ചെയ്യുമെന്ന് പലർക്കും അറിയില്ല. എങ്കിൽ മസാല ചായ നിങ്ങൾക്ക് നൽകുന്ന ആരോഗ്യ ഗുണങ്ങൾ ഇതാ.

മസാല ചായ
മസാല ചായ ഉണ്ടാക്കാൻ, നിങ്ങളുടെ അടുക്കളയിൽ എപ്പോഴും ഉണ്ടാകാറുള്ള ഗ്രാമ്പൂ, ഏലയ്ക്ക, ഇഞ്ചി, കറുവാപ്പട്ട, തുളസി എന്നിവ പോലുള്ള സുഗന്ധവ്യഞ്ജനങ്ങളും തേയിലയും മാത്രം മതി. നല്ല സൗരഭ്യവാസനയും ആരോഗ്യ ഗുണങ്ങളും പകരുന്ന ഈ ചായ എല്ലാ ദിവസവും മുടങ്ങാതെ കുടിക്കാൻ നിങ്ങളെ പ്രേരിപ്പിക്കുകയും ചെയ്യും. ഇതിന്റെ പ്രധാന ആരോഗ്യ ഗുണങ്ങൾ എന്തൊക്കെയാണ്?

1. നല്ല ദഹനത്തിന്
മസാല ചായയിൽ അടങ്ങിയിട്ടുള്ള സുഗന്ധവ്യഞ്ജനങ്ങളായ തുളസി, ഗ്രാമ്പൂ, ഏലയ്ക്ക, ഇഞ്ചി എന്നിവ ദഹനത്തെ പ്രോത്സാഹിപ്പിക്കുന്നു. ഇതിലെ ഇഞ്ചിയുടെ സാന്നിധ്യം ഈ ഗുണം കൂടുതൽ ആഴത്തിലാക്കുകയും ഏലയ്ക്ക ഉമിനീർ ഉൽപാദനം വർദ്ധിപ്പിക്കുകയും ദഹനത്തെ കൂടുതൽ സഹായിക്കുകയും ചെയ്യുന്നു.

2. കാൻസർ സാധ്യത കുറയ്ക്കാൻ
കാൻസറിനെ തടയുന്ന ശക്തമായ ആന്റി ഓക്സിഡൈസിംഗ് ഗുണങ്ങൾ മസാല ചായയിൽ അടങ്ങിയിട്ടുണ്ട്. കറുവപ്പട്ട, ഇഞ്ചി, ഏലയ്ക്ക തുടങ്ങിയ സുഗന്ധവ്യഞ്ജനങ്ങൾക്കെല്ലാം ക്യാൻസറിനെ പ്രതിരോധിക്കാനുള്ള കഴിവുണ്ട്.

3. രോഗപ്രതിരോധം മെച്ചപ്പെടുത്താൻ
മസാല ചായ കുടിക്കുന്നത് പ്രതിരോധശേഷി വർദ്ധിപ്പിക്കുകയും ജലദോഷത്തെ തടയുവാൻ സഹായിക്കുകയും ചെയ്യുന്നു. മസാല ചായയിൽ അടങ്ങിയ സുഗന്ധവ്യഞ്ജനങ്ങൾ ഇതിനെ പ്രതിരോധശേഷി വർദ്ധിപ്പിക്കുന്ന വളരെ നല്ല പാനീയമാക്കി മാറ്റുന്നു. ഇതിന്റെ ആൻറി ബാക്ടീരിയൽ, ആൻറി ഫംഗസ്, ആന്റി പാരസൈറ്റിക് ഗുണങ്ങൾ എന്നിവ ജലദോഷം ഒഴിവാക്കാൻ സഹായിക്കുകയും ചെയ്യുന്നു.

4. മെറ്റബോളിസം മെച്ചപ്പെടുത്താൻ
മസാല ചായ ദഹനത്തെ മെച്ചപ്പെടുത്തുന്നു, ദഹനം നന്നാവുമ്പോൾ നിങ്ങളുടെ മെറ്റബോളിസവും മെച്ചപ്പെടും. മസാല ചായുടെ ചൂട് ഉൽ‌പാദിപ്പിക്കുന്ന ഗുണം നിങ്ങളുടെ മെറ്റബോളിസം വേഗത്തിലാക്കാൻ സഹായിക്കുന്നു. ഇത് ഒരു പരിധി വരെ ശരീരഭാരം കുറയ്ക്കാനും ഉപകരിക്കുന്നു.

5. ശരീരവീക്കം തടയാൻ
എല്ലാ സുഗന്ധവ്യഞ്ജനങ്ങൾക്കും വ്യക്തിഗതമായി ധാരാളം ഗുണങ്ങൾ ഉണ്ട്, എന്നാൽ ഇവ ഒരുമിച്ച് ചേർക്കുമ്പോൾ, ഈ സംയോജനം നിങ്ങളുടെ ശരീരത്തെ ഏത് തരത്തിലുള്ള വീക്കവും നേരിടാൻ സഹായിക്കും. നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് പ്രസിദ്ധീകരിച്ച ഒരു പഠനത്തിൽ ശരീരത്തിലെ വീക്കം കുറയ്ക്കുന്നതിന് ഇഞ്ചി ഫലപ്രദമാണെന്ന് കണ്ടെത്തിയിട്ടുണ്ട്. മസാല ചായയിലെ മറ്റൊരു സുഗന്ധവ്യഞ്ജനമായ ഗ്രാമ്പൂ, യൂജെനോൾ എന്ന സംയുക്തം കൊണ്ട് നിറഞ്ഞിരിക്കുന്നു, ഇത് പേശികളുടെ വീക്കം കുറയ്ക്കാൻ സഹായിക്കുന്നു.

6. PMS ലക്ഷണങ്ങൾ കുറയ്ക്കാൻ
പി‌എം‌എസ് അഥവാ ആർത്തവ സമയത്തിന് മുൻപ് ഉണ്ടാകുന്ന മാനസികവുന്ന ശാരീരികവുമായ ബുദ്ധിമുട്ടുകൾ വളരെ ഭയപ്പെടുത്തുന്നതാണ്. പക്ഷേ ഒരു കപ്പ് മസാല ചായ പി‌എം‌എസിന്റെ ലക്ഷണങ്ങളെ ചെറുക്കാൻ നിങ്ങളെ സഹായിക്കും. നിങ്ങളുടെ ഞരമ്പുകളെ ശാന്തമാക്കാനും പേശികൾക്ക് വിശ്രമമേകാനും സഹായിക്കുന്ന ചേരുവകൾ മസാല ചായയിൽ അടങ്ങിയിട്ടുണ്ട്. ഏലം, ഗ്രാമ്പൂ, കറുവപ്പട്ട തുടങ്ങിയ സുഗന്ധവ്യഞ്ജനങ്ങൾ വേദനസംഹാരികളായി പ്രവർത്തിക്കുന്നു. മാത്രമല്ല, ഇത് നിങ്ങളുടെ മാനസികാവസ്ഥയെ ഉയർത്തുകയും ചെയ്യും.