സമ്മർദ്ദം കൂടുമ്പോൾ ഈ ചായ കുടിച്ച് നോക്കൂ, വ്യത്യാസം അനുഭവിച്ചറിയാം

ശരീരവും മനസ്സും എപ്പോഴും ആരോഗ്യകരമാക്കി വെക്കേണ്ടത് ജീവിതത്തിൽ ഏറ്റവും ആദ്യം ആവശ്യമുള്ള കാര്യമാണ്. നിത്യ ജീവിതത്തിൽ നിന്ന് സമ്മർദവും ഉൽക്കണ്ഠകളും () അകറ്റിനിർത്തിയെങ്കിൽ മാത്രമേ സന്തോഷമുള്ള ജീവിതം നയിക്കാൻ സാധിക്കുകയുള്ളൂ. ഇതിനായി നിരവധി കാര്യങ്ങൾ ചെയ്യാൻ കഴിയും. അതിൽ ഏറ്റവും എളുപ്പത്തിൽ ഉള്ള ഒന്നാണ് ഔഷധഗുണങ്ങൾ അടങ്ങിയിട്ടുള്ള വിവിധ ഇനം ചായകൾ () പരീക്ഷിക്കുന്നത്. ഒരു കപ്പ് ചായ തയ്യാറാക്കി കുടിക്കാൻ അൽപസമയം മാത്രം മതി. ഈയൊരു ലളിതമായ പ്രവൃത്തി നമ്മുടെ ശരീരത്തിലെ സമ്മർദ്ദം ഒഴിവാക്കാനും ഉത്കണ്ഠ ലക്ഷണങ്ങൾ കുറയ്ക്കാനും സഹായിക്കും. നിങ്ങളുടെ ആരോഗ്യത്തിന് ചായ കുടി ശീലം വളരെയധികം പ്രയോജനപ്രദമാകാനുള്ള പ്രധാന കാരണങ്ങളിലൊന്ന് അത് മാനസികാവസ്ഥയെ സന്തുലിതമാക്കാൻ സഹായിക്കുന്ന അമിനോ ആസിഡായ എൽ-തിയനൈൻ കൊണ്ടു നിറഞ്ഞിരിക്കുന്നു എന്നതുകൊണ്ടാണ്.

നാം പല സമയങ്ങളിലായി കഴിക്കാൻ തിരഞ്ഞെടുക്കുന്ന ചായകൾ സമ്മർദ്ദവും ഉത്കണ്ഠയും ശമിപ്പിക്കാൻ സഹായം ചെയ്യുന്നതാണ്. പലതരം ഹെർബൽ ചായകളിൽ അടങ്ങിയിരിക്കുന്ന വ്യത്യസ്ത ഘടകങ്ങൾ നിങ്ങളുടെ മനസ്സിനെ സ്ഥിരപ്പെടുത്താനും ശരീരത്തിലെ സമ്മർദ്ദം കുറയ്ക്കാനും സഹായിക്കും. അടുത്ത തവണ നിങ്ങൾക്ക് നിങ്ങളുടെ ശരീരത്തിൽ ഉത്കണ്ഠയോ മറ്റ് അസ്വസ്ഥതകളോ അനുഭവപ്പെടുമ്പോൾ, ഇത്തരത്തിലുള്ള ചായകളിൽ ഒന്ന് പരീക്ഷിച്ചുനോക്കൂ. ഇതിനു സഹായകമായതും വിശ്രമ ഗുണങ്ങൾ ശരീരത്തിന് നൽകുന്നതുമായ മികച്ച ചില ഔഷധ ചായ കളെ പരിചയപ്പെടാം

കമോമൈൽ ടീ
കുടിക്കുമ്പോൾ നിങ്ങളുടെ രുചിയെ മയക്കുന്ന ഒന്നാണ് കമോമൈൽ ടീ. അതുകൊണ്ടുതന്നെ കമോമൈൽ ടീ ഏറ്റവും ജനപ്രിയമായ ചായകളിൽ ഒന്നാണ്. ഇതൊരു ഹെർബൽ ടീ ആയതിനാൽ കഫീൻ രഹിതമാണ്. ഇത് നിങ്ങളുടെ ശരീരത്തിലെ ഉത്കണ്ഠയുടെ അളവ് വർദ്ധിപ്പിക്കില്ല, മാത്രമല്ല ദിവസത്തിൽ ഏത് സമയത്തും ഇത് കുടിക്കാനായി തിരഞ്ഞെടുക്കാം. ഉണക്കിയെടുക്കുന്ന കമോമൈൽ പൂക്കളിൽ നിന്നാണ് ഈ ചായ തയ്യാറാക്കപ്പെടുന്നത്. രണ്ട് ഗണങ്ങളിൽ പെട്ട ചമോമൈൽ ചായകൾ ഉണ്ട്. ജർമ്മൻ ചമോമൈൽ, റോമൻ ചമോമൈൽ എന്നിവയാണ് ഇവ രണ്ടും. നിങ്ങളുടെ ശരീരത്തിലെ സെറോടോണിൻ, മെലറ്റോണിൻ എന്നിവയുടെ അളവ് സ്വാഭാവികമായി വർദ്ധിപ്പിക്കാൻ ഈ ചായ സഹായിക്കുന്നു. മയക്കം അനുഭവപ്പെടാതെ ഉത്കണ്ട ലക്ഷണങ്ങൾ കുറയ്ക്കാനും ശരീരത്തിന് ആശ്വാസം നൽകാനും ഇത് സഹായിക്കും. പലപ്പോഴും സമ്മർദ്ദവും ഉത്കണ്ഠയുമായി ബന്ധപ്പെട്ടുണ്ടാകുന്ന പേശി വേദനയും തലവേദനയും ഒഴിവാക്കാനും ശരീരത്തിൽ ടെൻഷൻ ഫ്രീ ആക്കാനും ഇത് സഹായിക്കും.

പെപ്പർമിന്റ് ടീ
ചൂടുള്ള കർപ്പൂരതുളസി ചായ ശരീരത്തെയും മനസ്സിനെയും ഉന്മേഷദായകമാക്കുന്ന ഒന്നാണ്. ഇതിൽ നിങ്ങളുടെ മനസ്സിനെയും ശരീരത്തെയും വിശ്രമിക്കാൻ സഹായിക്കുന്ന പ്രകൃതിദത്ത ആന്റിസ്പാസ്മോഡിക്, സെഡേറ്റീവ് ഗുണങ്ങൾ അടങ്ങിയിരിക്കുന്നു. ഇത് കൂടാതെ, നിങ്ങളുടെ ദഹനവ്യവസ്ഥയ്ക്ക് കര്പ്പൂരതുളസി ഏറ്റവും മികച്ചതാണെന്ന് പറയപ്പെടുന്നു. നിങ്ങൾക്ക് സമ്മർദ്ദമോ ഉത്കണ്ഠയോ ഉണ്ടെങ്കിൽ അത് ദഹന പ്രശ്നങ്ങളിലേക്കും മറ്റും നയിക്കാൻ കാരണമാകാൻ ഇടയുണ്ട്. ശരീര പേശികളെ വിശ്രമിക്കാൻ സഹായിക്കുന്ന ഗുണങ്ങൾ അടങ്ങിയ പെപ്പർമിന്റ് ചായയുടെ സുഗന്ധം ശ്വസിച്ചാൽ പോലും സമ്മർദ്ദവും ഉത്കണ്ഠയും മൂലമുണ്ടാകുന്ന ടെൻഷൻ തലവേദനയെ ശമിപ്പിക്കാൻ കഴിയുമെന്നാണ് പറയപ്പെടുന്നത്. നിങ്ങൾ ചെയ്യുന്ന കാര്യങ്ങളിൽ നിങ്ങൾക്ക് ഉത്കണ്ഠയും അമിത അസ്വാസ്ഥ്യവും അനുഭവപ്പെടുന്നുണ്ടെങ്കിൽ, നിങ്ങൾക്ക് പ്രകൃതിദത്തമായ ഊർജ്ജം നൽകുന്നതിനുള്ള മികച്ച പരിഹാരമായി കർപ്പൂരതുളസി ചായ പരീക്ഷിക്കാം.

വലേറിയൻ റൂട്ട് ടീ
വലേറിയൻ റൂട്ട് ടീ അതിന്റെ സ്വാഭാവിക സെഡേറ്റീവ് ഗുണങ്ങൾ മൂലം ആയിരക്കണക്കിന് വർഷങ്ങളായി ഔഷധമായി ഉപയോഗിച്ചു വരുന്ന ഒന്നാണ്. പ്രകൃതിദത്തമായ ഒരു ഔഷധ ചായയായും ഇത് കഴിക്കാം. വലേറിയൻ റൂട്ട് ടീ തലച്ചോറിലെ GABA അളവ് നിയന്ത്രിക്കാൻ സഹായിക്കുന്നു. അതായത് ഇത് നാഡീ പ്രേരണകളെ നിയന്ത്രിക്കുന്നത് വഴി സമ്മർദ്ദവും ഉത്കണ്ഠയും കുറയ്ക്കാൻ സഹായിക്കുന്നു, അതേസമയം രക്തസമ്മർദ്ദം കുറയ്ക്കാനും നിങ്ങളുടെ ശ്രദ്ധ സ്വാഭാവികമായി വർദ്ധിപ്പിക്കുന്നതിനും കൂടുതൽ വ്യക്തമായി ചിന്തിക്കാൻ നിങ്ങളെ സഹായിക്കുന്നതിനും ദീർഘകാലാടിസ്ഥാനത്തിൽ സ്ട്രെസ് ലെവലുകൾ ഒഴിവാക്കാൻ സഹായിക്കുന്നതിനും സെറോടോണിൻ, നോറെപിനെഫ്രിൻ എന്നി ഹോർമോണുകളുടെ അളവ് സന്തുലിതമായി നിലനിർത്താനുമെല്ലാം സഹായിക്കുന്നു. വലേറിയൻ റൂട്ട് ഔഷധഗുണമുള്ള മരുന്നുകളുമായി ഇട ചേർക്കുന്ന ഒന്നാണ്. അതുകൊണ്ടുതന്നെ ഇത് തിരഞ്ഞെടുക്കുന്നതിനു മുൻപ് നിങ്ങളുടെ നിങ്ങളുടെ ആരോഗ്യ വിദഗ്ധരുടെ അഭിപ്രായം തേടുന്നത് പരിഗണിക്കുക

ലെമൺ ബാം ടീ
ലെമൺ ബാം ടീ ശരീരത്തിലെ സമ്മർദ്ദവും ഉത്കണ്ഠയും ഒഴിവാക്കുന്നതിനുള്ള മറ്റൊരു മികച്ച വെൽനസ് ടീ ഓപ്ഷനാണ്. മനസ്സിന് ആശ്വാസം പകരുന്ന നാരങ്ങയുടെ സുഗന്ധമുള്ള ഈ ചായയിൽ റോസ്മാരിനിക് ആസിഡ് അടങ്ങിയിട്ടുണ്ട്, ഇത് തലച്ചോറിലെ GABA റിസപ്റ്ററുകളെ സജീവമാക്കാൻ സഹായിക്കുന്നു. കൂടാതെ, ഓർമ്മശക്തിയും മസ്തിഷ്ക ശക്തിയും വർദ്ധിപ്പിച്ച് ഏകാഗ്രത വർദ്ധിപ്പിക്കുന്നതിന് ഇത് സഹായകമാണെന്ന് തെളിയിക്കപ്പെട്ടിട്ടുണ്ട്. അരോമാതെറാപ്പി ഉപയോഗത്തിന് സമാനമായി, ചായയായി ലെമൺ ബാം ടീ കഴിക്കുന്നത് ടെൻഷൻ കുറയ്ക്കാനും പേശികളെ വിശ്രമിക്കാനും സഹായിക്കുന്നു, തലവേദനയും പേശിവേദനയും ഒഴിവാക്കുകയും ദഹനവ്യവസ്ഥയെ ശമിപ്പിക്കുകയും ചെയ്യുന്നു ഇത്.

ലാവെൻഡർ ചായ
ഉത്കണ്ഠയും പിരിമുറുക്കവും ശമിപ്പിക്കാൻ ലാവെൻഡറിൻ്റെ സുഗന്ധം ഏറ്റവും മികച്ചതാണ്. ലാവെൻഡർ ചെടിയുടെ ഉണക്കിയ മുകുളങ്ങളിൽ നിന്ന് തയ്യാറാക്കപ്പെടുന്ന ലാവെൻഡർ ടീ പേശികളെ വിശ്രമിക്കാനും ഞരമ്പുകളെ ശാന്തമാക്കാനും സമ്മർദ്ദം ഒഴിവാക്കാനും പിരിമുറുക്കം ഒഴിവാക്കാനും തലവേദനയും പേശി വേദനയും ഒഴിവാക്കാനും സഹായിക്കുന്നു. ദഹനവ്യവസ്ഥയ്ക്കും ഇത് ഏറ്റവും ഫലപ്രദമാണ്. കൂടാതെ പ്രകൃതിദത്തമായി ശരീരത്തിന് ആൻറി ഇൻഫ്ളമേറ്ററി ഗുണങ്ങൾ നൽകുന്ന ഒന്നായും ഇത് പ്രവർത്തിക്കുന്നു. സമ്മർദ്ദം നിങ്ങളുടെ ശരീരത്തിൽ ഉണ്ടാക്കുന്ന എല്ലാ പ്രതികൂല ഫലങ്ങളെയും പ്രതിരോധിക്കാൻ ഇത് സഹായിക്കുന്നു

ഗ്രീൻ ടീ
ആന്റിഓക്‌സിഡന്റുകളാൽ നിറഞ്ഞിരിക്കുന്ന ഗ്രീൻ ടീ ഇതിന് ങ്ങളിൽ ഏറ്റവും കൂടുതൽ ആളുകൾ തിരഞ്ഞെടുക്കുന്ന ഒന്നാണ്. ശാരീരിക ആരോഗ്യത്തിനായി ഇത് ഒഴിവാക്കാൻ കഴിയാത്ത ഒന്നാണെന്ന് കരുതപ്പെടുന്നു. എന്നാലിത് മാനസികാരോഗ്യത്തിനും മികച്ചതാണ് എന്ന വസ്തുത പലർക്കുമറിയില്ല. ഉത്കണ്ഠ അകറ്റാൻ കുടിക്കാൻ പറ്റിയ ചായകളിൽ ഒന്നാണ് ഗ്രീൻ ടീ. ഇതിൽ അടങ്ങിയിരിക്കുന്ന നിരവധി ആന്റിഓക്‌സിഡന്റുകളിൽ ഒന്നായ എപ്പികാടെച്ചിൻ എന്ന ഫ്ലേവനോയ്‌ഡ് നിങ്ങളുടെ തലച്ചോറിനെ ഓക്‌സിഡേറ്റീവ് നാശനഷ്ടത്തിൽ നിന്ന് സംരക്ഷിക്കാൻ സഹായിക്കുന്നു. സമ്മർദ്ദം മൂലമുണ്ടാകുന്ന പ്രതികൂല ഫലങ്ങളെ ചെറുക്കാൻ മാത്രമല്ല ഓർമ്മശക്തി മെച്ചപ്പെടുത്തുന്നതിനും ഇത് സഹായകമാകും. അമിതമായ കഫീൻ മൂലമുണ്ടാകുന്ന ഉത്കണ്ഠയെ പ്രതിരോധിക്കുന്ന എൽ-തിയനൈനിന്റെ മികച്ച സ്രോതസ്സുകളിലൊന്നാണ് ഗ്രീൻ ടീ. സമ്മർദ്ദ നില മെച്ചപ്പെടുത്തുന്നതിനും ക്ഷീണം കുറയ്ക്കുന്നതിനും മികച്ച ഉറക്കം പ്രോത്സാഹിപ്പിക്കുന്നതിനും ഇത് സഹായകമാണെന്ന് തെളിയിക്കപ്പെട്ടിട്ടുള്ളതാണ്.

പാഷൻ ഫ്ലവർ ടീ
അതിമനോഹരമായ വൈൽഡ്‌ഫ്ലവർ എന്നറിയപ്പെടുന്നതുമായ പാഷൻഫ്‌ളവറിന്റെ ഇലകളിൽ നിന്ന് നിർമ്മിച്ച പാഷൻഫ്ലവർ ചായയ്ക്ക് അസാധ്യമായ രുചി ആണുള്ളത്. ഇത് ഏറ്റവും മികച്ച ഒരു ഹെർബൽ ടീ ഓപ്ഷനായി കണക്കാക്കപ്പെടുന്നു. തെക്കേ അമേരിക്കൻ നാടുകളിൽ ഏറ്റവും പ്രസിദ്ധിയാർജ്ജിച്ച ഒന്നാണ് ഈ ചായ. തലച്ചോറിലെ GABA ലെവലുകൾ വർദ്ധിപ്പിക്കാൻ സഹായിക്കുന്നതിലൂടെ ഉത്കണ്ഠയ്ക്കുള്ള സ്വാഭാവിക പ്രതിവിധിയായി ഇത് പ്രവർത്തിക്കുന്നു. പാഷൻഫ്ലവർ ടീ ഫൈറ്റോകെമിക്കലുകളുടെയും ആൽക്കലോയിഡുകളുടെയും മികച്ച ഉറവിടമാണ്, ഇത് സ്ട്രെസ് ലെവൽ കുറയ്ക്കാനും നിങ്ങളുടെ മനസ്സിനെ ശാന്തമാക്കാനും സഹായിക്കുന്നു. നല്ല ഉറക്കം ലഭിക്കാൻ ഇത് മികച്ചതാണ്. ഒപ്പം ശരീരത്തിലെ വീക്കം ഒഴിവാക്കാനും സഹായിക്കുന്നു, ചർമ്മപ്രശ്നങ്ങൾ, ദഹനപ്രശ്നങ്ങൾ, അസ്വസ്ഥത തുടങ്ങിയ സമ്മർദ്ദത്തിന്റെ എല്ലാ നെഗറ്റീവ് ഫലങ്ങളിൽ നിന്നും നിങ്ങളുടെ ശരീരത്തെ സംരക്ഷിക്കാൻ ഇതിലെ ഗുണങ്ങൾ സഹായിക്കുന്നു.

റോസ്‌ഹിപ്പ് ടീ
പാചകത്തിലും ഹെർബൽ ടീ മിശ്രിതങ്ങളിലും ഉപയോഗിക്കപ്പെടുന്ന ജനപ്രിയ ഘടകമാണ് റോസ്‌ഹിപ്പ്. ഇതിൽ ആന്റിഓക്‌സിഡന്റുകളും മറ്റ് ഫൈറ്റോ ന്യൂട്രിയന്റുകളും അടങ്ങിയിട്ടുണ്ട്. റോസാപ്പൂവിൽ ധാരാളം ആൻറി-ഇൻഫ്ലമേറ്ററി ഏജന്റുകൾ അടങ്ങിയിരിക്കുന്നതിനാൽ ഇത് പ്രകൃതിദത്ത വേദനസംഹാരിയായി പ്രവർത്തിക്കുന്നു. ശരീരത്തിലെ വേദനകൾ ഒഴിവാക്കുന്നത് കൂടാതെ, ഇത് വിറ്റാമിൻ സി കൊണ്ട് നിറഞ്ഞിരിക്കുന്നു, അതായത് സമ്മർദ്ദം മൂലം നിങ്ങൾ ക്ഷീണിച്ചതായി തോന്നുന്നുവെങ്കിൽ നിങ്ങളുടെ പ്രതിരോധശേഷി തൽക്ഷണം വർദ്ധിപ്പിക്കാൻ ഈ ചായ കുടിക്കാം. റോസ്ഷിപ്പ് സ്വാഭാവികമായും കഫീൻ രഹിത ചായയാണ്, കഫീൻ ഉപഭോഗം നിങ്ങളുടെ ഉത്കണ്ഠയുടെ അളവ് വർദ്ധിപ്പിക്കുന്നുണ്ടെങ്കിൽ ഇത് ഒരു മികച്ച ഓപ്ഷനാണ്.