മൂത്രനാളിയിലെ അണുബാധയുടെ ലക്ഷണങ്ങൾ
• മൂത്രമൊഴിക്കുമ്പോൾ എരിച്ചിൽ പോലെ അനുഭവപ്പെടുന്നു
• മൂത്രമൊഴിക്കുമ്പോൾ വേദന
• ഇടയ്ക്കിടെ മൂത്രമൊഴിക്കാൻ തോന്നുന്നത്
• ദുർഗന്ധമുള്ള മൂത്രം
• അടിവയറ്റിലെ വേദന അല്ലെങ്കിൽ നടുവേദന
• ഓക്കാനം /ഛർദ്ദി എന്നിവയ്‌ക്കൊപ്പം പനി
ചില ലാബ് പരിശോധനകളും മരുന്നുകളും ഉപയോഗിച്ച്, നിങ്ങൾക്ക് ഫലപ്രദമായി ചികിത്സിക്കാം. മരുന്നുകൾ കഴിക്കുന്നതിന് പുറമെ, അണുബാധ തടയാൻ നിങ്ങൾക്ക് ചെയ്യാവുന്ന ചില കാര്യങ്ങളുമുണ്ട്.
1. ധാരാളം വെള്ളം കുടിക്കുക: പല കാരണങ്ങളാൽ ശരീരത്തിന് ജലാംശം പ്രധാനമാണ്. ഏറ്റവും പ്രധാനപ്പെട്ട കാരണം, ഇത് ഇടയ്ക്കിടെ മൂത്രമൊഴിക്കാനും അണുബാധയ്ക്ക് കാരണമാകുന്നതിനു മുമ്പ് ബാക്ടീരിയകളെ ശരീരത്തിൽ നിന്ന് പുറന്തള്ളാനും സഹായിക്കുന്നു എന്നതാണ്. കത്തുന്ന സംവേദനം ലഘൂകരിക്കാനുള്ള ഫലപ്രദമായ വീട്ടുവൈദ്യമാണിതെന്ന് ചില പഠനങ്ങൾ സൂചിപ്പിക്കുന്നു.
2. നല്ല ശുചിത്വ ശീലം: നല്ല ശുചിത്വം പാലിക്കുന്നത് വളരെ പ്രധാനമാണ്, എന്നാൽ അനുയോജ്യമായ രീതി പിന്തുടരുക. തുടയ്ക്കേണ്ടത് മുന്നിൽ നിന്ന് പിന്നിലേക്ക്- അതായത് യോനി മുതൽ മലദ്വാരം വരെ ആയിരിക്കണം. ഇത് മലദ്വാരത്തിൽ നിന്ന് മൂത്രനാളിയിലേക്കോ യോനിയിലേക്കോ ബാക്റ്റീരിയകൾ പടരുന്നത് തടയും.
3. മൂത്രം ദീർഘനേരം പിടിച്ച് നിർത്തരുത്: നിങ്ങൾ ശരീരത്തിന് നന്നായി ജലാംശം നൽകുകയും നിങ്ങൾക്ക് തോന്നുമ്പോൾ മൂത്രമൊഴിക്കുകയും വേണം. നിങ്ങൾ മൂത്രം എത്രയധികം പിടിച്ച് വയ്ക്കുന്നുവോ അത്രയധികം മൂത്രനാളിയിലെ അണുബാധ ഉണ്ടാവാനുള്ള സാധ്യത കൂടുതലാണ്. ഇത് ബാക്റ്റീരിയകളുടെ വളർച്ചയ്ക്കും മൂത്രനാളിയിലെ അണുബാധയ്ക്കും വഴിവയ്ക്കും.
4. ലൈംഗിക ബന്ധത്തിന് ശേഷം മൂത്രമൊഴിക്കുക: ലൈംഗീക ബന്ധത്തിൽ ഏർപ്പെടുമ്പോൾ ഉണ്ടാവുന്ന ഘർഷണവും സ്രവങ്ങളും കാരണം, മൂത്രനാളിയുടെ ഉപരിതലത്തിൽ കാണപ്പെടുന്ന സൂക്ഷ്മാണുക്കൾ മൂത്രനാളിയിലേക്ക് പ്രവേശനം നേടാനുള്ള സാധ്യതയുണ്ട്, അതിനാൽ ലൈംഗിക ബന്ധത്തിന് ശേഷം മൂത്രമൊഴിച്ച് സൂക്ഷ്മാണുക്കളെ പുറന്തള്ളേണ്ടത് പ്രധാനമാണ്.
5. ക്രാൻബെറി ജ്യൂസ്: ക്രാൻബെറി എക്സ്ട്രാക്റ്റുകളോ ജ്യൂസോ കുടിക്കുന്നത് മൂത്രനാളിയിലെ അണുബാധ തടയാൻ സഹായിക്കുന്നു. ക്രാൻബെറിയിൽ മൂത്രനാളിയിലേക്ക് ബാക്ടീരിയയെ ബന്ധിപ്പിക്കുന്നതിനെ തടയുന്ന പദാർത്ഥങ്ങൾ ഉണ്ട്, അതിനാൽ അണുബാധ തടയാൻ ഇത് സഹായിക്കുന്നു.
6. ആർത്തവ സമയത്ത് പാഡുകൾ / കപ്പുകൾ / ടാംപണുകൾ ഇടയ്ക്കിടെ മാറ്റുക: സ്വകാര്യ ഭാഗങ്ങളിൽ ബാക്ടീരിയയുടെ വളർച്ച ഒഴിവാക്കാൻ ആർത്തവ ശുചിത്വം പാലിക്കേണ്ടത് പ്രധാനമാണ്. ഒഴുക്കിനെ ആശ്രയിച്ച് ഓരോ 4-5 മണിക്കൂറോ അതിൽ കുറവോ കൂടുമ്പോൾ ടാംപോണുകളോ പാഡുകളോ മാറ്റണം.
7. പ്രോബയോട്ടിക്സ്: പ്രോബയോട്ടിക്സ് കഴിക്കുന്നത് കുടലിന്റെ ആരോഗ്യം നിലനിർത്താൻ സഹായിക്കും, ഇത് അണുബാധകളെ ചെറുക്കുന്നതിന് നല്ല പ്രതിരോധശേഷി നിലനിർത്താൻ ശരീരത്തെ സഹായിക്കുന്നു.
8. പ്രകോപിപ്പിക്കുന്ന തരത്തിലുള്ള സ്വകാര്യ ഉൽപ്പന്നങ്ങൾ ഒഴിവാക്കുക: യോനി വൃത്തിയാക്കാൻ ഉപയോഗിക്കുന്ന ഡിയോഡറന്റുകളും രാസവസ്തുക്കളും ആ ഭാഗത്ത് കേടുപാടുകൾ വരുത്തിയേക്കാം. അമിതവും മേൽനോട്ടമില്ലാത്തതുമായ ഉപയോഗം യഥാർത്ഥത്തിൽ നല്ല സൂക്ഷ്മാണുക്കളെ തടസ്സപ്പെടുത്തിയേക്കാം, ഇത് അണുബാധയുണ്ടാക്കുന്ന ബാക്ടീരിയകൾക്ക് വഴിയൊരുക്കും.
9. വെളുത്തുള്ളി കഴിക്കുക: വെളുത്തുള്ളി അതിന്റെ ആൻറി ബാക്ടീരിയൽ, ആന്റിഫംഗൽ ഗുണങ്ങൾക്ക് പേരുകേട്ടതാണ്. വെളുത്തുള്ളി ബാക്ടീരിയ മൂലമുണ്ടാവുന്ന യുടിഐ സാധ്യത കുറയ്ക്കുന്നതായി ചില പഠനങ്ങൾ തെളിയിച്ചിട്ടുണ്ട്.
10. നിങ്ങളുടെ ശരീരത്തിലെ പഞ്ചസാരയുടെ അളവ് നിയന്ത്രിക്കുക: ശരീരത്തിലെ അസാധാരണമായ പഞ്ചസാരയുടെ അളവ് കാരണം പ്രമേഹരോഗികൾക്ക് യുടിഐ ഉണ്ടാകാനുള്ള സാധ്യത കൂടുതലാണ്, കൂടാതെ രോഗം കാരണം രോഗപ്രതിരോധ സംവിധാനങ്ങളുടെ ശേഷിയും കുറയുന്നു.
ഇവ യുടിഐ ചികിത്സിക്കുന്നതിനുള്ള ലളിതവും എന്നാൽ ഫലപ്രദവുമായ വീട്ടുവൈദ്യങ്ങളാണ്, ഇത് അവയെ തടയാൻ സഹായിക്കും. എന്നാൽ മൂത്രമൊഴിക്കുമ്പോൾ എരിച്ചിലും വേദനയും പോലുള്ള ലക്ഷണങ്ങൾ രണ്ടു ദിവസത്തിലധികം നീണ്ടുനിൽക്കുകയോ പനിയോ മൂത്രത്തിൽ രക്തമോ ഉണ്ടാകുകയോ ചെയ്താൽ ഉടൻ വൈദ്യോപദേശം തേടുക.
