കൊവിഡ് ഉയരുന്നു, ഛർദ്ദിയും വയറിളക്കവുമൊക്കെ പുതിയ ലക്ഷണങ്ങളിൽ ഉൾപ്പെടുന്നു

രാജ്യത്ത് വീണ്ടും കോവിഡ് ഭീതി ഉയർന്ന് കൊണ്ടിരിക്കുകയാണ്. 24 മണിക്കൂറിനിടെ ഏഴായിരത്തിന് മുകളിൽ കേസുകൾ റിപ്പോർട്ട് ചെയ്തിരിക്കുന്നത്. കേന്ദ്ര ആരോഗ്യ മന്ത്രാലയം പങ്കിട്ട ഡാറ്റ അനുസരിച്ച്, പ്രതിദിന പോസിറ്റിവിറ്റി നിരക്ക് 3.65% ആണ്. കൊറോണയ്ക്ക് കാരണമാകുന്ന കൊറോണ വൈറസ് ഇപ്പോൾ വരെ പല തരത്തിൽ രൂപാന്തരപ്പെട്ടിട്ടുണ്ട്. അതിവേഗം പടരുന്ന XBB 1.16 വകഭേദമാണ് രാജ്യത്ത് കൊവിഡ് നിരക്ക് കൂടാനുള്ള പ്രധാന കാരണം. പൊതുയിടങ്ങിൽ പോകുന്നവരും ആൾക്കൂട്ടത്തിൽ പോകുന്നവരും മാസ്ക് ഉപയോഗിക്കുന്നതും സാമൂഹിക അകലം പാലിക്കുന്നതുമൊക്കെ ഒരു പരിധി വരെ കൊവിഡിനെ നേരിടാൻ സഹായിക്കും.