നാഷണല്‍ ഡോക്ടേഴ്‌സ് ഡേ: ഓര്‍മിക്കുന്ന ഒരു ദിനവും ഓര്‍മിക്കാത്ത അനേക ദിനങ്ങളും

നാഷണല്‍ ഡോക്ടേഴ്‌സ് ഡേയാണ് ജൂലായ് 1ന്. വെറുമൊരു ജോലി എന്ന ഗണത്തില്‍ പെടുത്താവുന്ന ഒന്നല്ല, ഇത്. ആത്മാര്‍ത്ഥതടെ, കാരുണ്യത്തോടെ, സമയക്രമം വിട്ടും ചെയ്യേണ്ടി വരുന്ന ജോലിയാണിത്. ജോലിയ്ക്കുപരിയായി സേവനമാണ് ഓരോ ഡോക്ടര്‍മാരും ചെയ്യുന്നതും. എന്നിട്ടും തങ്ങളുടേതല്ലാത്ത തെറ്റുകള്‍ക്ക് പലപ്പോഴും ശിക്ഷയേറ്റു വാങ്ങേണ്ടി വരുന്ന ഒരു വിഭാഗം കൂടിയാണ് ഇവര്‍. രോഗികളുടെ കാവലാളായി നില കൊള്ളുന്ന ഇവര്‍ക്ക് സ്വയം കാവലാളായി മാറുവാന്‍ തെരുവില്‍ സമരം ചെയ്യേണ്ടി വരുന്നുവെന്നത് അവരോട് ചെയ്യുന്ന അനീതി തന്നെയാണ്.