രാത്രി സുഖമായുറങ്ങാൻ ഇതാ ഒരു ഉഗ്രൻ ഒറ്റമൂലി!

എല്ലാം മറന്ന് ഏറ്റവും സുഖപ്രദമായുറങ്ങാൻ കൊതിയാകുന്നോ? നന്നായി ഉറങ്ങാൻ കഴിയാത്തവർക്ക് ഒരു ദിവസമെങ്കിലും സുഖമായി ഉറങ്ങുക എന്നതാകും ഏറ്റവും വലിയ ആഗ്രഹം. പല വഴികളും പരീക്ഷിച്ചിട്ടും ശാന്തമായി ഒന്നുറങ്ങാൻ സാധിക്കാതെ ചികിത്സ തേടുന്നവർ വരെ നമുക്ക് ചുറ്റുമുണ്ട്. ഉറക്കം നഷ്ടപ്പെടുന്നതിന്റെ കാരണങ്ങൾ എന്ത് തന്നെയായാലും നന്നായി ഉറങ്ങാൻ ചില ഒറ്റമൂലികൾ ഉണ്ട്. അതിലൊന്ന് വളരെ എളുപ്പത്തിൽ തയ്യാറാക്കാവുന്നതും ഏറെ ഫലപ്രദവുമാണ്. അങ്ങനൊരു ഒറ്റമൂലി പരിചയപ്പെടാം.

സെലിബ്രിറ്റി ന്യൂട്രീഷണിസ്റ്റായ റുജുത ദിവേകർ ആണ് ഈ വിദ്യ തന്റെ ഇൻസ്റ്റാഗ്രാം അക്കൗണ്ടിലൂടെ പരിചയപ്പെടുത്തിയിരിക്കുന്നത്.

പാലും അണ്ടിപ്പരിപ്പും:
അണ്ടിപ്പരിപ്പ് ചേർത്ത പാൽ ഒരു മികച്ച ഒറ്റമൂലിയാണ്. രാത്രി കിടക്കുന്നതിന് മുൻപ് ഇത് കഴിച്ചു കിടന്നാൽ സുഖമായി തന്നെ ഉറങ്ങാം. എന്നാൽ ശരിയായ രീതിയിൽ തയ്യാറാക്കി കഴിക്കണം എന്ന് മാത്രം. എങ്ങനെയാണ് ഇത് തയ്യാറാക്കേണ്ടത് എന്ന് നോക്കാം.

ചെയ്യേണ്ടത് ഇത്രമാത്രം
* ഇതിനായി ആദ്യം നാലോ അഞ്ചോ അണ്ടിപരിപ്പുകൾ പാലിൽ കുതിർത്തി വെയ്ക്കണം.

* 5 മണിക്കൂർ കഴിഞ്ഞ ശേഷം ഈ അണ്ടിപ്പരിപ്പ് പാലിൽ നിന്ന് മാറ്റി ചതച്ചെടുക്കണം.

* ഇനി ചതച്ചെടുത്ത അണ്ടിപ്പരിപ്പ് പാലിൽ ചേർത്ത് തിളപ്പിയ്ക്കാം. ആവശ്യമെങ്കിൽ മധുരത്തിനായി അല്പം പഞ്ചസാര ചേർക്കാം. പഞ്ചസാര ചേർക്കാതിര്യ്ക്കുന്നതാണ് കൂടുതൽ നല്ലത്.

കിടക്കുന്നതിന് മുൻപ് പതിവായി ഈ പാൽ കുടിച്ചു നോക്കൂ. ആഴത്തിലുള്ള ഉറക്കം നിങ്ങളുടെ കണ്ണുകളിലേയ്ക്ക് എത്തും. ഉറക്കം നഷ്ടപ്പെടുന്നു എന്ന് തോന്നുന്ന സമയങ്ങളിൽ എല്ലാം ഈ രീതി പരീക്ഷിച്ചോളൂ.