കുളിക്കും മുമ്പ് ശ്രദ്ധിക്കാം ഈ കാര്യങ്ങൾ

ദിവസവും കുളിക്കേണ്ട ആവശ്യകതയെ കുറിച്ച് മലയാളിക്ക് ആരും പ്രത്യേകം പറഞ്ഞുകൊടുക്കേണ്ട കാര്യമില്ല. കാരണം അത്ര വൃത്തിപ്രിയരാണ് നാം. വൃത്തി മാത്രമല്ല, വല്ലാതെ ക്ഷീണിച്ചിരിക്കുന്നു സമയത്ത് ഉന്മേഷം കിട്ടാൻ തണുത്ത വെള്ളത്തിലുള്ള കുളിയും നല്ലൊരു രാത്രി ഉറക്കത്തിനായി ഇളം ചൂടുവെള്ളത്തിലുള്ള കുളിയുമെല്ലാം പലർക്കും ശീലമാണ്. എന്നാൽ നന്നായൊന്ന് കുളിക്കാൻ നാം ശ്രദ്ധിക്കാതെ പോകുന്ന ചില കാര്യങ്ങളുണ്ട്.

കുളിക്കുമ്പോൾ നാം വരുത്തുന്ന ചില തെറ്റുകൾ
അതെ, കുളി എന്നത് നമ്മുടെ ദിനചര്യയുടെ ഒരു പ്രധാന ഭാഗം തന്നെയാണ്, പക്ഷേ അത് ശരിയായിട്ടാണോ ചെയ്യുന്നത്? ഷവർ ഓണാക്കുന്നതും, സോപ്പ് പതപ്പിച്ച് കുളിച്ച്, തോർത്തുന്നതും മാത്രമല്ല കുളി. കുളി എന്നത് ശരിയായ താപനിലയിലെ വെള്ളവും ഉൽപ്പന്നങ്ങളും, കുളിക്കുന്ന സമയവും എത്ര തവണ കുളിക്കുന്നു എന്നതും എല്ലാം ഉൾപ്പെട്ട ഒരു കാര്യം കൂടിയാണ്.

കുളിക്കാൻ എടുക്കുന്ന സമയം
നല്ല ചൂടുവെള്ളം വരുന്ന ഷവറിന്റെ അടിയിൽ നിൽക്കാൻ സുഖം തോന്നുമെങ്കിലും, കൂടുതൽ നേരം അവിടെ തന്നെ വെറുതെ നിൽക്കുന്നത് നിങ്ങളുടെ ചർമ്മത്തിന് ഹാനികരമായേക്കാം. ഇത് ചർമ്മം വരണ്ട് പോകാനുള്ള സാധ്യത വർധിപ്പിക്കും. a

എത്ര തവണ കുളിക്കണം
ഒരു ദിവസത്തിൽ നിങ്ങൾ എത്ര തവണ കുളിക്കുന്നു? ഇടയ്ക്കിടെ കുളിക്കുന്നത് നിങ്ങളുടെ ചർമ്മം വരണ്ടതാക്കുകയും ചൊറിച്ചിൽ ഉണ്ടാകാൻ കാരണമാകുകയും ചെയ്യുമെന്ന് പഠനങ്ങൾ കണ്ടെത്തി. ദിവസത്തിൽ പല തവണ കുളിക്കുന്നത് നിങ്ങളുടെ ചർമ്മത്തിൽ നിന്ന് നല്ല എണ്ണയും ബാക്ടീരിയയും നീക്കം ചെയ്യുകയും ചെയ്യും. രാവിലെയും വൈകീട്ടും കുളിക്കാം. അതിനിടയിൽ കൈകൾ ഇടയ്ക്കിടെ കഴുകുന്നത് ഉറപ്പാക്കുക.

കുളിക്കേണ്ടത് രാവിലെ മാത്രമോ?
ആളുകൾ പലപ്പോഴും രാവിലെ കുളിക്കുന്നതാണ് നല്ലതെന്ന് പറയുമെങ്കിലും, സത്യത്തിൽ, കുളിക്കാൻ പ്രത്യേകിച്ച് മികച്ച സമയമൊന്നുമില്ല! ആളുകൾക്ക് അവരുടേതായ സമയക്രമം ഉണ്ടെങ്കിലും നിങ്ങൾ രാത്രി ഉറങ്ങാൻ പോകുന്നതിന് തൊട്ട് മുമ്പ് കുളിക്കുന്ന ശീലം പരമാവധി അവഗണിക്കണം. ഉറങ്ങാൻ പോകുന്നതിന് ഒന്നോ രണ്ടോ മണിക്കൂർ മുമ്പ് 10 മിനിറ്റ് ചൂടുള്ള വെള്ളത്തിൽ കുളിക്കുന്നത് നിങ്ങളെ വേഗത്തിൽ ഉറങ്ങാൻ സഹായിക്കുമെന്ന് സ്ലീപ്പ് മെഡിസിൻ റിവ്യൂസിൽ പ്രസിദ്ധീകരിച്ച ഒരു പഠനം കണ്ടെത്തി.

തെറ്റായ ഉൽപ്പന്നങ്ങൾ
അതെ, കൊവിഡ് മഹാമാരിയുടെ വ്യാപനത്തോടെ നമ്മൾ എല്ലാവരും ശരീരം കൂടുതൽ ശുദ്ധീകരിക്കുന്നതിലേക്കും അണുവിമുക്തമാക്കുന്ന തരത്തിലുള്ള ഉൽപ്പന്നങ്ങളുടെ ഉപയോഗത്തിലേക്കും മാറിയിട്ടുണ്ട്, എന്നാൽ നിങ്ങൾ ശരിയായ ഉൽപ്പന്നങ്ങൾ തിരഞ്ഞെടുത്തിട്ടുണ്ടോ? സാധാരണ സോപ്പിൽ ആൻറി ബാക്ടീരിയൽ ഗുണങ്ങളുണ്ടെന്നും അണുബാധകളെ അകറ്റാൻ കഴിവുണ്ടെന്നും നിങ്ങൾ അറിഞ്ഞിരിക്കണം. കഠിനമായ ഒന്നും തിരഞ്ഞെടുക്കേണ്ട ആവശ്യമില്ല.

വെള്ളത്തിന്റെ താപനില
ശീതകാലത്ത് തണുത്തുറഞ്ഞ വെള്ളത്തിൽ കുളിക്കാൻ ആരും നിങ്ങളെ ഉപദേശിക്കുന്നില്ലെങ്കിലും, വളരെയധികം ചൂടുള്ള വെള്ളത്തിൽ കുളിക്കരുത്. ഇത് നിങ്ങളുടെ ചർമ്മത്തിലെ ഈർപ്പം നിലനിർത്താൻ സഹായിക്കുന്ന സ്വാഭാവിക എണ്ണകളും ലിപിഡുകളും ഇല്ലാതാക്കുന്നു. അങ്ങിനെ നിങ്ങളുടെ ചർമ്മത്തെ ചൊറിച്ചിലുള്ളതും വരണ്ടതുമാക്കും.