മത്തക്കുരു പി.സി.ഒ.എസിന് പരിഹാരമാകുമോ?

അല്ലെങ്കിൽ ബാധിക്കുന്ന സ്ത്രീകളുടെ എണ്ണം വർധിച്ചുവരികയാണ്. ഗർഭാശയത്തെ ബാധിക്കുന്നതിനാൽ ക്രമം തെറ്റിയ ആർത്തവം, പോളിസിസ്റ്റിക് ഓവറി, മുഖത്തും ശരീര ഭാഗങ്ങളിലും അമിതമായ രോമ വളർച്ച തുടങ്ങിയ ലക്ഷണങ്ങൾ എല്ലാം ഇതിന്റെ ഭാഗമായി അനുഭവപ്പെടാറുണ്ട്. ഹോർമോൺ സംബന്ധമായ ചില അസന്തുലിതാവസ്ഥകളാണ് പി.സി.ഒ.എസ് ബാധിക്കാൻ കാരണമാകുന്നത്.

ലോകത്ത് 6 മുതൽ 26 ശതമാനം വരെയുള്ള സ്ത്രീകൾ ഈ അവസ്ഥയിലൂടെ കടന്നുപോകാറുണ്ട്. പി.സി.ഒ.എസ്. മാറ്റിയെടുത്ത് ശരീരം പഴയ രീതിയിലേക്ക് കൊണ്ടുവരാൻ ചികിത്സ ആവശ്യമാണ്‌. എന്നാൽ ചിലർക്ക് ജീവിതശൈലി, വ്യായാമം തുടങ്ങിയവയിലൂടെ ഇത് മാറ്റിയെടുക്കാൻ കഴിയും. ഏറെ ആരോഗ്യ ഗുണങ്ങൾ അടങ്ങിയ കഴിച്ചുകൊണ്ട് പി.സി.ഒ.എസ് പരിഹരിക്കാൻ സാധിക്കുമെന്ന് ചില പഠനങ്ങൾ കണ്ടെത്തിയിട്ടുണ്ട്.

മത്തക്കുരു കഴിക്കുന്നത് ആരോഗ്യകരമാണോ?
മത്തക്കുരു പ്രത്യേകമായി തന്നെ കഴിക്കാവുന്ന ഒന്നാണ്. ശരീരത്തിന് ആവശ്യമായ പല തരത്തിലുള്ള പോഷക ഗുണങ്ങൾ നൽകാൻ ഇത് സഹായിക്കും. പുറമെ വെള്ള നിറത്തിൽ ലെയറുകൾ ഉള്ളതാണ് ഇവ. ഇതിനുള്ളിൽ ഇളം പച്ച നിറത്തിലാണ് ഇതിൻറെ പരിപ്പ് കാണാൻ കഴിയുക. ഇത് തൊലിയോട് കൂടിയോ അല്ലാതെയോ കഴിക്കുന്നത് വിവിധ ആരോഗ്യ ഗുണങ്ങൾ നൽകും. മത്തൻ വിത്തുകൾ ഉണക്കി സൂക്ഷിക്കുന്നത് ഏറെ നാൾ കേടുകൂടാതെ ഉപയോഗിക്കാൻ സഹായിക്കും.

പി.സി.ഒ.എസ്. പരിഹരിക്കുന്നത് എങ്ങനെ?
പി.സി.ഒ.എസ്. ബാധിച്ച സ്ത്രീകൾക്ക് ഈ അവസ്ഥയെ വേഗത്തിൽ മറികടക്കാൻ ചികിത്സയോടൊപ്പം ചില ഭക്ഷണ രീതികൾ നിർദേശിക്കാറുണ്ട്. അതിൽ ഏറെ ഗുണകരമായ ഒന്നാണ് മത്തക്കുരു. ഡോക്ടർ നിർദേശിച്ച ഡയറ്റ് പിന്തുടരുന്നതോടൊപ്പം പതിവായി മത്തക്കുരു കൂടി കഴിക്കുന്നത് ഫലം വർധിപ്പിക്കും.

ഗുണം ലഭിക്കുന്നത് എങ്ങനെ?
> പി.സി.ഒ.എസ്. ബാധിച്ചവരിൽ കണ്ടുവരുന്ന അസാധാരണമായ മുടി കൊഴിച്ചിൽ തടയുന്നു
> ശരീരത്തിന് ആവശ്യമായ ഫാറ്റി ആസിഡ് ആരോഗ്യകരമായ രീതിയിൽ അടങ്ങിയിരിക്കുന്നു.
> കൊളസ്ട്രോൾ കുറയ്ക്കാൻ സഹായിക്കുന്നു
> മഗ്നീഷ്യം അടങ്ങിയതിനാൽ ശരീരത്തിലെ ഉപാപചയ പ്രവർത്തനങ്ങൾ മെച്ചപ്പെട്ട രീതിയിൽ നടക്കാൻ സഹായിക്കും
> ആർത്തവ വിരാമത്തിന് ശേഷം ഓസ്റ്റിയോപെറോസിസ് ബാധിക്കാനുള്ള സാഹചര്യം കുറയ്ക്കും
> അസ്ഥികളെ ബലപ്പെടുത്താൻ സഹായകമാണ്
> ഉറക്കം മെച്ചപ്പെടുത്താൻ സഹായിക്കുന്ന അമിനോ ആസിഡ് ആയ ട്രിപ്റ്റോപാൻ മത്തൻ വിത്തുകളിൽ വേണ്ടുവോളമുണ്ട്. അതുകൊണ്ട് തന്നെ പി.സി.ഒ.എസ് ബാധിച്ചവർ നല്ല ഉറക്കം ലഭിക്കുന്നതിനായി ഉറങ്ങുന്നതിന് മുൻപ് ഒരു ടേബിൾ സ്പൂൺ മത്തൻ വിത്തുകൾ കഴിക്കുന്നത് നല്ലതാണ്.

മത്തക്കുരു എങ്ങനെ ഡയറ്റിൻറെ ഭാഗമാക്കാം?
ഇവ നിങ്ങൾക്ക് ഇഷ്ടമുള്ള രീതിയിൽ ഭക്ഷണക്രമത്തിൽ ഉൾപ്പെടുത്താം. എന്നാൽ ഒരുപാട് ഫ്രൈ ചെയ്യാതെ കഴിക്കുന്നതാണ് ഏറ്റവും നല്ലത്. എന്നാൽ ദിവസം ഒരു സ്പൂണിൽ അധികം മത്തക്കുരു കഴിക്കുന്നത് നല്ലതല്ല. നേരിട്ട് കഴിക്കാൻ ഇഷ്ടമില്ലാത്തവർ ജ്യൂസിനോപ്പം അരച്ചു ചേർത്തോ സാലഡുകളിൽ യോജിപ്പിച്ചോ കഴിക്കാനായി ശ്രമിക്കണം. ഓട്സ് അല്ലെങ്കിൽ പുഡിംഗ് പോലുള്ളവ തയ്യാറാക്കുമ്പോൾ ഇത് ചേർക്കാം. ഷേക്ക്, ടോസ്റ്റ് എന്നിവയുടെ മുകളിൽ ഗാർണിഷ് ചെയ്ത് കഴിക്കാം. ഇതൊന്നുമല്ലെങ്കിൽ സോസ് അല്ലെങ്കിൽ ചട്നിയോടൊപ്പം ഇത് അരച്ച് ചേർക്കാം.