ഈ സമയത്തെ അസ്വസ്ഥതകൾ മൂലം ദൈനംദിന ജോലികൾ പോലും ചെയ്യാൻ സാധിക്കാത്തവരുണ്ട്. പലപ്പോഴും മറ്റുള്ളവരുടെ സഹായത്തോടെ കാര്യങ്ങൾ ചെയ്യേണ്ട അവസ്ഥ അനുഭവിയ്ക്കുന്നവരും ഒരു ചെറിയ ശതമാനം ആളുകളും ഉണ്ട്. എന്നാൽ പിരീഡ് ദിനങ്ങളിലും അതിന് മുൻപും കഴിയ്ക്കാവുന്ന ചില നല്ല ഭക്ഷണങ്ങൾ ജീവിതശൈലിയിൽ ഉൾപ്പെടുത്തുന്നത് നല്ലതാണ്. ഇവ കഴിയ്ക്കുന്നത് ഇത്തരം അസ്വസ്ഥതകൾ കുറയ്ക്കാൻ ഒരു പരിധി വരെ സഹായിക്കും. തുടർച്ചയായി ഈ ഭക്ഷണങ്ങൾ കഴിയ്ക്കുന്നത് എന്തുകൊണ്ടും നല്ലതാണ്.
വെള്ളം:
പിരീഡ് ദിനങ്ങളിലെ അസ്വസ്ഥത കുറയ്ക്കാൻ ധാരാളം വെള്ളം കുടിയ്ക്കുന്നത് വളരെയധികം പ്രയോജനം ചെയ്യും. വെള്ളം അളന്ന് കുടിയ്ക്കുന്നതിന് പകരം കഴിയുന്നത്ര വെള്ളം കുടിയ്ക്കുകയാണ് വേണ്ടത്. ശരീരത്തിൽ ആവശ്യത്തിന് വെള്ളം ലഭിച്ചുകഴിഞ്ഞാൽ നിര്ജ്ജലീകരണം ഇല്ലാതാകുകയും തലവേദന പോലുള്ള അസ്വസ്ഥതകൾ സുഖപ്പെടുത്താനും സാധിയ്ക്കും. മറ്റ് പല അസ്വസ്ഥതകളും കുറയ്ക്കാനും വെള്ളം കുടിയ്ക്കുന്നത് വളരെ നല്ലതാണ്.
പഴങ്ങൾ:
ശരീരത്തിൽ എല്ലായ്പ്പോഴും ജലാംശം നിലനിൽക്കുന്നത് പിരീഡ് സമയത്തെ വേദനകളും അസ്വസ്ഥതയും കുറയ്ക്കാൻ സഹായിക്കും. എന്നാൽ ജലാംശം നൽകുന്നതോടൊപ്പം ഊർജ്ജവും ആരോഗ്യവും നൽകുന്ന മറ്റൊരു ഓപ്ഷനുണ്ട്, അതാണ്‌ പഴങ്ങൾ. എല്ലാ പഴങ്ങളും കഴിയ്ക്കുന്നത് നല്ലതാണെങ്കിലും ജലാംശം കൂടുതലുള്ള പഴങ്ങൾ തിരഞ്ഞെടുക്കുന്നതാണ് ഏറ്റവും നല്ലത്. അതായത്, തണ്ണിമത്തൻ, ബെറി വിഭാഗത്തിലുള്ള പഴങ്ങൾ എന്നിവയിൽ മധുരത്തെക്കാൾ ജലാംശമാണ് കൂടുതൽ. വാഴപ്പഴം, ആപ്പിൾ എന്നിവയെക്കാൾ കൂടുതലായി ഇത്തരം പഴങ്ങൾക്ക് പ്രാധാന്യം നൽകുകയാണ് വേണ്ടത്. ഇവ പതിവക്കുന്നത് ഓരോ പിരീഡ് ഘട്ടങ്ങളും സ്വസ്ഥമായിരിയ്ക്കാൻ നിങ്ങളെ സഹായിക്കും.
ഗ്രീൻ വെജിറ്റബിൾസ്:
പച്ച നിറത്തിലുള്ള പച്ചക്കറികൾ കൂടുതലായി കഴിയിക്കുന്നത് പിരീഡ് സമയത്തെ വേദനകളും പ്രശ്നങ്ങളും ഒഴിവാക്കാൻ സഹായിക്കും. പ്രത്യേകിച്ച് ബ്രൊക്കോളി, ചീര തുടങ്ങിയ എല്ലാ പച്ചക്കറികളും ധാരാളം കഴിയ്ക്കാൻ ശ്രദ്ധിക്കണം. ഇവ പതിവായി കഴിയ്ക്കുന്നത് ശരീരത്തിൽ മഗ്നീഷ്യം, അയേൺ എന്നിവയുടെ അളവ് വര്ധിപ്പിയ്ക്കാനും ക്ഷീണം തലവേദന എന്നിവ കുറയ്ക്കാനും സഹായിക്കും.
വേദന കുറയ്ക്കും ഇഞ്ചി:
നിങ്ങൾ എപ്പോഴെങ്കിലും ഇഞ്ചി ചേർത്ത ചായ കഴിച്ചിട്ടുണ്ടോ? ഉണ്ടെങ്കിൽ ഇഞ്ചി ചായ കുടിയ്ക്കുമ്പോൾ ലഭിയ്ക്കുന്ന എനർജിയെക്കുറിച്ച് നിങ്ങളോട് പറയേണ്ടതില്ല. ഇതുവരെ കഴിച്ചിട്ടില്ലാത്തവർ ഇനി പിരീഡ് സമയത്തെ അസ്വസ്ഥതകൾ കുറയ്ക്കാനായി ഒന്ന് തയ്യാറാക്കി കഴിച്ചു നോക്കണം. സെക്കണ്ടുകൾക്കുള്ളിൽ വേദന കുറഞ്ഞു ആശ്വാസം ലഭിയ്ക്കുന്നതായി നിങ്ങൾക്ക് അനുഭവപ്പെടും. ഇതിലെ ആൻറി ഇൻഫ്ലമേറ്ററി ഘടകങ്ങളാണ് വേദന കുറയ്ക്കാൻ സഹായിക്കുന്നത്.
ചിക്കൻ:
ചിക്കൻ കഴിച്ചുകൊണ്ട് വേദന കുറയ്ക്കാൻ കഴിയുമോ? തീർച്ചയായും. എന്നാൽ ധാരാളം എണ്ണയൊഴിച്ചു പാകം ചെയ്തെടുത്തതല്ല കഴിക്കേണ്ടത്. അധികം എണ്ണ ഉപയോഗിക്കാതെ വേവിച്ചെടുത്ത ചിക്കനാണ് ശരീരത്തിന് ഇത്തരം ഗുണങ്ങൾ നൽകുക. എണ്ണയോ മസാലയോ ചേർക്കാതെ വേവിച്ച ചിക്കൻ സലാഡ് രൂപത്തിൽ കഴിയ്ക്കുന്നത് കൂടുതൽ നല്ലതാണ്. ചിക്കൻ കഴിയ്ക്കുമ്പോൾ ശരീരത്തിൽ അയേൺ , പ്രോട്ടീൻ എന്നിവയുടെ അളവ് വർദ്ധിയ്ക്കുകയും പിരീഡ് സമയത്തെ അസ്വസ്ഥതകൾ കുറയ്ക്കാൻ സഹായകമാകുകയും ചെയ്യും. അതിനാൽ ചിക്കൻ പ്രേമികൾക്ക് ഏറ്റവും മികച്ച പരിഹാര മാർഗം കൂടിയാകും ഇത്.
കടൽ മത്സ്യങ്ങൾ:
മത്സ്യങ്ങൾ കഴിക്കുന്നത് എല്ലായ്പ്പോഴും ആരോഗ്യകരമാണ്. അയേൺ, ഒമേഗ 3 ഫാറ്റി ആസിഡ് എന്നിവ ശരീരത്തിലെത്തുന്നത് പിരീഡ് സമയത്തെ അസ്വസ്ഥതകൾ കുറയ്ക്കുക മാത്രമല്ല, എല്ലാ തരത്തിലും ശരീരത്തിന് ഗുണം നൽകുന്നതാണ്. എന്നാൽ വലിയ മത്സ്യങ്ങൾ കഴിയ്ക്കുന്നതിനേക്കാൾ ആഴക്കടൽ മത്സ്യങ്ങളായ മത്തി, അയല എന്നിവ കഴിയ്ക്കുന്നതാണ് കൂടുതൽ നല്ലത്. അതിനാൽ കഴിയുന്നത്ര ചെറു മത്സ്യങ്ങൾ കഴിച്ചോളൂ.
ചോക്ലേറ്റ്:
നല്ല മാനസികാവസ്ഥയ്ക്കും ശരീര വേദന കുറയ്ക്കാനും ചോക്ലേറ്റ് കഴിയ്ക്കുന്നത് വളരെ ഉപകാരപ്രദമാണ്. മധുരം കൂടുതലുള്ള ചോക്ലേറ്റ് അല്ല ഇതിനായി തിരഞ്ഞെടുക്കേണ്ടത്. കൊക്കോ കൂടുതലുള്ള മധുരം കുറഞ്ഞ ഡാർക്ക് ചോക്ലേറ്റുകളാണ്. ഇത് ശരീരത്തിൽ ചില നല്ല ഹോർമോൺ മാറ്റങ്ങൾക്ക് വഴി വെയ്ക്കുകയും മാനസികാവസ്ഥ മെച്ചപ്പെടുകയും ചെയ്യും.
മഞ്ഞൾ:
പിരീഡ് സമയത്തെ വേദന കുറയ്ക്കാൻ മികച്ച ഓപ്ഷനാണ് മഞ്ഞൾ. മഞ്ഞളിലെ ആൻറി ഇന്ഫ്ലമേറ്ററി ഘടകം വേദന കുറയ്ക്കാൻ സഹായമാണ്. മഞ്ഞളിൽ അടങ്ങിയ കുർകുമിൻ വേദനയും അസ്വസ്ഥതയും കുറച്ച് ആശ്വാസം നൽകാൻ കഴിവുള്ളതാണ്.
തൈര്:
നല്ല തൈര് കഴിയ്ക്കുന്നത് പിരീഡ് സമയത്തെ അസ്വസ്ഥതകൾ കുറയ്ക്കാൻ സഹായിക്കും. പല തവണ പ്രോസസ് ചെയ്ത് ക്രീം രൂപത്തിൽ പായ്ക്കറ്റുകളിൽ ലഭിയ്ക്കുന്ന തൈര് അല്ല വേണ്ടത്, പകരം നല്ല ബാക്ടീരിയകൾ ധാരാളം അടങ്ങിയ നല്ല ശുദ്ധമായ തൈര് കഴിക്കുകയാണെങ്കിൽ വേദനയും അസ്വസ്ഥതയും കുറയ്കാൻ സാധിയ്ക്കും. മാത്രമല്ല, യോനീ ഭാഗത്ത് പിരീഡ് ന് പിറകെയും അല്ലാതെയും ഉണ്ടാകുന്ന അണുബാധ തടയാനും തൈര് മികച്ച മാർഗമാണ്.
പെപ്പർ മിന്റ് ടീ:
പിരീഡ് ദിവസങ്ങളിൽ വേദന വരുന്ന സമയത്ത് ചൂടു ചായ കുടിയ്ക്കുന്നത് ആശ്വാസം നൽകുന്നുവെങ്കിൽ ഇതൊന്നു പരീക്ഷിയ്ക്കാവുന്നതാണ്. ഇഞ്ചി ചായ ഫലപ്രദമെന്ന് തോന്നുന്നവർക്ക് തീർച്ചയായും ഈ രീതിയും ഫലം നൽകും. പുതിന ഇലകളും അല്പം മാത്രം കുരുമുളക് പൊടിയും ചേർത്ത് തയ്യാറാക്കുന്നതാണ് പെപ്പർ മിന്റ് ടീ. ഈ സമയത്ത് മൂഡ്‌ സ്വിങ്ങ്സ് ഇല്ലാതാക്കാനും ഇത് മികച്ച കോമ്പിനേഷൻ ആണ്.
ഈ ഭക്ഷണങ്ങൾ ഒഴിവാക്കാം
ചില ഭക്ഷണങ്ങൾ കഴിയ്ക്കുന്നത് പിരീഡ് ദിനങ്ങളിലെ വേദന കുറയ്ക്കുമെങ്കിൽ ചില ഭക്ഷണങ്ങൾ കഴിയ്ക്കുന്നത് വേദനയും അസ്വസ്ഥതയും വർധിപ്പിച്ച് വിപരീത ഫലം നൽകുന്നതിനു വഴിവെയ്ക്കും. വേദന കുറയ്ക്കാൻ സഹായിക്കുന്ന ആഹാര സാധനങ്ങൾ അറിയുന്നതിനൊപ്പം തന്നെ വേദന വര്ധിയ്ക്കാൻ കാരണമാകുന്നവയും തിരിച്ചറിയണം. പിരീഡ് ദിനങ്ങളിൽ നിർബന്ധമായും ഒഴിവാക്കേണ്ടത് ഇവയാണ്.
ഉപ്പ് – ബ്ലോട്ടിംഗ് വർധിപ്പിയ്ക്കുകയും അസ്വസ്ഥത കൂട്ടുകയും ചെയ്യും.
പഞ്ചസാര – പിരീഡ് ദിനങ്ങളിലെ പഞ്ചസാര ഉപയോഗം ഷുഗർ ലെവൽ പെട്ടെന്ന് കൂടാൻ കാരണമാകും.
കഫീൻ – കഫീൻ അടങ്ങിയ പാനീയങ്ങൾ കുടിയ്ക്കുന്നത് ബ്ലോട്ടിംഗ് ഉണ്ടാക്കും
ആൽക്കഹോൾ – ഈ സമയങ്ങളിൽ മദ്യം കഴിയ്ക്കുന്നത് തലവേദന, ബ്ലോട്ടിംഗ് എന്നിവയ്ക്ക് കാരണമാകും.
