വിയർപ്പ് നമ്മളിൽ ഉണ്ടാക്കുന്ന അസഹനീയത എത്രത്തോളം ആയിരിക്കും എന്ന് നമുക്ക് ഊഹിക്കാവുന്നതേയുള്ളൂ. എന്നാൽ ഈയൊരു കാര്യത്തിൽ ചെയ്യാൻ കഴിയുന്ന ഒരു കൂട്ടം പരിഹാരങ്ങളുണ്ട്.
ടാൽക്കം പൗഡർ
വിയർപ്പിനെതിരേ ചെയ്യാൻ കഴിയുന്ന എന്ന ആദ്യ കാര്യം നിങ്ങൾ ഉപയോഗിക്കുന്ന ബോഡി പൗഡർ ഒരു ആൻറി പെർസ്പിറൻ്റ് ടാൽക്കം പൗഡറാക്കി മാറ്റുകയാണ്. അതല്ലെങ്കിൽ ഒരു ആന്റി പെർസ്പിറന്റ് പെർഫ്യൂം വാങ്ങുക. ആവശ്യ സമയങ്ങളിലെല്ലാം അത് പ്രയോഗിക്കുക. മികച്ച ഫലങ്ങൾക്കായി രാത്രിസമയങ്ങളിൽ അടക്കം ഇത് പുരട്ടുക. നിങ്ങളുടെ വിയർപ്പിന്റെ അളവ് കുറവായിരിക്കുമ്പോൾ പോലും ഈയൊരു പ്രവർത്തി ചെയ്യുന്നത് ചർമ്മത്തിലെ പ്രകോപനങ്ങളുടെ സാധ്യത കുറയ്ക്കും. പകൽസമയങ്ങളിൽ മാത്രമായി ഇത് പുരട്ടുന്നത് പ്രത്യേകിച്ചും വിയർപ്പിനെ മാത്രം നീക്കം ചെയ്യുന്നതിന് കാരണമാകാം. അതുകൊണ്ടുതന്നെ അതിൻറെ ഗന്ധം അവശേഷിക്കും. ഇത് പ്രയോഗിക്കുന്നതിന് മുമ്പ് നിങ്ങളുടെ അടിവസ്ത്രങ്ങളും മറ്റും ഉപയോഗിക്കുമ്പോൾ പൂർണ്ണമായും വരണ്ടതും വൃത്തിയുള്ളതുമാണെന്ന് ഉറപ്പാക്കുക.
ഉത്കണ്ഠകൾ കുറയ്ക്കുക
നിങ്ങളുടെ ശരീരം നിങ്ങളോട് പല സൂചനകളുടെ രൂപത്തിൽ സംസാരിക്കും. ശരീരം പുറത്തു കാട്ടുന്ന. അമിതമായ വിയർപ്പ് അടക്കമുള്ള ചില അശുഭ സൂചനകൾ ശാരീരിക സമ്മർദ്ദത്തിന്റെ ഫലമായി ഉണ്ടാവുന്നത് ആവാം. അതുകൊണ്ട് തന്നെ ഇതിനെ നേരിടാനായി നിങ്ങൾക്കായി കുറച്ച് സമയം നീക്കിവയ്ക്കുകയും നിങ്ങളുടെ പ്രിയപ്പെട്ട ഹോബിയിൽ കുറച്ച് സമയം ചെലവഴിക്കുകയും ഒക്കെ ചെയ്യുക, അല്ലെങ്കിൽ പതിവായി ധ്യാനം ചെയ്യുന്നതിൽ ഏർപ്പെടുക. അങ്ങനെയെങ്കിൽ അമിത വിയർപ്പും സമ്മർദ്ദവും ഗണ്യമായി കുറയുന്നത് നിങ്ങൾ തിരിച്ചറിയും. മാത്രമല്ല നിങ്ങളുടെ ഉത്കണ്ഠയുടെ കാരണങ്ങൾ കണ്ടെത്തി അതിനുള്ള പരിഹാരങ്ങൾ തേടി പോകുകയും ചെയ്യാം.
നിങ്ങളുടെ ഭക്ഷണക്രമത്തിൽ ശ്രദ്ധിക്കുക
കഴിക്കുന്ന ഭക്ഷണങ്ങൾ നിങ്ങളുടെ ശരീരപ്രകൃതിയെ നിശ്ചയിക്കുന്നതാണ്. ജങ്ക് ഫുഡ് നിങ്ങളുടെ ഭക്ഷണങ്ങൾ നിങ്ങളുടെ ഭക്ഷണ ശീലത്തിൽ ഒരു പ്രധാന ഭാഗമാണെങ്കിൽ ഇതുമൂലം വിയർപ്പ് പ്രശ്നങ്ങൾ ഉണ്ടാകാനുള്ള സാധ്യതയുണ്ട്. ജങ്ക് ഫുഡ്, കാർബണേറ്റഡ് പാനീയങ്ങൾ, മസാലകൾ നിറഞ്ഞ ഭക്ഷണം, ധാരാളം ഉള്ളിയും വെളുത്തുള്ളിയും അടങ്ങിയ വിഭവങ്ങൾ എന്നിവ നിങ്ങളുടെ ശരീരത്തിൽ അസ്വാഭാവികമായ രീതിയിലുള്ള വിയർപ്പിന് കാരണമാകും.
മസാലകൾ നിറഞ്ഞ ഭക്ഷ്യവസ്തുക്കൾ കൂടുതൽ കഴിക്കുമ്പോൾ ഇത് നിങ്ങളുടെ ശരീരത്തിലെ ചൂട് വർദ്ധിപ്പിക്കും. അതുകൊണ്ടുതന്നെ ശരീരത്തെ സ്വയം തണുപ്പിക്കാൻ ശ്രമിക്കുന്നതിലൂടെ ധാരാളം ദുർഗന്ധവും വിയർപ്പും പുറപ്പെടുവിക്കുന്നു. കഫീൻ അടങ്ങിയ പാനീയങ്ങൾ പോലുള്ള ചില ഭക്ഷണങ്ങൾ യഥാർത്ഥത്തിൽ വിയർപ്പ് വർദ്ധിപ്പിക്കുന്നതാണ്. നിങ്ങളുടെ വിയർപ്പ് പൂർണമായും കുറയ്ക്കുമെന്ന് ഉറപ്പുനൽകാൻ കഴിയില്ലെങ്കിലും ഇത്തരം ഭക്ഷണക്രമങ്ങളിൽ മാറ്റം വരുത്തുന്നത് ഒരു പരിധിവരെ സഹായം ചെയ്യും. പകരം ധാരാളം ഫ്രഷ് പഴങ്ങൾ, പയർവർഗ്ഗങ്ങൾ, പച്ച ഇലക്കറികൾ എന്നിവ ഭക്ഷണത്തിൽ ഉൾപ്പെടുത്തുക.
വസ്ത്രധാരണ രീതിയിൽ മാറ്റം വരുത്തുക
നിങ്ങളുടെ ചർമ്മത്തിന് ശ്വസിക്കാൻ ഇടം നൽകുന്ന ഭാരം കുറഞ്ഞ തുണിത്തരങ്ങൾ ധരിക്കാനായി തിരഞ്ഞെടുക്കുക. കഠിനമായ വ്യായാമ വേളയിൽ നിങ്ങളുടെ ശരീരം പെട്ടെന്ന് ചൂടാകുകയും അമിത വിയർപ്പ് അനുഭവപ്പെടുകയും ചെയ്യും അതുകൊണ്ടുതന്നെ ഭാരം കുറഞ്ഞ/അയഞ്ഞ വസ്ത്രങ്ങൾ ധരിക്കുന്നത് നിങ്ങളുടെ ശരീരത്തെ എളുപ്പത്തിൽ തണുപ്പിക്കാൻ സഹായിക്കുകയും ചെയ്യും. വ്യായാമം ചെയ്യുമ്പോഴാണ് ഇത് വളരെ പ്രധാനമായത്. കൂടാതെ, ഒരു അടിവസ്ത്രം ധരിക്കുന്നത് നിങ്ങളുടെ പുറം വസ്ത്രങ്ങളിൽ നിന്ന് വിയർപ്പ് കറ മറയ്ക്കാനും സഹായിക്കും.
മനസ്സ് ശാന്തമാക്കുക
മനസ്സിന് സംതൃപ്തിയും വിശ്രമവും പ്രോത്സാഹിപ്പിക്കുന്ന എൻഡോർഫിൻ ഹോർമോണുകളുടെ പ്രകാശനം ട്രിഗർ ചെയ്യാനായി പതിവായി വ്യായാമം ചെയ്യേണ്ടത് പ്രധാനമാണ്. എയ്‌റോബിക് വ്യായാമങ്ങൾ ചെയ്യുന്നതിലൂടെ സ്ട്രെസ് ഹോർമോണിന്റെ അളവ് കുറയ്ക്കാൻ കഴിയുമെന്ന് കണ്ടെത്തിയിട്ടുണ്ട്. ഇത് നിങ്ങളുടെ ശരീരത്തെ അനായാസമായും സമ്മർദ്ദ രഹിതമായും നിലനിർത്തും. നിങ്ങൾ ആഴ്ചയിൽ 5 ദിവസമെങ്കിലും കുറഞ്ഞത് 30 മിനിറ്റെങ്കിലും എയറോബിക് വ്യായാമം (കാർഡിയോ) പരിശീലിക്കേണ്ടതുണ്ട്.
ഈ ശീലങ്ങൾ വേണ്ട
അമിതാഹാരം മദ്യപാനം, പുകവലി തുടങ്ങിയ ജീവിതശൈലി ദുശ്ശീലങ്ങൾ നിങ്ങളുടെ ശരീരത്തെ പലവിധത്തിൽ പ്രതികൂലമായി ബാധിക്കുകയും നിങ്ങളുടെ വിയർപ്പ് വർദ്ധിപ്പിക്കുകയും ചെയ്യും. അതുകൊണ്ടുതന്നെ ഇവയിലെല്ലാം നിയന്ത്രണം വെയ്ക്കാം.
ഒരു ഡോക്ടറെ സമീപിക്കുക
ഹോർമോൺ മാറ്റങ്ങൾ, തൈറോയ്ഡ് പ്രശ്നങ്ങൾ, ആർത്തവവിരാമം അടുക്കുന്നത്, ചില മരുന്നുകൾ, ഹൈപ്പർഹൈഡ്രോസിസ് തുടങ്ങി എന്തും അമിതമായ വിയർപ്പിന് കാരണമാകാം. നേരത്തെ സൂചിപ്പിച്ചതുപോലെ, നിങ്ങളുടെ ശരീരത്തിന് എന്തെങ്കിലും പ്രശ്നങ്ങൾ പ്രകടമാകുമ്പോൾ അത് സൂചനകളുടെ രൂപത്തിൽ നമുക്ക് കാട്ടിത്തരുകയാണ് ചെയ്യുന്നത്. അതിനർത്ഥം നിങ്ങളുടെ ശരീരത്തിന് സഹായം ആവശ്യമുണ്ട് എന്ന് തന്നെയാണ്. അതിനാൽ തന്നെ ഇത്തരം സന്ദർഭങ്ങളിൽ ആവശ്യമെങ്കിൽ നിങ്ങളുടെ ഡോക്ടറെ സന്ദർശിച്ച് അഭിപ്രായം ചോദിക്കാൻ മടി കാണിക്കരുത്.
