1. ആന്റിഓക്‌സിഡന്റുകളാൽ സമ്പുഷ്ടം:
വിപണിയിൽ ധാരാളം ഹെർബൽ ടീകൾ ലഭ്യമാണ്, എന്നാൽ ആന്റിഓക്‌സിഡന്റുകളുടെ അളവിൽ മറ്റുള്ളവയെക്കാൾ മുന്നിലാണ്. ഇതിൽ പരമാവധി ആന്റിഓക്‌സിഡന്റുകൾ അടങ്ങിയിട്ടുണ്ട്. ആന്റിഓക്‌സിഡന്റുകൾ ഫ്രീ റാഡിക്കൽ നാശത്തിൽ നിന്ന് സംരക്ഷിക്കാൻ സഹായിക്കുന്നതിനും പ്രതിരോധശേഷി മെച്ചപ്പെടുത്തുന്നതിനും ശരീരത്തിന്റെ മൊത്തത്തിലുള്ള പ്രവർത്തനത്തിനും ഏറ്റവും പ്രധാനപ്പെട്ട ഘടകമായി അറിയപ്പെടുന്നു.
ആന്തോസയാനിൻ എന്ന ആന്റിഓക്‌സിഡന്റിന്റെ സാന്നിധ്യം മൂലമാണ് ചെമ്പരത്തി പൂവിന് കടും ചുവപ്പ് നിറം ലഭിക്കുന്നത്. ഈ ആന്റിഓക്‌സിഡന്റ് പല വിട്ടുമാറാത്ത രോഗങ്ങളെയും ചെറുക്കാൻ സഹായിക്കുന്നതിന് ഫലപ്രദമാണെന്ന് പഠനങ്ങൾ തെളിയിച്ചിട്ടുണ്ട്.
2. രക്തസമ്മർദ്ദം കുറയ്ക്കാൻ:
ഉയർന്ന രക്തസമ്മർദ്ദം മൂലമുള്ള പ്രശ്നങ്ങൾ അനുഭവിക്കുന്നവർക്ക് ചെമ്പരത്തി ചായ കുടിക്കുന്നത് ഗുണകരമാണെന്ന് മനുഷ്യരിൽ നടത്തിയ പല പഠനങ്ങളും വ്യക്തമാക്കിയിട്ടുണ്ട്. ഈ ചായയുടെ ദൈനംദിന ഉപയോഗം സിസ്റ്റോളിക് പ്രഷർ ശരാശരി 7.5 എംഎം എച്ച്ജിയും ഡയസ്റ്റോളിക് പ്രഷർ ശരാശരി 3.5 എംഎം എച്ച്ജിയും കുറയ്ക്കാൻ സഹായിക്കുമെന്ന് കണ്ടെത്തി. അങ്ങിനെ ബിപി കുറയ്ക്കുന്നതിൽ ഇവ നല്ല ഫലം കാണിച്ചു, പക്ഷേ ചിലപ്പോൾ ഇത് ഒരു വിപരീത ഫലമുണ്ടാക്കാം, അതിനാൽ ഒരു ഡോക്ടറുടെയോ ഡയറ്റീഷ്യന്റെയോ ഉപദേശമില്ലാതെ ഇത് കഴിക്കുന്നത് അപകടകരമാണ്.
3. രക്തത്തിലെ പഞ്ചസാരയുടെ അളവ് നിയന്ത്രിക്കാൻ:
ടൈപ്പ്-2 പ്രമേഹമുള്ളവർക്ക് ചെമ്പരത്തി ചായ ഗുണം ചെയ്യും. മൃഗങ്ങളിൽ നടത്തിയ ചില പരീക്ഷണങ്ങൾക്ക് ചില അനുകൂല ഫലങ്ങൾ കണ്ടെത്തിയിരുന്നു. എന്നാൽ കൂടുതൽ പരീക്ഷണങ്ങളും മൃഗങ്ങളിൽ ആയതിനാൽ ടുതൽ ഗവേഷണവും മനുഷ്യരിൽ നടത്തുന്ന പരീക്ഷണങ്ങളും ആവശ്യമാണ്. എലികളിൽ നടത്തിയ ഒരു പരീക്ഷണത്തിൽ കൊളസ്‌ട്രോൾ കുറയ്ക്കാനും ഇത് സഹായിക്കുമെന്ന് കണ്ടെത്തി. എന്നിരുന്നാലും മനുഷ്യരിൽ ഇത് എങ്ങനെ ഫലം ചെയ്യും എന്നതിനെ കുറിച്ച് മനസ്സിലാക്കാൻ കൂടുതൽ ഗവേഷണങ്ങൾ ആവശ്യമാണ്.
4. ആരോഗ്യമുള്ള ചർമ്മത്തെ പിന്തുണയ്ക്കുന്നു:
ആരോഗ്യത്തിന് മാത്രമല്ല, ചർമ്മത്തിന്റെ സംരക്ഷണത്തിനും ചെമ്പരത്തി ചായ ഒരു പ്രധാന പങ്ക് വഹിക്കുന്നു. ഈ ചായയിൽ വിറ്റാമിൻ സി ധാരാളമായി അടങ്ങിയിട്ടുണ്ട്, ഇത് ശരീരത്തിലെ കൊളാജൻ ഉത്പാദനം മെച്ചപ്പെടുത്താൻ സഹായിക്കും. ഹൈബിസ്കസ് ടീയിൽ ആന്റിഓക്‌സിഡന്റുകൾ കൂടുതലാണ്, അതിനാൽ ചർമ്മത്തിന്റെ വീക്കം തടയുകയും മുഖക്കുരു അല്ലെങ്കിൽ ചർമ്മത്തിന്റെ നിറവ്യത്യാസം മൂലമുണ്ടാവുന്ന പ്രശ്നങ്ങളിൽ നിന്ന് സംരക്ഷിക്കുകയും ചെയ്യുന്നു.
ചെമ്പരത്തി ചായ എങ്ങനെ ഉണ്ടാക്കാം?
നിങ്ങൾക്ക് റെഡിമെയ്ഡ് ടീ പാക്കറ്റുകൾ ഉപയോഗിച്ച് ഹൈബിസ്കസ് ചായ ഉണ്ടാക്കാം അല്ലെങ്കിൽ ചെമ്പരത്തി പൂവിന്റെ ഉണക്കിയ ദളങ്ങൾ ഉപയോഗിക്കാം. ഒരു കപ്പ് ചായയ്ക്ക്, ഒരു പാനിൽ വെള്ളം എടുത്ത് തിളപ്പിക്കുക. ഇനി, ഉണക്കിയ ചെമ്പരത്തി ദളങ്ങൾ (ഏകദേശം 1 ടീസ്പൂൺ) ചേർത്ത് 5 മിനിറ്റ് ചൂടാക്കുക. നിങ്ങൾക്ക് ഇത് അരിച്ചെടുക്കാം അല്ലെങ്കിൽ അത് പോലെ തന്നെ കുടിക്കാം. ഇതിലേക്ക് ഇഞ്ചി ചേർത്ത് വ്യത്യസ്തമായി പരീക്ഷിക്കുക. തേൻ, കറുവപ്പട്ട അല്ലെങ്കിൽ മേപ്പിൾ സിറപ്പ് കൂടി ചേർത്ത് രുചി വർദ്ധിപ്പിക്കുവാനും സാധിക്കും.
ചെമ്പരത്തി ചായയ്ക്ക് പാർശ്വഫലങ്ങൾ ഉണ്ടോ?
ഉചിതമായ അളവിൽ ചെമ്പരത്തി ചായ കുടിക്കുന്നത് പൊതുവെ സുരക്ഷിതമാണെന്ന് കണക്കാക്കപ്പെടുന്നു. ഇതിന് കുറച്ച് പാർശ്വഫലങ്ങൾ ഉണ്ടെന്ന് തെളിയിക്കപ്പെട്ടിട്ടുണ്ട്, അത് അവഗണിക്കാവുന്നതാണ്. ഹൈബിസ്കസ് സപ്ലിമെന്റുകളോ കാപ്സ്യൂളുകളോ വലിയ അളവിൽ കഴിക്കുന്നത് പ്രശ്നങ്ങൾ ഉണ്ടാകുന്നു. ഇത് വയറുവേദന, ഗ്യാസ്, മലബന്ധം, മൂത്രമൊഴിക്കുമ്പോഴുള്ള പ്രശ്നങ്ങൾ, തലവേദന എന്നിവയ്ക്ക് കാരണമായേക്കാം.
പ്രത്യേകിച്ച് നിങ്ങൾ ഗർഭിണിയായിരിക്കുമ്പോഴോ മുലയൂട്ടുന്ന അമ്മയാണെങ്കിലോ മരുന്ന് കഴിക്കുമ്പോഴോ ഈ ചായ കുടിക്കുന്നതിനെ കുറിച്ച് നിങ്ങളുടെ ഡോക്ടറോട് ചോദിക്കുക. ഹൈബിസ്കസ് ചായ പ്രമേഹ മരുന്നുകളെയോ രക്താതിമർദ്ദമുള്ള മരുന്നുകളെയോ തടസ്സപ്പെടുത്തിയേക്കാം, ഇത് രക്തത്തിലെ പഞ്ചസാരയും രക്തസമ്മർദ്ദവും വീണ്ടും കുറയാൻ ഇടയാക്കും, ഇത് നിങ്ങളുടെ ആരോഗ്യത്തെ ദോഷകരമായി ബാധിക്കും. ഏതെങ്കിലും ഇടപെടലുകളും പാർശ്വഫലങ്ങളും ഒഴിവാക്കാൻ നിങ്ങളുടെ ഡോക്ടറെ സമീപിക്കുക.
ജനപ്രിയ ചായകളിലൊന്നായ ചെമ്പരത്തി ചായ ആന്റിഓക്‌സിഡന്റുകളാൽ സമ്പന്നമായിരിക്കാം, ഇത് രക്തസമ്മർദ്ദം കുറയ്ക്കുവാനും, ഹൃദയ സംബന്ധമായ അസുഖങ്ങൾ നിയന്ത്രിക്കാനും ഉത്തമമാണ് എന്നും പറയപ്പെടുന്നു; ചർമ്മത്തിനും അനുയോജ്യവുമായ ഈ ചായയുടെ മിതമായ ഉപഭോഗം ആരോഗ്യത്തിന്സുരക്ഷിതമാണ്.
എന്നിരുന്നാലും, മരുന്നുകൾ കഴിക്കുന്ന ആളുകൾ ഈ ചായ കുടിക്കുന്നതിന് മുൻപ് ഒരു ആരോഗ്യ വിദഗ്ദ്ധനെ സമീപിക്കേണ്ടതാണ്, കാരണം ഇവ ചിലപ്പോൾ മറ്റ് മരുന്നുകളുടെ ഫലപ്രാപ്തിയെ കാര്യമായി ബാധിക്കുവാൻ ഇടയുണ്ട്.
ശ്രദ്ധിക്കുക: ഈ ലേഖനത്തിൽ ഉൾപ്പെടുത്തിയിരിക്കുന്ന കാര്യങ്ങൾ പൊതുവായ വിവരം നൽകാൻ ഉദ്ദേശിച്ച് തയ്യാറാക്കിയിട്ടുള്ളതാണ്. ഇത് ഒരിക്കലും ഒരു വിദഗ്ധ അഭിപ്രായത്തിന് പകരമാകില്ല. കൂടുതൽ വിവരങ്ങളിക്ക് നിങ്ങളുടെ ഡോക്ടറോട് സംസാരിക്കുക.
