പുരാതന കാലത്ത്, ഇന്ത്യക്കാർ ചില സസ്യങ്ങളുടെയും മരങ്ങളുടെയും ചില്ലകൾ പൊട്ടിച്ചെടുത്ത് അവ പല്ല് തേക്കാനുള്ള ബ്രഷുകളായി ഉപയോഗിച്ചിരുന്നു എന്ന് നമുക്ക് അറിയാം. ഈ പാരമ്പര്യം ഇപ്പോഴും പല സ്ഥലങ്ങളിലും ആളുകൾ പിന്തുടരുന്നുമുണ്ട്. പഴയ കാലത്തെ ബ്രഷിംഗ് രീതികൾ പിന്തുടരുന്ന ആളുകളുടെ വായുടെ ശുചിത്വം ഇന്ന് ടൂത്ത് പേസ്റ്റും ടൂത്ത് ബ്രഷും ഉപയോഗിക്കുന്ന ആളുകളുടെ വായിലെ ശുചിത്വവുമായി താരതമ്യം ചെയ്താൽ വലിയ വ്യത്യാസം കാണാനാകും എന്നാണ് പഠനങ്ങൾ പറയുന്നത്. പല്ലുകൾ വൃത്തിയാക്കാൻ ചില മരത്തിെൻറ ചില്ലകൾ ഉപയോഗിക്കുന്ന ആളുകളിൽ ദന്ത ക്ഷയരോഗങ്ങൾ സാധാരണയായി കുറവാണ് എന്നും പഠനം പറയുന്നു. എന്താണ് വായും പല്ലുകളും ശുചിയാക്കി ഉറപ്പോടെ നിർത്തുന്ന ആ പരമ്പരാഗത രീതിയുടെ പ്രത്യേകതകൾ എന്ന് നോക്കാം.
പുരാതന കാലത്ത് എല്ലാവരും സ്ഥിരമായി പല്ലുകൾ വൃത്തിയാക്കാൻ ഏറ്റവും സാധാരണയായി ഉപയോഗിച്ചിരുന്ന മാർഗ്ഗം മരങ്ങളുടെ ചില്ലകൾ ഉപയോഗിക്കുക എന്നതു തന്നെയായിരുന്നു. പല്ലുകൾ വൃത്തിയാക്കാനും ആരോഗ്യമുള്ളതാക്കാനും ആവശ്യമായ ഒൗഷധഗുണങ്ങൾ ചില്ലകളിൽ തന്നെ ഉള്ളതിനാൽ ഇവിടെ പ്രത്യേക ടൂത്ത് പേസ്റ്റ് എന്നത് ആവശ്യമില്ല. ചില്ലകളുടെ അരികുകൾ ചവക്കുന്നുത് പല്ലിൻറെ അരികുകളും മറ്റും കൂടുതൽ ബലമുള്ളതാക്കാനും സഹായിക്കും.
അനുയോജ്യമായ ചില്ലകൾ എങ്ങനെ തിരഞ്ഞെടുക്കാം?
കുറച്ച് കയ്പുള്ള, കടുപ്പമുള്ള, അല്ലെങ്കിൽ അൽപ്പം ചവർേപ്പാ മറ്റോ രുചിയുള്ള ചെടികളിൽ നിന്ന് ചില്ലകൾ തിരഞ്ഞെടുക്കുകയാണ് ഇതിനായി ചെയ്തിരുന്നത്. കയ്പ് അല്ലെങ്കിൽ ചവർപ്പ് രുചികളുള്ള സസ്യങ്ങൾക്ക് പച്ചമരുന്നുകളുടെ ആൻറിമൈക്രോബയൽ ഗുണങ്ങളും ഉണ്ട്. ഇത് വായുടെ ശുചിത്വം നിലനിർത്താൻ നിങ്ങളെ സഹായിക്കും. വായ് നാറ്റം, അനോറെക്സിയ എന്നിവയ്ക്കെതിരെയും രുചി മുകുളങ്ങളെ ഉണർത്തുന്നതിനും ഇവ സഹായിക്കും. അതിനാൽ ഇത്തരത്തിലുള്ള സ്യങ്ങൾ വേണം തെരഞ്ഞെടുക്കാൻ. അത്യാവശ്യം രൂക്ഷമായ രുചിയുള്ള സസ്യങ്ങൾ ഉമിനീർ മെച്ചപ്പെടുത്താനും വായിൽ നിന്ന് വിഷവസ്തുക്കളെ പുറന്തള്ളാനും സഹായിക്കും. സുഖകരമല്ലാത്ത രുചിയുള്ള പച്ചമരുന്നുകൾ മോണയിലെ മുറിവുകളും അൾസറും എല്ലാം സുഖപ്പെടുത്തും. മാത്രമല്ല, വായ്നാറ്റത്തെ ചെറുക്കാനും ഇത് സഹായിക്കും. ഹെർബൽ ടൂത്ത് പേസ്റ്റുകൾ എത്രത്തോളം ഫലപ്രദമാണ്?
ചില്ലകൊണ്ടുള്ള ടൂത്ത് ബ്രഷുകളുടെ അതേ ഗുണങ്ങൾ വാഗ്ദാനം ചെയ്യുന്ന നിരവധി ഹെർബൽ ടൂത്ത് പേസ്റ്റുകൾ വിപണിയിൽ ലഭ്യമാണ്. ഈ ടൂത്ത് പേസ്റ്റുകൾ മിക്കതും മറ്റ് രാസവസ്തുക്കൾ ഉപയോഗിച്ച് നിർമിച്ച ടൂത്ത് പേസ്റ്റുകളേക്കാൾ മികച്ചതാണ് എന്ന കാര്യത്തിൽ സംശയം വേണ്ട. ഇവ വായിലെ ദുർഗന്ധം അകറ്റാനും നിങ്ങളെ സഹായിക്കും.
ശരിയായ പല്ലുതേക്കൽ എങ്ങനെ?
-കുറഞ്ഞത് രണ്ട് മിനിറ്റെങ്കിലും ശരിയായി പല്ല് തേക്കണം.
-പതിയെ, സൗമ്യമായി വേണം പല്ലു തേക്കാൻ എന്ന കാര്യം ഒാർമ വേണം.
-നിങ്ങളുടെ പല്ലുകൾക്കിടയിലുള്ള വിടവുകൾ ശരിയായി വൃത്തിയാക്കുക.
-പല്ലിന് പുറമെ ഉപരിതലത്തിൽ ബ്രഷ് ചെയ്യുമ്പോൾ, നിങ്ങളുടെ ബ്രഷ് 45 ഡിഗ്രി കോണിൽ ആയിരിക്കണം.
-നേരെ മാത്രം പല്ലു തേക്കുന്ന രീതി ഒഴിവാക്കി വൃത്താകൃതിയിൽ പല്ലു തേക്കാൻ ശ്രദ്ധിക്കണം.
-അറ്റത്ത് കിടക്കുന്ന പല്ലുകളിലും മോണയിലും പ്രത്യേകം ശ്രദ്ധ നൽകാൻ ശ്രദ്ധ വേണം.
നാവു വടിക്കുന്നതിലുമുണ്ട് നിരവധി കാര്യങ്ങൾ:
പല്ല് വൃത്തിയാക്കി കഴിഞ്ഞ ഉടൻ തന്നെ നാവ് വടിച്ച് വൃത്തിയാക്കാനും ആയുർവേദം ശുപാർശ ചെയ്യുന്നുണ്ട്. ഈ ദൈനംദിന പരിശീലനം ശാരീരികവും മാനസികവും ആത്മീയവുമായ ആരോഗ്യവും നില നിർത്തുകയും വായുടെ ശുചിത്വം നിലനിർത്തുകയും ചെയ്യും. വായ് നാറ്റം ഒഴിവാക്കാനും ഇതുമൂലം സാധിക്കും. നാവ് വടിച്ച് വൃത്തിയാക്കുന്നത് അഴുക്ക് നീക്കാൻ സഹായിക്കും. ദുർഗന്ധവും രുചിയില്ലായ്മയും ഇല്ലാതാക്കുന്നതിനും ഇത് സഹായിക്കും എന്ന് ചരക സംഹിതയിൽ പരാമർശിച്ചിട്ടുണ്ട്. ഇത് നിങ്ങളുടെ വായ് പുതുമയോടെ നില നിർത്തും. സ്ക്രാപ്പിംഗ് മൂലം നാവിലെ റിഫ്ലെക്സ് പോയിൻറുകൾ ഉത്തേജിപ്പിക്കപ്പെടുകയും ദഹന എൻസൈമുകളുടെ ഉദ്പാദനം മെച്ചപ്പെടുത്തുകയും ചെയ്യും.
അത്യാവശ്യം ഉരയോടു കൂടിയുള്ള അരികു വേണം ഇതിനായി തിരഞ്ഞെടുക്കാൻ. സ്വർണ്ണം, വെള്ളി, ടിൻ, ചെമ്പ് തുടങ്ങിയ ലോഹങ്ങൾ കൊണ്ട് നിർമ്മിച്ച സ്ക്രാപ്പറുകൾ ഉപയോഗിക്കാൻ ആയുർവേദം ശുപാർശ ചെയ്യുന്നുണ്ട്. ആയുർവേദം നിങ്ങളുടെ ശരീരത്തിെൻറ തരം അടിസ്ഥാനമാക്കിയുള്ള പ്രത്യേക മെറ്റൽ സ്ക്രാപ്പറുകൾ വിപണിയിൽ ലഭ്യമാണ്. ഇത് കൂടുതൽ ഉപകാരപ്പെടും.
-നിങ്ങളുടെ ശരീര തരം പിത്ത സ്വഭാവത്തിൽ ആണെങ്കിൽ, നിങ്ങൾ ഒരു സിൽവർ സ്ക്രാപ്പർ ഉപയോഗിക്കണം.
– ശരീര തരം ‘വാത വിഭാഗത്തിൽ ആണെങ്കിൽ, നിങ്ങൾ ഒരു ഗോൾഡൻ സ്ക്രാപ്പർ ഉപയോഗിക്കണം.
-നിങ്ങളുടെ ശരീര തരം കഫ വിഭാഗത്തിൽ ആണെങ്കിൽ, നിങ്ങൾ ഒരു കോപ്പർ സ്ക്രാപ്പർ ഉപയോഗിക്കണം.
ഇനി വായുടെ ശുചിത്വവും ആരോഗ്യവും മനസിൽ വരുേമ്പാൾ ആയുർവേദത്തിെൽ ഈ ശീലങ്ങൾ ഓർമ്മയിലിരിക്കട്ടെ!
