തൈരല്ല, തടി കുറയ്ക്കാന്‍ യോഗര്‍ട്ട് കഴിയ്ക്കൂ

യോഗര്‍ട്ട്, തൈര് എന്നിവ ഒന്നാണോ വ്യത്യസ്തമാണോ എന്ന സംശയം ചിലര്‍ക്കെങ്കിലുമുണ്ടാകാം. രണ്ടും ഏതാണ്ട് ഒരേ പോലെയാണ്, പിന്നെന്താണ് വ്യത്യാസമെന്നാകും ചിലരുടെ തോന്നല്‍. യോഗര്‍ട്ടും തൈരും രണ്ടും പാല്‍ ഉല്‍പന്നങ്ങള്‍ തന്നെയാണ്. തൈര് അല്‍പം പുളിയുള്ള തൈരോ നാരങ്ങാനീരോ ചേര്‍ത്ത് നാം വീട്ടില്‍ തന്നെ തയ്യാറാക്കുന്നതാണ്. എന്നാല്‍ യോഗര്‍ട്ട് എന്നത് ആരോഗ്യകരമായ ബാക്ടീരിയകളെ പാലിലേയ്ക്ക് ഒരു പ്രത്യേക ടെംപറേച്ചറില്‍ ചേര്‍ത്ത് തയ്യാറാക്കുന്നതാണ്. ഇതിനാല്‍ തന്നെ വയറിന്റെ ആരോഗ്യത്തിന് സഹായിക്കുന്ന പ്രോബയോട്ടിക് ഗുണങ്ങള്‍ തൈരിനേക്കാള്‍ യോഗര്‍ട്ടിന് കൂടുതലാണ്.