സമ്മർദ്ദം നിയന്ത്രിക്കാൻ
അമിത സമ്മർദ്ദം കുറയ്ക്കാൻ തുളസിക്ക് കഴിയുമെന്ന കാര്യം അറിയാമോ? ആയുർവേദത്തിൽ, തുളസി ഇലകൾ ഒരു ‘അഡാപ്റ്റോജൻ’ അല്ലെങ്കിൽ സമ്മർദ്ദം നിയന്ത്രിക്കുവാൻ സഹായിക്കുന്ന ഘടകമായി പ്രവർത്തിക്കുമെന്ന് വിശ്വസിക്കപ്പെടുന്നു. കൂടാതെ, ശരീരത്തിലെ സമ്മർദ്ദ ഹോർമോണായ കോർട്ടിസോളിന്റെ അളവ് സാധാരണ നിലയിൽ നിലനിർത്താൻ തുളസി സഹായിക്കുമെന്ന് പഠനങ്ങൾ സൂചിപ്പിക്കുന്നു. എല്ലാ ദിവസവും ഏകദേശം 10-12 തുളസി ഇലകൾ ചവയ്ക്കുന്നത് രക്തചംക്രമണം ക്രമീകരിക്കാനും സമ്മർദ്ദം ഉണ്ടാകുമ്പോൾ ശരീരത്തിൽ ഉത്പാദിപ്പിക്കുന്ന ഫ്രീ റാഡിക്കലുകളെ ചെറുക്കാനും സഹായിക്കും.
ചർമ്മത്തിനും മുടിക്കും
തുളസിക്ക് ശക്തമായ ശുദ്ധീകരണ ഗുണങ്ങളുണ്ടെന്ന് എന്ന കാര്യം അറിയാമോ? അതിന്റെ ഇലകൾ കഴിക്കുകയോ നീര് കുടിക്കുകയോ ഫേസ് പാക്കിൽ തുളസി അരച്ച് ചേർക്കുകയോ ചെയ്യുന്നത് ചർമ്മത്തിൽ ഉണ്ടാകുന്ന പല പ്രശ്നങ്ങളും സുഖപ്പെടുത്താൻ സഹായിക്കും. കൂടാതെ, അസംസ്കൃതമായി കഴിക്കുമ്പോൾ, ഇത് രക്തത്തെ ശുദ്ധീകരിക്കാൻ സഹായിക്കുകയും ചർമ്മത്തിന് മനോഹരമായ തിളക്കം നൽകുകയും ചെയ്യുന്നു. ഇതിലെ ആൻറി ബാക്ടീരിയൽ, ആൻറി ഫംഗൽ ഗുണങ്ങൾ മുഖക്കുരു, പാടുകൾ എന്നിവ ഉണ്ടാവുന്നത് തടയാൻ സഹായിക്കുന്നു. ഇതിനെല്ലാം പുറമേ, ഇത് തലയിലെ ചൊറിച്ചിൽ കുറയ്ക്കാനും മുടി കൊഴിച്ചിൽ അകറ്റുവാനും സഹായിക്കുന്നു. ഒരു പിടി തുളസിയില അരച്ചത് കുറച്ച് ചൂടുള്ള വെളിച്ചെണ്ണയിൽ കലർത്തുക. മുടി കൊഴിച്ചിൽ തടയാൻ ആഴ്ചയിൽ ഒരിക്കൽ ഈ മിശ്രിതം നിങ്ങളുടെ തലയിൽ പുരട്ടി മൃദുവായി മസാജ് ചെയ്യുക.
പല്ലുകളുടെ ആരോഗ്യത്തിന്
ഉണങ്ങിയ തുളസിയില പൊടിച്ച് പല്ല് തേച്ച് നോക്കിയിട്ടുണ്ടോ? വായ്നാറ്റം അകറ്റാൻ മാത്രമല്ല, മോണരോഗങ്ങൾ, പയോറിയ, മറ്റ് ദന്ത അണുബാധകൾ എന്നിവ തടയാനും ഇത് സഹായിക്കുന്നു. നല്ല ഫലങ്ങൾക്കായി തുളസി പൊടി കുറച്ച് തുള്ളി കടുകെണ്ണയുമായി കലർത്തുന്നതാണ് നല്ലത്. പല്ലുവേദന അകറ്റാനും തുളസി മികച്ചതാണ്. ഇതിനായി മൂന്ന് -നാല് തുളസി ഇലകൾ കഴുകിയ ശേഷം പേസ്റ്റ് രൂപത്തിൽ അരച്ചെടുക്കുക. ഇതിലേയ്ക്ക് അല്പം കുരുമുളക് പൊടി കൂടെ ചേർത്തിളക്കി പല്ലിന് മുകളിൽ പുരട്ടി കുറച്ച് മിനിറ്റ് വിടുക. വേദനയിൽ നിന്ന് ശാശ്വതമായ ആശ്വാസം ലഭിക്കുന്നതുവരെ ഇത് ദിവസത്തിൽ മൂന്ന് തവണ ചെയ്ത് നോക്കൂ.
ജലദോഷവും പനിയും
തുളസിയുടെ അണുനാശിനി, ഫംഗസ് നാശിനി, ആൻറി ബാക്ടീരിയൽ, ആൻറിബയോട്ടിക് ഗുണങ്ങൾ പനി കുറയ്ക്കാൻ സഹായിക്കും. വെറും വയറ്റിൽ കുറച്ച് തുളസിയില ചവയ്ക്കുന്നത് ജലദോഷം, പനി എന്നിവയിൽ നിന്ന് മുക്തി നേടാൻ നിങ്ങളെ സഹായിക്കും. 6-7 പുതിയ തുളസി ഇലകൾ ഒന്നോ രണ്ടോ ടീസ്പൂൺ പൊടിച്ച ഏലക്ക എന്നിവ അര ലിറ്റർ വെള്ളത്തിൽ കലർത്തി തിളപ്പിക്കുക. ഒരു ചെറിയ തീയിൽ വച്ച്, അതിന്റെ മൊത്തം അളവ് പകുതിയായി കുറയുന്നത് വരെ തിളപ്പിക്കണം. ആവശ്യമെങ്കിൽ, അതിൽ ഒരു ടേബിൾ സ്പൂൺ തേനോ പഞ്ചസാരയോ ചേർത്ത് രണ്ടോ മൂന്നോ മണിക്കൂർ കൂടുമ്പോൾ കുടിക്കുക.
തലവേദനയോട് വിട പറയാം
തുളസിക്ക് വേദന ഒഴിവാക്കുന്നതും ഡീകോംഗെസ്റ്റന്റ് ഗുണങ്ങളുമുണ്ട്, അതുവഴി തലവേദനയ്ക്കുള്ള ഏറ്റവും മികച്ച പ്രകൃതിദത്ത പ്രതിവിധിയാണിത്. സൈനസൈറ്റിസ്, അലർജി, ജലദോഷം അല്ലെങ്കിൽ മൈഗ്രെയ്ൻ എന്നിവ മൂലമുണ്ടാകുന്ന തലവേദന നിങ്ങൾ അനുഭവിക്കുന്നുണ്ടെങ്കിൽ, രണ്ട് കപ്പ് വെള്ളത്തിൽ ഒരു പിടി തുളസി ഇല ഇട്ട് തിളപ്പിച്ച് തണുപ്പിക്കുക. അതിൽ വൃത്തിയുള്ള ഒരു തുണി മുക്കിവയ്ക്കുക, അധിക വെള്ളം പിഴിഞ്ഞെടുക്കുക, തലവേദനയ്ക്ക് ചികിത്സിക്കാൻ ഈ തുണി നിങ്ങളുടെ നെറ്റിയിൽ പതുക്കെ വയ്ക്കുക. പകരമായി, നിങ്ങൾക്ക് കുറച്ച് തുള്ളി തുളസി എണ്ണ വെള്ളത്തിൽ ചേർക്കാം. കൂടാതെ, തുളസിയിലയും ചന്ദനവും ചേർത്ത് അരച്ച്, ഈ മിശ്രിതം നെറ്റിയിൽ പുരട്ടി അതിന്റെ തണുപ്പിക്കൽ ഫലങ്ങളുടെ ഗുണങ്ങൾ നിങ്ങൾക്ക് കൊയ്യാം. ഇത് നിങ്ങളുടെ നെറ്റിയിൽ പുരട്ടുക.
തൊണ്ടവേദന
നിങ്ങളുടെ കുടിവെള്ളത്തിൽ കുറച്ച് തുളസി ഇലകൾ ഇട്ട് തിളപ്പിക്കുക, ഈ വെള്ളം കൊണ്ട് കവിൾക്കൊള്ളുക. ഓരോ മണിക്കൂർ കൂടുമ്പോൾ നിങ്ങൾക്ക് ഈ പാനീയം കുടിക്കുകയും ചെയ്യാം. തൊണ്ടവേദന കുറയ്ക്കാൻ ഇതൊരു ഉത്തമ പരിഹാരമാണ്.
പൊള്ളൽ
പൊള്ളൽ ഏറ്റതിന്റെ വേദന കുറയ്ക്കാൻ, ഒരു കോട്ടൺ പാഡോ വൃത്തിയുള്ള തുണിയോ ഉപയോഗിച്ച്, തുളസി നീര് തുല്യ അളവിൽ വെളിച്ചെണ്ണയിൽ കലർത്തി പൊള്ളലേറ്റ സ്ഥലത്ത് നേരിട്ട് പുരട്ടുക.
ചൊറിച്ചിൽ
ചൊറിച്ചിൽ നിന്ന് പെട്ടെന്ന് ആശ്വാസം ലഭിക്കാൻ, തുല്യ അളവിൽ തുളസി നീരും നാരങ്ങാനീരും കലർത്തുക. പ്രശ്ന ബാധിത പ്രദേശങ്ങളിൽ ഈ മിശ്രിതം നേരിട്ട് പ്രയോഗിക്കുക, സ്വാഭാവികമായി ഉണങ്ങാൻ അനുവദിക്കുക.
