മുടിയിൽ നോക്കിയാൽ അറിയാം ആരോഗ്യം എങ്ങനെയെന്ന്

കൈ നോക്കി ഭാവി പറയുക എന്നൊക്കെ കേട്ടിട്ടുണ്ട്. എന്നാൽ മുടി നോക്കി പറയാം എന്ന് കേട്ടിട്ടുണ്ടോ? കാര്യം ശരിയാണ്. ഒരാളുടെ മുടിയുടെ അവസ്ഥ ആ വ്യക്തിയുടെ ആരോഗ്യത്തെക്കുറിച്ചുള്ള സൂചനകൾ നൽകും. ഒരാളുടെ സൗന്ദര്യത്തിൽ മുടി പ്രധാന പങ്ക് വഹിക്കുന്നുണ്ട്. എന്നാൽ മുടി കൊഴിച്ചിൽ, താരൻ, മുടി പിളർപ്പ്, അങ്ങനെ മുടിയുമായി ബന്ധപ്പെട്ട ആശങ്കകൾ ഇന്നത്തെ കാലത്ത് സാധാരണമായിരിക്കുന്നു. മുടി കൊഴിച്ചിലും മുടി പൊട്ടി പോകുന്നതും മുടിയുടെ അറ്റം പിളരുന്നതുമെല്ലാം മുടിയെ മാത്രം ബാധിക്കുന്ന കാര്യങ്ങളായി ഒതുങ്ങുന്നില്ല. മറിച്ച്, ഇതൊക്കെ ചില ആരോഗ്യ പ്രശ്നങ്ങളുടെ സൂചന കൂടിയാണ്. അവ എന്തൊക്കെയാണെന്ന് വിശദമായി മനസിലാക്കാം.

ഇത്തരത്തിൽ ഒരല്പം ശ്രദ്ധ നൽകിയാൽ മുടിയുമായി ബന്ധപ്പെട്ട പല പ്രശ്നങ്ങളും പരിഹരിക്കാൻ സാധിക്കും. എന്നിട്ടും നിങ്ങളുടെ മുടിയുടെ അവസ്ഥ മെച്ചപ്പെടുന്നില്ലെങ്കിൽ, അത് നിങ്ങളുടെ ആരോഗ്യത്തെ കുറിച്ച് അത്ര നല്ല സൂചനയല്ല നൽകുന്നത്. അമിതമായി മുടി കൊഴിച്ചിൽ, വരണ്ടതോ പൊട്ടുന്നതോ ആയ മുടി, അല്ലെങ്കിൽ മുടിയുടെ അറ്റം പിളർപ്പ് തുടങ്ങിയ കാര്യങ്ങൾ ഒരാളുടെ ആരോഗ്യത്തെ കുറിച്ച് എന്താണ് പറയുന്നതെന്ന് അറിയാം.

1. വരണ്ടതും പൊട്ടുന്നതുമായ മുടി
വരണ്ടതും പൊട്ടുന്നതുമായ മുടി ഉണ്ടാകുന്നത് പോഷകാഹാരക്കുറവ് മൂലമാകാം. ആരോഗ്യത്തിന്റെ കാര്യത്തിൽ, ഉയർന്ന രക്തസമ്മർദ്ദം, ക്ഷീണം, ഹോർമോൺ മാറ്റങ്ങൾ, പ്രോട്ടീൻ കുറവ്, വിറ്റാമിൻ എ, സിങ്ക് എന്നിവയുടെ അഭാവം, അവശ്യ ഫാറ്റി ആസിഡുകളുടെ കുറവ് എന്നിവ കാരണം ഇവ ഉണ്ടാകാം.

2. മുടി കൊഴിച്ചിൽ
നിങ്ങൾ മുടികൊഴിച്ചിൽ പ്രശ്നം അനുഭവിക്കുന്നുണ്ടെങ്കിൽ, നിങ്ങൾക്ക് പിസിഒഎസ് (പോളിസിസ്റ്റിക് ഓവറി സിൻഡ്രോം) ഉണ്ടാകാൻ സാധ്യതയുണ്ട്. പല ഘടകങ്ങൾ കാരണം മുടി കൊഴിച്ചിൽ ഉണ്ടാകാം. മുടി വളർച്ചയ്ക്ക് ആവശ്യമായ പ്രോട്ടീന്റെ അഭാവമാണ് അവയിൽ ഏറ്റവും പ്രധാനം, സമ്മർദ്ദം കൂടുതലാണെങ്കിലും തൈറോയ്ഡ് പ്രശ്നങ്ങൾ ഉണ്ടെങ്കിലും മുടി കൊഴിച്ചിൽ ഉണ്ടാകാം. ശരീരത്തിൽ ഇരുമ്പിന്റെ കുറവോ വിളർച്ചയോ കൊണ്ടും മുടി കൊഴിച്ചിൽ സംഭവിക്കാൻ സാധ്യതയുണ്ട്.

3. അറ്റം പിളരുന്നത്
ദുർബലമായ മുടി അല്ലെങ്കിൽ മുടിയുടെ അറ്റം പിളരുന്നത് നിങ്ങളുടെ ശരീരത്തിൽ നിർജ്ജലീകരണം സംഭവിക്കുന്നതിന്റെ സൂചനയാണ്. അതിനാൽ നിങ്ങൾ കൂടുതൽ വെള്ളം കുടിക്കേണ്ടതുണ്ട്. നിർജ്ജലീകരണം മുടി വരണ്ടുപോകാനും പൊട്ടാനും കാരണമാകും. ഇതോടൊപ്പം, പിളർന്ന അറ്റങ്ങൾ വിറ്റാമിൻ ബി 6, മഗ്നീഷ്യം, സിങ്ക് എന്നിവയുടെ കുറവുകളും സൂചിപ്പിക്കാം. അതിനാൽ, നിങ്ങളുടെ ഭക്ഷണക്രമം നിരീക്ഷിക്കുക.

4. അകാല നര
സമ്മർദ്ദ ഹോർമോൺ പ്രശ്നങ്ങൾ, കോപ്പർ അല്ലെങ്കിൽ ഫോളിക് ആസിഡിന്റെ കുറവ്, ബി വിറ്റാമിനുകളുടെ കുറവ് തുടങ്ങിയ കാര്യങ്ങൾ മൂലം അകാല നര ഉണ്ടാകാം. പുകവലിയും ഒരു കാരണമാണ്. ജനിതകപരമായ കാരണങ്ങളാലും അകാല നര ഉണ്ടാകാം. അതിൽ നിന്ന് മുക്തി നേടുന്നതിന്, കൂടുതൽ ആന്റിഓക്‌സിഡന്റുകളും മറ്റ് വിറ്റാമിനുകളും ധാതുക്കളും അടങ്ങിയ കൂടുതൽ പോഷകസമൃദ്ധമായ ഭക്ഷണം കഴിക്കാൻ ശ്രമിക്കുക, പുകവലി ഉപേക്ഷിക്കുക.

5. നേർത്ത മുടി
നിങ്ങളുടെ മുടിയുടെ ഘടനയിൽ എന്തെങ്കിലും മാറ്റം നിങ്ങൾ ശ്രദ്ധയിൽപ്പെട്ടിട്ടുണ്ടെങ്കിൽ, അത് രക്താതിമർദ്ദം, സൂര്യതാപം അല്ലെങ്കിൽ ഹൃദ്രോഗം, വിറ്റാമിൻ എയുടെ കുറവ് മുതലായവ മൂലമാകാം.

6. അമിത എണ്ണമയമുള്ള മുടി
സിങ്ക്, വൈറ്റമിൻ സി, ഫോളിക് ആസിഡ്, വിറ്റാമിൻ ബി6 എന്നിവയുടെ കുറവുകൾ മൂലമാണ് ഇവ പ്രധാനമായും ഉണ്ടാകുന്നത്.

ഒരാളുടെ ശരീരത്തിൽ എന്തെങ്കിലും കുഴപ്പമുണ്ടെങ്കിൽ, അത് ആദ്യം പ്രതിഫലിപ്പിക്കുന്ന ശരീര ഭാഗങ്ങളിൽ ഒന്ന് മുടിയാണ്. അതിനാൽ, നിങ്ങളുടെ ശരീരത്തിന്റെ ആരോഗ്യം അളക്കുന്നതിനുള്ള നല്ലൊരു അളവുകോലായി മാറുന്നു. മുടിയുടെ ആരോഗ്യം സൂക്ഷ്മമായി നിരീക്ഷിക്കുക, നിയന്ത്രിക്കാനാകാത്ത പ്രശ്നങ്ങളാണെങ്കിൽ എത്രയും വേഗം ഡോക്ടറുമായി ബന്ധപ്പെടുക.