സൂപ്പായാലും പരിപ്പ് കറിയായാലും കറികളായാലും മല്ലിയിലയില്ലാതെ ഇന്ത്യൻ പാചക രീതികൾ ഏതാണ്ട് അപൂർണ്ണമാണ്. മല്ലിയില ചട്ണി നമ്മളിൽ പലരുടെയും എക്കാലത്തെയും പ്രിയപ്പെട്ട വിഭവവുമാണ് അല്ലേ? ഈ പച്ച നിറത്തിലുള്ള സുഗന്ധമുള്ളതുമായ ഇലകൾ വിഭവത്തെ കൂടുതൽ ആകർഷകവും പ്രലോഭിപ്പിക്കുന്നതുമാക്കുക മാത്രമല്ല, ആരോഗ്യകരമാക്കുകയും ചെയ്യുന്നു. അതിനാൽ, ഈ സസ്യം നിങ്ങളുടെ ശരീരത്തിന് എത്രത്തോളം ഗുണം ചെയ്യും എന്നതിനെ കുറിച്ച് നമുക്ക് വിശദമായി ഒന്ന് പരിശോധിക്കാം.
1. രക്തത്തിലെ പഞ്ചസാരയുടെ അളവ് നിയന്ത്രിക്കുന്നു
നിങ്ങൾക്ക് പ്രമേഹസാധ്യതയുണ്ടെങ്കിൽ, നിങ്ങളുടെ ഭക്ഷണത്തിൽ മല്ലിയില ഉൾപ്പെടുത്തുക, അതിലൂടെ നിങ്ങളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ കഴിയും. രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ സഹായിക്കുന്ന സജീവമാക്കിയ എൻസൈമുകൾ മല്ലിയിലയിൽ അടങ്ങിയിട്ടുണ്ടെന്ന് വിവിധ പഠനങ്ങൾ സ്ഥിരീകരിച്ചിട്ടുണ്ട്. അങ്ങനെ, നിങ്ങൾക്ക് പ്രമേഹം നിയന്ത്രിക്കാൻ കഴിയും.
2. ദഹനപ്രക്രിയ എളുപ്പമാക്കുന്നു
മല്ലിയിലയിൽ നാരുകളും ആന്റിഓക്‌സിഡന്റുകളും അടങ്ങിയിട്ടുണ്ട്. ഇത് ദഹനം വർദ്ധിപ്പിക്കുകയും, ഉപാപചയ പ്രവർത്തനങ്ങൾ വർദ്ധിപ്പിക്കുകയും, വയറുവേദനയും മലബന്ധവും നിയന്ത്രിക്കാൻ നിങ്ങളെ സഹായിക്കുകയും ചെയ്യുന്നു. ഇത് നിങ്ങൾക്ക് വയർ നിറഞ്ഞു എന്ന് അനുഭവപ്പെടുത്തുകയും അമിതമായി ഭക്ഷണം കഴിക്കുന്നത് തടയുകയും കുടലിന്റെ ആരോഗ്യം നിലനിർത്തുകയും ചെയ്യുന്നു.
3. സമ്മർദ്ദം നിയന്ത്രിക്കുന്നു
ഈ മാന്ത്രിക ഇലകൾക്ക് നിങ്ങളുടെ സമ്മർദ്ദം കുറയ്ക്കാനും കഴിയും. മല്ലിയില ദഹനം എളുപ്പമാക്കുകയും ശരീരത്തിലെ ശാരീരിക സമ്മർദ്ദം കുറയ്ക്കുകയും ചെയ്യുന്നു. ഈ ഇലകൾ ദഹനവ്യവസ്ഥയെ വൃത്തിയുള്ളതും ആരോഗ്യകരവുമാക്കുകയും ഓക്സിഡേറ്റീവ് സമ്മർദ്ദം കുറയ്ക്കുകയും ചെയ്യുന്നത് കൊണ്ട് മാനസികാവസ്ഥ വർദ്ധിപ്പിക്കുന്നു.
4. ഇത് ഹൃദയാരോഗ്യം വർദ്ധിപ്പിക്കുന്നു
മല്ലിയില ഹൃദയാരോഗ്യത്തിന് യോജിച്ച ഭക്ഷണമാണ്! ഇത് ഒരു ഡൈയൂററ്റിക് ആയി കണക്കാക്കപ്പെടുന്നുവെന്നും രക്തസമ്മർദ്ദം കുറയ്ക്കുന്നതിലൂടെ ശരീരത്തിൽ നിന്ന് അധിക സോഡിയം പുറന്തള്ളുമെന്നും ആരോഗ്യ വിദഗ്ധർ പറയുന്നു. മാത്രമല്ല, ആന്റിഓക്‌സിഡന്റുകളാലും നാരുകളാലും സമ്പുഷ്ടമായതിനാൽ ഇത് ഹൃദ്രോഗ സാധ്യത കുറയ്ക്കുകയും കൊളസ്‌ട്രോളിന്റെ അളവ് നിയന്ത്രിക്കുകയും ചെയ്യുന്നു.
5. ഇത് രോഗപ്രതിരോധ സംവിധാനത്തെ ശക്തിപ്പെടുത്തുന്നു
മല്ലിയിലയിൽ ടെർപിനീൻ, ക്വെർസെറ്റിൻ, ടോക്കോഫെറോൾ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് കോശങ്ങളുടെ നാശത്തിനെതിരെ പോരാടുകയും നിങ്ങളുടെ രോഗപ്രതിരോധ സംവിധാനത്തെ ശക്തിപ്പെടുത്തുകയും ചെയ്യുന്നു. ഗവേഷണ പ്രകാരം, ഈ ആന്റിഓക്‌സിഡന്റുകൾ വീക്കം കുറയ്ക്കുകയും കാൻസർ വിരുദ്ധ ഫലങ്ങളും ന്യൂറോപ്രൊട്ടക്റ്റീവ് ഫലങ്ങളും ഉണ്ടാക്കുകയും ചെയ്യുന്നു.
6. കണ്ണുകൾക്ക് നല്ലത്
മല്ലിയിലയിൽ വിറ്റാമിൻ എ, വിറ്റാമിൻ സി, വിറ്റാമിൻ ഇ, കരോട്ടിനോയിഡുകൾ എന്നിവ അടങ്ങിയിട്ടുണ്ട്, ഇത് നിങ്ങളുടെ കാഴ്ചയെ കേടുകൂടാതെയിരിക്കുകയും പ്രായവുമായി ബന്ധപ്പെട്ട മാക്യുലർ ഡീജനറേറ്റീവ് പ്രശ്നങ്ങൾ വൈകിപ്പിക്കുകയും ചെയ്യുന്നു. അങ്ങിനെ കണ്ണുകളുടെ ആരോഗ്യം ഫലപ്രദമായി സംരക്ഷിക്കുന്നു.
7. ഇത് എല്ലുകളുടെ ആരോഗ്യം മെച്ചപ്പെടുത്തുന്നു
കാൽസ്യം, ഫോസ്ഫറസ്, മഗ്നീഷ്യം തുടങ്ങിയ സുപ്രധാന ധാതുക്കൾ മല്ലിയിലുണ്ട്, ഇത് എല്ലുകളുടെ സാന്ദ്രത വർദ്ധിപ്പിക്കുകയും സന്ധികളുടെ വേദനയിൽ നിന്ന് നിങ്ങളെ സംരക്ഷിക്കുകയും ചെയ്യും. അതിനാൽ നിങ്ങൾക്ക് ശക്തമായ അസ്ഥികൾ വേണമെങ്കിൽ, അത് നിങ്ങൾക്ക് കഴിക്കാവുന്ന ഏറ്റവും ഉത്തമം ഭക്ഷണമാണ്.
മല്ലിയില കഴിക്കാനുള്ള വഴികൾ
ദിവസവും ഭക്ഷണത്തിൽ മല്ലിയില ഉൾപ്പെടുത്തണം. നിങ്ങളുടെ സൂപ്പ്, സബ്ജി, പരിപ്പ് കറി, സാലഡ് അല്ലെങ്കിൽ സാമ്പാർ എന്നിങ്ങനെ പല വിഭവങ്ങളിലും മല്ലിയില ചേർത്ത് കൊണ്ട് അലങ്കരിക്കാം. കൂടാതെ, വിദഗ്ധർ നിർദേശിക്കുന്നതു പോലെ, നിങ്ങൾക്ക് മല്ലിയിലെ ചേർത്ത് ചോറ് ഉണ്ടാക്കാം, അച്ചാറുകൾ, കറികൾ, പാൻകേക്കുകൾ, ചട്ണികൾ, സോസുകൾ എന്നിവയിൽ മല്ലി ഉപയോഗിക്കാം. ഇതാ മറ്റൊരു നിർദ്ദേശം – മല്ലി വെള്ളമോ ജ്യൂസോ കുടിക്കാൻ ശ്രമിക്കുക. ഇതും ശരീരത്തിന് അത്യുത്തമമാണ്.
