എന്നാൽ ഓക്കാനം കുറയ്ക്കാൻ സഹായിക്കുന്ന ചില പ്രതിവിധികൾ നമ്മുടെ അടുക്കളയിൽ തന്നെയുണ്ട്.
1. പുതിന
പുതിന അതിന്റെ ആരോഗ്യ ഗുണങ്ങൾക്ക് പേരുകേട്ടതും ദഹനവ്യവസ്ഥയെ വലിയ രീതിയിൽ സഹായിക്കുന്നതുമായ ഒന്നാണ്. പുതിനയിൽ കാണപ്പെടുന്ന പ്രകൃതിദത്ത എണ്ണ കുടലിന് ആശ്വാസമേകുകയും ദഹനനാളത്തിൽ നിന്ന് ഗ്യാസ് നീക്കം ചെയ്യുകയും ചെയ്യുന്നു. കൂടാതെ, ഇത് കുടലിൽ ഉണ്ടാവുന്ന രോഗാവസ്ഥ ഒഴിവാക്കുന്നു, വയറിളക്കം, വായുകോപം, ഓക്കാനം എന്നിവ കുറയ്ക്കുകയും ചെയ്യുന്നു. ഓക്കാനം ചികിത്സിക്കാൻ ഒന്നുകിൽ നിങ്ങൾക്ക് പുതിനയില ചവച്ച് കഴിക്കാം അല്ലെങ്കിൽ ഒരു കപ്പ് പുതിന ചായ കുടിക്കുക.
2. ഇഞ്ചി
ഇഞ്ചിയിൽ ഫൈറ്റോകെമിക്കലുകളും ഫൈറ്റോ ന്യൂട്രിയന്റുകളും അടങ്ങിയിട്ടുണ്ട്, ഇത് ഓക്കാനം കുറയ്ക്കാൻ സഹായിക്കും. ഇഞ്ചിച്ചായ കുടിക്കുന്നത് ഓക്കാനം അകറ്റാൻ സഹായിക്കും.
3. ആപ്പിൾസോസ്
ഓക്കാനം, വയറിളക്കം എന്നിവയുള്ള ആളുകൾക്ക് ആപ്പിൾസോസ് ഒരു ജനപ്രിയ ഭക്ഷണമാണ്. വാസ്തവത്തിൽ, ആപ്പിൾ സോസ് ബ്രാറ്റ് ഡയറ്റിന്റെ (BRAT) ഭാഗമാണ് (ഇത് വാഴപ്പഴം, അരി, ആപ്പിൾ സോസ്, ടോസ്റ്റ് എന്നിവ ഉൾപ്പെടുന്ന ഡയറ്റാണ്). ഇത് കാർബോഹൈഡ്രേറ്റിന്റെ നല്ല ഉറവിടമാണ്, നിങ്ങളുടെ വയറിനും ഇത് ഗുണകരമാണ്. അതിനാൽ, ഓക്കാനം ഒഴിവാക്കാൻ ഇത് സഹായിക്കും.
4. നാരങ്ങ വെള്ളം
ഓക്കാനം ഭേദമാക്കാൻ നാരങ്ങ വെള്ളം ഒരു മികച്ച പ്രതിവിധിയാണ്, കാരണം അതിൽ അടങ്ങിയിരിക്കുന്ന ന്യൂട്രലൈസിംഗ് ആസിഡുകൾ വയറിന് ഗുണം ചെയ്യും. പിഴിഞ്ഞെടുത്ത നാരങ്ങ നീര് വെള്ളത്തിൽ ചേർത്ത് ദിവസം മുഴുവൻ കുടിക്കുക. മലബന്ധം മൂലമാണ് ഓക്കാനം വരുന്നതെങ്കിൽ ചെറുചൂടുള്ള വെള്ളത്തിൽ ചെറുനാരങ്ങാനീര് ചേർത്ത് കുടിക്കുന്നത് കുടലിന്റെ ആരോഗ്യം മെച്ചപ്പെടുത്താൻ സഹായിക്കും.
5. തേങ്ങാവെള്ളം
തേങ്ങാവെള്ളത്തിൽ പൊട്ടാസ്യം ധാരാളം അടങ്ങിയിട്ടുണ്ട്, മാത്രമല്ല നിങ്ങളുടെ ശരീരത്തിൽ നിന്ന് അധിക ജലം പുറന്തള്ളാനും ഇതിന് കഴിയും. ഇത് ആമാശയത്തെ സുഖപ്പെടുത്തുന്നു, മലബന്ധം തടയാനും ഇത് ഗുണകരമാണ്
ശ്രദ്ധിക്കുക
അമിതമായി ഭക്ഷണം കഴിച്ച ഉടൻ തന്നെ അല്ലെങ്കിൽ ഏതാനും മണിക്കൂറുകൾക്കുള്ളിൽ ഓക്കാനം അനുഭവപ്പെടുന്നത് പലപ്പോഴും സംഭവിക്കാറുണ്ട്, ഇത് സാധാരണമാണ്. കൃത്യസമയത്ത് ഭക്ഷണം കഴിക്കുക, ഒരേസമയം അധികം കഴിക്കാതെ ചെറുതും ഇടയ്ക്കിടെയുള്ളതുമായ ഭക്ഷണം കഴിക്കുക.
* കുറെ ഭക്ഷണം ഒരു നേരത്ത് കഴിക്കുന്നതിന് പകരം, ചെറിയ അളവിൽ ഇടയ്ക്കിടെ ഭക്ഷണം കഴിക്കുക;
* ദഹിക്കാൻ എളുപ്പമുള്ള ഭക്ഷണങ്ങളിൽ കൂടുതൽ ശ്രദ്ധ കേന്ദ്രീകരിക്കുക;
* നിങ്ങൾക്ക് ഓക്കാനം അനുഭവപ്പെടുന്നുണ്ടെങ്കിൽ, ഭക്ഷണം പരിമിതപ്പെടുത്തുകയും ആരോഗ്യകരമായ പാനീയങ്ങൾ കുടിക്കുകയും ചെയ്യുക.
ഇതിലൂടെ നിങ്ങൾക്ക് മനംപുരട്ടലിൽ നിന്ന് എളുപ്പത്തിൽ ആശ്വാസം കണ്ടെത്താൻ സാധിക്കും. എന്നാൽ കടുത്ത പനി, കഠിനമായ വയറുവേദന തുടങ്ങിയ ഗുരുതരമായ ലക്ഷണങ്ങളോടൊപ്പം നിങ്ങൾക്ക് ഓക്കാനം അനുഭവപ്പെടുന്നുണ്ടെങ്കിൽ, ഉടൻ തന്നെ ഡോക്ടറെ സമീപിക്കുക.
