ഡൽഹി: യുപിഐ പോലുള്ള ഡിജിറ്റൽ പണമിടപാടുകളിലെ തട്ടിപ്പുകൾ തടയാനായി അപരിചിതരായ രണ്ടു പേർ തമ്മിലുള്ള പണമയക്കൽ വൈകിക്കാൻ നിർണായക നീക്കവുമായി കേന്ദ്ര സർക്കാർ. രണ്ട് വ്യക്തികൾ തമ്മിൽ ആദ്യമായി യുപിഐ മുഖേന ഇടപാട് നടത്തുമ്പോൾ നാല് മണിക്കൂറെങ്കിലും സമയത്തേക്ക് പണമയക്കൽ തടയാനാണ് നീക്കം. 2000 രൂപയ്ക്ക് മുകളിലുള്ള പണമിടപാടുകൾക്കാണ് ഈ നിയന്ത്രണം കൊണ്ടുവരാൻ ഉദ്ദേശിക്കുന്നത്.
ഡിജിറ്റൽ പണമിടപാടുകൾക്ക് കാലതാമസം വരുത്തുമെന്നതിനാൽ ഈ നീക്കം വലിയ വിവാദമാകുമെന്നത് തീർച്ചയാണ്. അതേസമയം, സൈബർ സെക്യൂരിറ്റി ഉറപ്പാക്കാൻ ഈ നീക്കം അത്യാവശ്യമാണെന്നും അധകൃതർ ചൂണ്ടിക്കാട്ടുന്നു. അധികം വൈകാതെ തന്നെ നിയന്ത്രണം നടപ്പാക്കുകയാണെങ്കിൽ, ഇമ്മീഡിയേറ്റ് പേയ്മെന്റ് സർവീസ് (IMPS),റിയൽ ടൈം ഗ്രോസ് സെറ്റിൽമെന്റ് (RTGS),യൂണിഫൈഡ് പേയ്മെന്റ് ഇന്റർഫേസ് (UPI)എന്നിവയെ ഇവ ബാധിക്കും. ഓരോ വ്യക്തികളുടെയും മുൻകാല ചരിത്രം പിരിശോധിക്കാതെ രണ്ടു പേർ തമ്മിലുള്ള ആദ്യത്തെ ഇടപാടിൽ കാലതാമസം വരുത്താനാണ് നിലവിലെ നീക്കം.
ഉദാഹരണത്തിന്, നിലവിൽ, ഒരു ഉപയോക്താവിന് ഒരു പുതിയ UPI അക്കൗണ്ട് സൃഷ്ടിക്കുമ്പോൾ, അവർക്ക് ആദ്യത്തെ 24 മണിക്കൂറിനുള്ളിൽ പരമാവധി 5,000 രൂപ അയയ്ക്കാൻ കഴിയും. അതുപോലെ, ദേശീയ ഇലക്ട്രോണിക് ഫണ്ട് ട്രാൻസ്ഫറിന്റെ (NEFT) കാര്യത്തിൽ, ഒരു ഗുണഭോക്താവ് സജീവമാക്കിയതിന് ശേഷം, ആദ്യ 24 മണിക്കൂറിനുള്ളിൽ 50,000 രൂപ (പൂർണ്ണമായോ ഭാഗികമായോ) കൈമാറാൻ കഴിയും.
“2000 രൂപയിൽ കൂടുതലുള്ള ആദ്യ ഡിജിറ്റൽ ഇടപാടുകൾക്ക് നാല് മണിക്കൂർ സമയപരിധി ചേർക്കാൻ ഞങ്ങൾ ആഗ്രഹിക്കുന്നു. റിസർവ് ബാങ്ക് ഓഫ് ഇന്ത്യ, വിവിധ പൊതു-സ്വകാര്യ മേഖലാ ബാങ്കുകൾ, ഗൂഗിൾ , റേസർപേ പോലുള്ള ടെക് കമ്പനികൾ എന്നിവയുൾപ്പെടെയുള്ള സർക്കാർ, വ്യവസായ പങ്കാളികളുമായുള്ള കൂടിക്കാഴ്ചയിൽ ചൊവ്വാഴ്ച ചർച്ച നടത്തും, ” ഒരു മുതിർന്ന സർക്കാർ ഉദ്യോഗസ്ഥൻ ഇന്ത്യൻ എക്സ്പ്രസിനോട് പറഞ്ഞു.
“തുടക്കത്തിൽ, ഞങ്ങൾക്ക് തുകയുടെ പരിധിയൊന്നും നിശ്ചയിച്ചിരുന്നില്ല. എന്നാൽ, വ്യവസായികളുമായുള്ള അനൗപചാരിക ചർച്ചകളിലൂടെ, പലചരക്ക് സാധനങ്ങൾ പോലുള്ള ചെറുകിട വാങ്ങലുകളെ ഇത് ബാധിക്കുമെന്ന് ഞങ്ങൾ മനസ്സിലാക്കി. അതിനാൽ 2000 രൂപയിൽ താഴെയുള്ള ഇടപാടുകൾക്ക് ഇളവ് നൽകാൻ ഞങ്ങൾ പദ്ധതിയിടുന്നത്,” ഉദ്യോഗസ്ഥൻ കൂട്ടിച്ചേർത്തു.
ഇതുകൊണ്ടുള്ള ഗുണം എന്താണ്?
അടിസ്ഥാനപരമായി ഇത് എങ്ങനെ പ്രവർത്തിക്കും എന്നതിലാണ് ആശയക്കുഴപ്പം നിലനിൽക്കുന്നത്. ഒരു പേയ്മെന്റ് റിവേഴ്‌സ് ചെയ്യാനോ പരിഷ്‌ക്കരിക്കാനോ ഒരാൾക്ക് ആദ്യമായി പണമടച്ചതിന് ശേഷം നാല് മണിക്കൂർ സമയം ലഭിക്കും എന്നതാണ് ഇതിന്റെ ഗുണം. ഏതാനും മണിക്കൂറുകൾക്കുള്ളിൽ നടക്കുന്ന ഇടപാട് നാഷണൽ ഇലക്ട്രോണിക് ഫണ്ട് ട്രാൻസ്ഫർ (NEFT) രീതിക്ക് സമാനമായാണ് നടക്കുന്നത്.
കൂടുതൽ വായിക്കാൻ ക്ലിക്ക് ചെയ്യൂ
Check out More Technology News Here
- സൗജന്യ സേവനം അവസാനിപ്പിച്ച് വാട്സ്ആപ്പ്; ബാക്കപ്പ് ഉപയോഗിക്കാൻ വരിസംഖ്യ നൽകണം
- വാട്സ്ആപ്പിലെ ഈ മെസേജുകൾ സൂക്ഷിക്കണം; നിങ്ങൾക്കും പണം നഷ്ടപ്പെടാം
- യൂട്യൂബിലെ ഫോർവേഡ്, ബാക്ക് വേഡ് ബട്ടൺ ഇനി വാട്സ്ആപ്പിലും
- കയ്യിൽ ഒതുങ്ങുന്ന 8 മികച്ച ബഡ്ജറ്റ് സ്മാർട്ട് ഫോണുകൾ പരിചയപ്പെടൂ
- ഡിഎമ്മിൽ ഇനി സെൽഫി വീഡിയോയും കാണാം; പുതിയ അപ്ഡേറ്റുമായി ഇൻസ്റ്റഗ്രാം
- കാറിനു യോജിച്ച സ്മാർട്ട്‌ഫോൺ മൗണ്ടും ഹോൾഡറും എങ്ങനെ തിരഞ്ഞെടുക്കാം?
- ത്രെഡ്‌സ് ഡിലീറ്റാക്കാം; ഇൻസ്റ്റഗ്രാം അക്കൗണ്ട് നഷ്ടമാവാതെ തന്നെ
