ആന്റി ഓക്‌സിഡന്റുകൾ
2018 ലെ ഒരു പഠനമനുസരിച്ച്, പോളിസിസ്റ്റിക് ഓവറി സിൻഡ്രോം (പിസിഒഎസ്) ഉള്ള സ്ത്രീകളിൽ, കറുവാപ്പട്ടയിൽ അടങ്ങിയിരിക്കുന്ന ആന്റിഓക്‌സിഡന്റുകളായി പ്രവർത്തിക്കുന്ന വിവിധതരം ഫൈറ്റോകെമിക്കലുകൾ ഗുണം ചെയ്യുന്നു എന്ന് കണ്ടെത്തി. പഠനത്തിൽ, പിസിഒഎസ് ബാധിതരായ സ്ത്രീകൾ 3 കറുവപ്പട്ട ചേർന്ന സപ്ലിമെന്റുകളും (500 മില്ലിഗ്രാം വീതം) 8 ആഴ്ചകളിൽ ദിവസേന കഴിച്ചതിലൂടെ മെച്ചപ്പെട്ട ആന്റിഓക്‌സിഡന്റ് നില കാണിച്ചു, ഇത് പിസിഒഎസ് ന്റെ ലക്ഷണങ്ങളെ ലഘൂകരിക്കാൻ സഹായിക്കുന്നു എന്ന് കണ്ടെത്തി.
വീക്കം തടയാനുള്ള ഗുണങ്ങൾ
കറുവാപ്പട്ട പൊടി കഴിക്കുന്നത് (പ്രതിദിനം 1.5 മുതൽ 4 ഗ്രാം വരെ) ശരീരത്തിൽ വീക്കം ഉണ്ടാകുന്നതിനെ സൂചിപ്പിക്കുന്ന വിവിധ പ്രോട്ടീനുകളുടെ കുറവ് കാണിച്ചുവെന്ന് 2020 ലെ മെറ്റാ അനാലിസിസ് കണ്ടെത്തി.
രക്തത്തിലെ പഞ്ചസാരയുടെ അളവ് കുറയ്ക്കാം
40 ദിവസത്തേക്ക് പ്രതിദിനം 3 മുതൽ 6 ഗ്രാം വരെ കറുവപ്പട്ട കഴിക്കുന്നത് ഭക്ഷണത്തിന് മുമ്പും ശേഷവും രക്തത്തിലെ ഗ്ലൂക്കോസിന്റെ അളവിൽ ഗുണം ചെയ്യും എന്ന് 2019 ലെ ഒരു പഠനം കണ്ടെത്തി.
ന്യൂറോ ഡിജനറേറ്റീവ് രോഗങ്ങളിൽ നിന്ന് സംരക്ഷിക്കുന്നു
മനുഷ്യപഠനങ്ങളെക്കുറിച്ച് കൂടുതൽ ഗവേഷണം വേണ്ടതാണെങ്കിലും, 2021-ലെ ഒരു പഠനത്തിൽ കറുവാപ്പട്ട സത്ത് കഴിക്കുന്നത് ഓർമ്മ കുറവ് മൂലമുള്ള വൈകല്യത്തിന്റെ തീവ്രത കുറയ്ക്കുകയും മസ്തിഷ്കാഘാതമുള്ള മൃഗങ്ങളിൽ ന്യൂറോണുകളുടെ നഷ്ടം കുറയ്ക്കുകയും ചെയ്തു എന്ന് കണ്ടെത്തി. ന്യൂറോണുകളുടെ നഷ്ടം ഓർമ്മ നഷ്ടത്തിലേക്കും ദൈനംദിന ജോലികൾ ചെയ്യാനുള്ള കഴിവ് കുറയുന്നതിലേക്കും നയിക്കുന്നു, ഇത് പലപ്പോഴും ഓർമ്മക്കുറവ് അഥവാ ഡിമെൻഷ്യ, അൽഷിമേഴ്സ് തുടങ്ങിയ പ്രശ്നങ്ങൾക്ക് കാരണമാവുന്നു.
ഹൃദ്രോഗ സാധ്യത കുറയ്ക്കുന്നു
ഉയർന്ന എൽഡിഎൽ (മോശം) കൊളസ്ട്രോൾ ഹൃദ്രോഗ സാധ്യതയുമായി ബന്ധപ്പെട്ടിരിക്കുന്നു. രക്തത്തിലെ ട്രൈഗ്ലിസറൈഡിന്റെ അളവും മൊത്തം കൊളസ്ട്രോളിന്റെ അളവും കുറയ്ക്കാൻ കറുവപ്പട്ട സപ്ലിമെന്റേഷൻ സഹായിച്ചതായി 2017 ലെ ഒരു പഠനം കണ്ടെത്തി. ഈ പഠനം എൽഡിഎൽ കൊളസ്ട്രോളിന്റെ അളവിൽ വ്യത്യാസം കണ്ടെത്തിയില്ലെങ്കിലും, 2013 ലെ മറ്റൊരു പഠനത്തിൽ കറുവപ്പട്ട ഉപഭോഗം എൽഡിഎൽ, എച്ച്ഡിഎൽ (നല്ല) കൊളസ്ട്രോളിന്റെ അളവ് മെച്ചപ്പെടുത്തലുമായി ബന്ധപ്പെട്ടിരിക്കുന്നു എന്ന് കണ്ടെത്തി.
