ഫൈനല്‍ മത്സരത്തിലേക്ക് അധികം ദൂരമില്ലാതിരിക്കെ മലയാളികളെ ആനന്ദത്തിലാക്കുന്ന ഒരു വാര്‍ത്തയാണ് പുറത്തുവരുന്നത്. ഫൈനല്‍ ദിനം മെല്‍ബണില്‍ (melbourne) നടക്കാനിരിക്കുന്ന സംഗീത പരിപാടിയില്‍ ഒരു മലയാളി പെണ്‍കുട്ടിയും പങ്കെടുക്കും. കോഴിക്കോട് സ്വദേശികളായ അനൂപ് ദിവാകരന്റേയും ദിവ്യയുടേയും മകളായ ജാനകി ഈശ്വറിനാണ് (janaki easwar) സംഗീത വിരുന്നില്‍ പങ്കെടുക്കാന്‍ അവസരം ലഭിച്ചിരിക്കുന്നത്. പ്രശസ്ത ഓസ്‌ട്രേലിയന്‍ ബാന്‍ഡ് ആയ ഐസ്ഹൗസിനൊപ്പം (Icehouse) ജാനകിയും സംഗീതവിരുന്നിന്റെ ഭാഗമാകും. മുൻ ഓസ്‌ട്രേലിയൻ ക്രിക്കറ്റ് ക്യാപ്റ്റൻ റിക്കി പോണ്ടിങ് , മുഖ്യ അതിഥി ആയിരുന്ന വേദിയിലാണ് മെൽബൺ ക്രിക്കറ്റ് ഗ്രൗണ്ടിൽ നടക്കുന്ന കലാശ കൊട്ടിന് കൊഴുപ്പ് കൂട്ടാൻ, ഐസ്ഹൗസ് ബാൻഡിന്റെയും, ജാനകി ഈശ്വറിന്റെ പങ്കാളിത്തത്തെയും സ്‌ഥിരീകരിച്ചു കൊണ്ട് വാർത്താ പ്രഖ്യാപനം ഉണ്ടായത്.
ഓസ്ട്രേലിയയില് നടന്നുകൊണ്ടിരിക്കുന്ന ടി20 ലോകകപ്പ് (T20 world cup 2022) അവസാന ഗ്രൂപ്പ് മത്സരങ്ങളിലേക്ക് കടക്കുകയാണ്. ഞായാറാഴ്ചയോടെ സെമി ഫൈനല്‍ ചിത്രം തെളിയും. 12 ടീമുകള്‍ അണിനിരന്ന സൂപ്പര്‍ 12 മത്സരങ്ങളില്‍ നാല് ടീമുകള്‍ ഏതൊക്കെയാണെന്നത് ഇനിയും വ്യക്തമായിട്ടില്ല. നവംബര്‍ 13നാണ് ഫൈനല്‍ നടക്കുക.
ഓസ്‌ട്രേലിയന്‍ മ്യൂസിക് റിയാലിറ്റി ഷോ ദ വോയ്‌സിലൂടെ ഓസ്ട്രേലിയയില് പ്രശസ്തയാണ് ജാനകി. നേരത്തെതന്നെ പല സംഗീത പരിപാടികളിലൂടെയും ശ്രദ്ധ നേടിയ ജാനകി ഇതാദ്യമായാണ് ഇത്രയും വലിയൊരു ഇവന്റിനായി ക്ഷണിക്കപ്പെടുന്നത്.
സംഗീത പാരമ്പര്യമുള്ള കുടുംബത്തിലെ അംഗമാണ് ജാനകി. കര്‍ണാടക സംഗീതം, ഗിറ്റാര്‍, വയലിന്‍ തുടങ്ങിയവയില്‍ ജാനകിക്കു പ്രാവീണ്യമുണ്ട്. ഐഡിയ സ്റ്റാര്‍ സിങ്ങറിലൂടെ ശ്രദ്ധേയനായ ഗായകന്‍ അരുണ്‍ഗോപന്റെ സഹോദരന്റെ മകളാണ്. മലയാളത്തിലും തമിഴിലും ഹിന്ദിയിലും ഇംഗ്ലീഷിലുമുള്ള നിരവധി പ്രശസ്ത ഗാനങ്ങള്‍ ആലപിച്ച ജാനകിയുടെ യൂട്യൂബ് ചാനലിന് ലോകമെങ്ങും ആരാധകരുണ്ട്.
സംഗീത പാരമ്പര്യമുള്ള കുടുംബത്തിലെ അംഗമാണ് ജാനകി. കര്‍ണാടക സംഗീതം, ഗിറ്റാര്‍, വയലിന്‍ തുടങ്ങിയവയില്‍ ജാനകിക്കു പ്രാവീണ്യമുണ്ട്. ഐഡിയ സ്റ്റാര്‍ സിങ്ങറിലൂടെ ശ്രദ്ധേയനായ ഗായകന്‍ അരുണ്‍ഗോപന്റെ സഹോദരന്റെ മകളാണ്. മലയാളത്തിലും തമിഴിലും ഹിന്ദിയിലും ഇംഗ്ലീഷിലുമുള്ള നിരവധി പ്രശസ്ത ഗാനങ്ങള്‍ ആലപിച്ച ജാനകിയുടെ യൂട്യൂബ് ചാനലിന് ലോകമെങ്ങും ആരാധകരുണ്ട്.
2007ലാണ് അനൂപും ദിവ്യയും ഓസ്ട്രേലിയയില് സ്ഥിരതാമസമാക്കുന്നത്. ജനിച്ചതും വളര്‍ന്നതും ഓസ്ട്രേലിയയില് ആണെങ്കിലും മലയാളം വളരെ മനോഹരമായി സംസാരിക്കാനും പാടാനും മകളെ പഠിപ്പിച്ചിട്ടുണ്ട്. ലോകകപ്പ് ഫൈനലിലെ സംഗീത വിരുന്നിന്റെ ഭാഗമാകാന്‍ ജാനകിക്ക് സാധിച്ചത് മലയാളികളെ സംബന്ധിച്ച് അത്രയേറെ അഭിമാനകരമാണ്.
ഫൈനലില്‍ ഇന്ത്യ കളിക്കുകകൂടി ചെയ്യുകയാണെങ്കില്‍ അത് ഇരട്ടിമധുരമായിമാറും.സിംബാബ്വെ
