റിലയൻസ് ജിയോയുടെ വാർഷിക പ്ലാനുകളിലൊന്നിൽ പുതുവർഷം പ്രമാണിച്ച് അധിക വാലിഡിറ്റി പ്രഖ്യാപിച്ചു. 2545 രൂപയുടെ വാർഷിക പ്രീപെയ്ഡ് പ്ലാനിലാണ് മാറ്റം. ഇതുവഴി 29 ദിവസങ്ങൾ അധികമായി ലഭിക്കും.
നേരത്തെ 336 ദിവസമായിരുന്നു വാലിഡിറ്റി. അതായത് 365 ദിവസം തന്നെ ഈ പ്ലാനിന് വാലിഡിറ്റി ലഭിക്കും. ഈ ഓഫർ പരിമിത കാലത്തേക്ക് മാത്രമായാണ് ലഭിക്കുക. ദിവസേന 1.5 ജിബി ഡാറ്റ, 100 എസ്എംഎസ് എന്നിവ ഈ പ്ലാനിലുണ്ടാവും.
മൈജിയോ ആപ്പിൽനിന്നും മൈജിയോ വെബ്സൈറ്റിൽനിന്നും റീച്ചാർജ് ചെയ്‌യാം. ജിയോ ടിവി, ജിയോ സിനിമ, ജിയോ സെക്യൂരിറ്റി, ജിയോ ക്ലൗഡ് എന്നീ അധിക ഓഫറുകളും ലഭിക്കും. ജനുവരി രണ്ട് വരെ മാത്രമേ ഈ ഓഫർ ലഭിക്കുകയുള്ളൂ. അതിന് ശേഷം റീച്ചാർജ് ചെയ്‌യുന്നവർക്ക് 336 ദിവസം മാത്രമേ വാലിഡിറ്റി ലഭിക്കൂ.
