ശരീരത്തിൻ്റെ ഈ ഭാഗങ്ങളിലെ നീർവീക്കം ഫാറ്റി ലിവറിൻ്റെ പ്രധാന ലക്ഷണങ്ങളാണ്, അവഗണിക്കരുത്

ശരീരത്തിൻ്റെ ഓരോ അവയവങ്ങളും ഓരോ പ്രവർത്തനങ്ങളാണ് നടത്തുന്നത്. ശരീരത്തിലെ ഏറ്റവും പ്രധാനമായൊരു അവയവമാണ് കരൾ. ഒരു വ്യക്തിയുടെ ശരീരത്തിൽ നടക്കുന്ന ദഹനപ്രക്രിയയിൽ ഏറ്റവും പ്രധാനമായും പ്രവർത്തിക്കുന്നതാണ് കരൾ. ശരീരത്തിലെ ആവശ്യമില്ലാത്ത മാലിന്യങ്ങളെയും മറ്റ് അനാവശ്യ വസ്തുക്കളെയും സംസ്കരിച്ച് ശരീരത്തെ വ്യത്തിയായി സൂക്ഷിക്കാൻ സഹായിക്കുന്നതാണ് കരളാണ്. അതുകൊണ്ട് തന്നെ കരളിൻ്റെ പ്രവർത്തനം ശരിയായ രീതിയിൽ നടക്കേണ്ടതും ഏറെ പ്രധാനമാണ്. കരളിൻ്റെ പ്രവർത്തനത്തിലുണ്ടാകുന്ന കേടുപാടുകൾ പലപ്പോഴും ശരീരത്തിൽ മാലിന്യങ്ങൾ അടിഞ്ഞ് കൂടാൻ കാരണമാകുന്നു. കരളിനെ ബാധിക്കുന്ന പ്രധാന പ്രശ്നങ്ങളിലൊന്നാണ് ഫാറ്റി ലിവർ. ഈ രോഗവസ്ഥയുടെ സമയത്ത് ശരീരം തന്നെ ചില സൂചനകൾ നൽകുന്നു.