കൂടാതെ, ചില ഔഷധസസ്യങ്ങളിൽ നിന്നും ഔഷധ ഉൽപ്പന്നങ്ങളിൽ നിന്നും ലഭിക്കുന്ന ഇമ്മ്യൂണോമോഡുലേറ്ററുകൾ ഉപയോഗിക്കുന്നത് പ്രതിരോധശേഷി വർദ്ധിപ്പിക്കാനും അണുബാധകളെ ചെറുക്കാനുള്ള ശരീരത്തിന്റെ പ്രതിരോധം വർദ്ധിപ്പിക്കാനും സഹായിക്കുന്നു.
രോഗങ്ങളെയും അണുബാധകളെയും ചെറുക്കുന്നതിനും രോഗ പ്രതിരോധം മികച്ച നിലയിൽ നിലനിർത്തുന്നതിനും സഹായിക്കുന്ന ചില ഔഷധ സസ്യങ്ങളുണ്ട്.
ഓക്സിഡന്റ്, ആന്റിമൈക്രോബയൽ, ആന്റി ഇൻഫ്ലമേറ്ററി ഗുണങ്ങൾ ഔഷധ സസ്യങ്ങളിൽ അടങ്ങിയിട്ടുണ്ട്. അവ ശരീരത്തെ വിഷവിമുക്തമാക്കാൻ സഹായിക്കുന്നു. സപ്ലിമെന്റുകളിലൂടെ ഇവയെ നമ്മുടെ ദിനചര്യയിൽ ഉൾപ്പെടുത്താം. പൊതുവായ നല്ല ആരോഗ്യ മാർഗ്ഗനിർദ്ദേശങ്ങൾ സ്വീകരിക്കുന്നതാണ് ആരോഗ്യത്തോടെ മുന്നോട്ട് പോകാനുള്ള വഴി.
പ്രതിരോധശേഷി വർദ്ധിപ്പിക്കാനും ആരോഗ്യമുള്ള ശരീരം നിലനിർത്താനും സഹായിക്കുന്ന ചില ആയുർവേദ ഔഷധങ്ങൾ ഇതാ.
ചിറ്റാമൃത്: ഗിലോയ് എന്നും അറിയപ്പെടുന്ന, ആയുർവേദ ഔഷധങ്ങളിൽ ഏറ്റവും മൂല്യവത്തായ ഒന്നാണ് ചിറ്റാമൃത്. ഈ സസ്യം പ്രതിരോധശേഷി വർദ്ധിപ്പിക്കാനും അണുബാധകൾക്കെതിരെ പോരാടാനും ദീർഘായുസ്സ് നിലനിർത്താനും ഓർമ്മശക്തി മെച്ചപ്പെടുത്താനും സഹായിക്കുന്നു. പരമ്പരാഗതമായി, ബ്രോങ്കൈറ്റിസ്, ആസ്ത്മ തുടങ്ങിയ ശ്വാസകോശ സംബന്ധമായ അസുഖങ്ങളിൽ നിന്ന് ആശ്വാസം നൽകാനും വിട്ടുമാറാത്ത ചുമയെ അകറ്റുവാനും ചിറ്റാമൃത് ഫലപ്രദമാണെന്ന് അറിയപ്പെടുന്നു.
അശ്വഗന്ധ: ഇന്ത്യ, മിഡിൽ ഈസ്റ്റ്, ആഫ്രിക്കയുടെ ചില ഭാഗങ്ങൾ എന്നിവിടങ്ങളിൽ കൂടുതലായി വളരുന്ന ഈ സസ്യത്തിന് പരമ്പരാഗത വൈദ്യശാസ്ത്രത്തിൽ വളരെയധികം പ്രാധാന്യമുണ്ട്. ഇന്ത്യൻ ജിൻസെംഗ് എന്നും അറിയപ്പെടുന്ന അശ്വഗന്ധ അഥവാ അമുക്കുരം ആയിരക്കണക്കിന് വർഷങ്ങളായി ശരീരത്തെ പുനരുജ്ജീവിപ്പിക്കുന്ന സസ്യമായി ഉപയോഗിക്കുന്നു, ഇത് വേദനയും വീക്കവും കുറയ്ക്കാൻ സഹായിക്കുന്നു. സമ്മർദ്ദം നിയന്ത്രിക്കാനും ഉറക്കമില്ലായ്മ ഒഴിവാക്കാനും സഹായിക്കുന്ന ഒരു ഒറ്റമൂലി കൂടിയാണ് ഈ സസ്യം.
തുളസി: തുളസി കഴിക്കുന്നത് പ്രതിരോധശേഷി വർധിപ്പിക്കാൻ സഹായിക്കുന്നു. തുളസിയിലെ ആന്റിമൈക്രോബയൽ ഗുണങ്ങൾ ശ്വാസകോശ സംബന്ധമായ അസുഖങ്ങളെ അകറ്റി നിർത്തുന്നതിനുള്ള അസാധാരണമായ തിരഞ്ഞെടുപ്പാണ്. ഈ സസ്യം അണുബാധകളിൽ നിന്ന് സംരക്ഷിക്കാൻ സഹായിക്കുന്നു, ഉത്കണ്ഠ, സമ്മർദ്ദം, ക്ഷീണം തുടങ്ങിയ സാഹചര്യങ്ങളിൽ ഇത് ഉപയോഗപ്രദമാണ്. തുളസി നെഞ്ചിലെ കഫക്കെട്ടിൽ നിന്ന് ആശ്വാസം നൽകാനും ചുമയെ അടിച്ചമർത്താനും കഫം നീക്കം ചെയ്യാനും സഹായിക്കുന്നു. ഈ സസ്യം ആന്റിഓക്സിഡന്റുകളുള്ളതിനാൽ ശരീരത്തിൽ നിന്ന് വിഷാംശം ഇല്ലാതാക്കാൻ സഹായിക്കുന്നു.
നെല്ലിക്ക: പ്രത്യേകിച്ച് പരിചയപ്പെടുത്താലൊന്നും ആവശ്യമില്ലാത്ത നെല്ലിക്കയ്ക്ക് ധാരാളം ഔഷധ ഗുണങ്ങളുണ്ട്. ഈ സസ്യം വിവിധ ആരോഗ്യ പ്രശ്നങ്ങളിൽ നിന്ന് ആശ്വാസം നൽകുന്നു. കരൾ, ഹൃദയം, തലച്ചോറ്, ശ്വാസകോശം എന്നിവയുൾപ്പെടെയുള്ള സുപ്രധാന അവയവങ്ങളുടെ ആരോഗ്യകരമായ പ്രവർത്തനത്തെ ഇത് പിന്തുണയ്ക്കുന്നു. വിറ്റാമിൻ സി, അമിനോ ആസിഡുകൾ, പെക്റ്റിൻ തുടങ്ങിയ പോഷകങ്ങളും ഇവയിൽ അടങ്ങിയിട്ടുണ്ട്, കൂടാതെ ആന്റിഓക്സിഡന്റുകളാൽ സമ്പുഷ്ടവുമാണ്. നെല്ലികയിൽ ആൻറി ഇൻഫ്ലമേറ്ററി, ആന്റിമൈക്രോബയൽ, ഹെപ്പറ്റോപ്രൊട്ടക്റ്റീവ്, ആന്റിഓക്സിഡന്റ് സവിശേഷതകൾ തുടങ്ങിയ രോഗശാന്തി ഗുണങ്ങളുണ്ട്, മാത്രമല്ല ശരീരത്തിന്റെ പ്രതിരോധശേഷി ശക്തിപ്പെടുത്താനും അത് സഹായിക്കുന്നു.
അണുബാധയ്ക്കെതിരെ പോരാടുന്നതിനുള്ള ആദ്യപടി പ്രതിരോധ പരിചരണം പരിശീലിക്കുകയും നിങ്ങളുടെ പ്രതിരോധ ശേഷിയെ മെച്ചപ്പെടുത്തുകയും ചെയ്യുക എന്നതാണ്. നിങ്ങളുടെ ദൈനംദിന ഭക്ഷണക്രമത്തിൽ പ്രതിരോധശേഷി വർദ്ധക ഭക്ഷണങ്ങൾ ഉൾപ്പെടുത്തുന്നതിന് പുറമേ, ആരോഗ്യകരമായ ഭക്ഷണം കഴിക്കുകയും ആരോഗ്യത്തോടെ ഇരിക്കുകയും ചെയ്യുക.
