ഒരാൾ നേരിടുന്ന ഏറ്റവും വലിയ പ്രശ്നങ്ങളിൽ ഒന്നാണ് അന്ധത. ലോകത്ത് കോടിക്കണക്കിന് ആളുകൾ കാഴ്ചാ സംബന്ധമായ പ്രയാസങ്ങൾ അനുഭവിക്കുന്നു എന്നതാണ് പഠനങ്ങൾ സൂചിപ്പിയ്ക്കുന്നത്. കോവിഡ് കാലത്ത് ചെറിയ കുട്ടികളുൾപ്പെടെ എല്ലാവരും തന്നെ കൂടുതൽ സമയം മൊബൈൽ ഫോണിലും ലാപ്ടോപ്പിന് മുൻപിലും കുത്തിയിരുന്ന് പഠനം, ജോലി എന്നിവ നടത്തുമ്പോൾ മറുവശത്ത് നഷ്ടമായിക്കൊണ്ടിരിയ്ക്കുകയാണ്.
കാരണങ്ങൾ
വിറ്റാമിൻ A യുടെ കുറവ്, ജന്മനായുള്ള ഗ്ലോക്കോമ, തിമിരം, പൂർണവളർച്ചയെത്തുന്നതിനു മുൻപ് ജനിക്കുന്ന കുട്ടികളിൽ കണ്ടുവരുന്ന റെറ്റിനോപ്പതി ഓഫ് പ്രിമിച്ചുറിറ്റി, കണ്ണിൽ അണുബാധ, കന്നിലുണ്ടാകുന്ന മുറിവുകൾ എന്നിവയെല്ലാം കാഴ്ച നഷ്ടമാകുന്നതിന് കാരണമാകും.
നേരത്തെ കണ്ടെത്തിയാൽ ഗുണം:
കണ്ണുകളുമായി ബന്ധപ്പെട്ട പ്രശ്നങ്ങൾ നേരത്തെ തന്നെ കണ്ടെത്തുകയാണെങ്കിൽ കൃത്യമായ ചികിത്സ നൽകി കണ്ണുകളെ ആരോഗ്യകരമായി സംരക്ഷിയ്ക്കാൻ സാധിയ്ക്കും. എന്നാൽ കാഴ്ചയുമായി ബന്ധപ്പെട്ട ചെറിയ പ്രശ്നങ്ങൾ കണ്ടു തുടങ്ങുമ്പോൾ അതിനെ പൂർണമായും അവഗണിയ്ക്കുന്നത് സ്ഥിരമായ കാഴ്ച്ചയില്ലായ്മയിലെയ്ക്ക് നയിച്ചേക്കാം.
കണ്ണുകളെ കാക്കാൻ ഇവ ശ്രദ്ധിക്കാം:
> 40 വയസ് കഴിഞ്ഞാൽ നിശ്ചിത ഇടവേളകളിൽ കണ്ണുകൾ പരിശോധിക്കണം
> മൊബൈൽ ,കമ്പ്യൂട്ടർ സ്ക്രീനുകളിലെയ്ക്ക് കൂടുതൽ സമയം നോക്കേണ്ട സാഹചര്യമുണ്ടെങ്കിൽ ഓരോ 20 മിനിറ്റ് ന് ശേഷവും ചെറിയ ഇടവേളകൾ എടുക്കുക. അൽപനേരം പ്രകൃതി ഭാങ്ങിയിലെയ്ക്ക് കണ്ണുകളെ മാറ്റുന്നത് ഗുണം ചെയ്യും.
> രാത്രി ഉറങ്ങുന്നതിന് തൊട്ട് മുൻപും രാവിലെ ഉണർന്ന ഉടനെയും മൊബൈൽ ഫോണിൽ നോക്കുന്ന ശീലം മിക്കവർക്കുമുണ്ട്‌. എന്നാൽ ഈ ശീലം നിങ്ങളുടെ കണ്ണുകളെ തീർച്ചയായും ദോഷകരമായി ബാധിക്കും. അതിനാൽ ഉറങ്ങുന്നതിന് തൊട്ടു മുൻപുള്ള 15 മിനിറ്റ് സമയമെങ്കിലും കണ്ണുകൾ മറ്റ് കാഴ്ച്ചകളിലേയ്ക്ക് മാറ്റാനായി ശ്രമിയ്ക്കണം
> കടുത്ത വെയിൽ കൊള്ളുന്ന സാഹചര്യങ്ങളിൽ, പ്രത്യേകിച്ച് ഇരുചക്ര വാഹനം ഓടിയ്ക്കുന്ന സമയത്ത് സൺ ഗ്ലാസുകൾ നിർബന്ധമായി ധരിയ്ക്കാൻ ശ്രദ്ധിക്കണം.
> അഴുക്ക് പുരണ്ട കൈകൾ ഉപയോഗിച്ച് കണ്ണുകൾ സ്പര്ശിക്കാതിരിയ്ക്കാൻ പ്രത്യേകം ശ്രദ്ധിയ്ക്കുക.
> കണ്ണുകളിൽ തൊടുന്നതിനു മുൻപ് നിർബന്ധമായും കൈകൾ വൃത്തിയായി കഴുകാൻ ശ്രദ്ധിക്കണം. നമുക്ക് കാണാൻ കഴിയാത്ത അണുക്കൾ കൈകളിൽ ഉണ്ടാകും. സോപ്പ് ഉപയോഗിച്ച് കഴുകി വൃത്തിയാക്കിയാൽ മാത്രമേ ഈ സാഹചര്യത്തെ മറികടക്കാൻ കഴിയൂ.
> കുട്ടികൾ കാഴ്ചാ സംബന്ധമായ എന്തെങ്കിലും അസ്വസ്ഥതകൾ പ്രകടിപ്പിക്കുകയാണെങ്കിൽ ആവശ്യമായ പരിശോധനകൾ കൃത്യ സമയത്ത് തന്നെ നടത്താനായി ശ്രദ്ധിക്കണം.
കണ്ണുകളുടെ ആരോഗ്യത്തിനായി ഇവ കഴിക്കാം:
കണ്ണുകളുടെ ആരോഗ്യവും കാഴ്ച ശക്തിയുമെല്ലാം ഒരു പരിധി വരെ നമ്മുടെ ഭക്ഷണരീതിയുമായി ബന്ധപ്പെട്ടിരിയ്ക്കുന്നു. കണ്ണുകൾക്ക് ആവശ്യമായ വിറ്റാമിനുകളും മിനറലുകളും നൽകുന്ന ഭക്ഷണങ്ങൾ പതിവായി കഴിക്കുകയാണെങ്കിൽ നിങ്ങളുടെ കണ്ണുകളെ എപ്പോഴും ആരോഗ്യത്തോടെ നിലനിർത്താൻ സാധിക്കും. അതിനായി ഈ ഭക്ഷണങ്ങൾ ശീലമാക്കിക്കോളൂ..
ഇലക്കറികൾ:സിസാന്തിൻ, ല്യൂട്ടിൻ തുടങ്ങിയ ആൻറി ഒക്സിടന്റുകൾ ധാരാളം അടങ്ങിയതാണ് ഇലക്കറികൾ. ഇവ കഴിക്കുന്നത് നിങ്ങളുടെ കണ്ണുകളെ മെച്ചപ്പെടുത്തും.
ക്യരറ്റ്:
കണ്ണുകളുടെ ആരോഗ്യത്തിന് അത്യാവശ്യമായ ചില ജീവകങ്ങൾ അത്യന്താപേക്ഷിതമാണ്, അവയിൽ പ്രധാനമാണ് വിറ്റാമിൻ A. ക്യാരറ്റിൽ വിറ്റാമിൻ A യും ബീറ്റാ കരോട്ടിനും ധാരാളമായി അടങ്ങിയിട്ടുണ്ട്. ക്യാരറ്റിന് ഓറഞ്ചു നിറം നൽകുന്നത് ബീറ്റാ കരോട്ടിൻ ആണ്.
വിറ്റാമിൻ C പഴങ്ങൾ: വിറ്റാമിൻ C ധാരാളമടങ്ങിയ പഴങ്ങളായ ഓറഞ്ച് , നാരങ്ങ, മുസംബി, സ്ട്രോബറി, ബ്ലൂബെറി തുടങ്ങിയവയെല്ലാം കണ്ണുകളുടെ ആരോഗ്യത്തിന് ഏറെ ഗുണം നൽകുന്നതാണ്. ഇവയിലേതെങ്കിലും ഒന്ന് ദിവസവും ഭക്ഷണത്തിൽ ഉൾപ്പെടുത്തുന്നത് ഏറെ നല്ലതാണ്.
ബ്രൊക്കോളി:കണ്ണുകൾക്ക് ആവശ്യമായ വിറ്റാമിൻ C, സിസാന്തിൻ, ല്യൂട്ടിൻ തുടങ്ങിയവ ധാരാളമായി അടങ്ങിയതാണ് ബ്രൊക്കോളി, കോളിഫ്ലവർ , ക്യാബേജ് എന്നിവ.
മത്സ്യം:മത്തി, അയല , ട്യൂണ തുടങ്ങിയ ആഴക്കടൽ മത്സ്യങ്ങൾ ആഴ്ചയിൽ ഒരിക്കെങ്കിലും കഴിക്കുന്നത് നേത്രരോഗങ്ങളെ തടഞ്ഞു നിർത്തും. ഇവയിൽ ധാരാളം ഒമേഗ 3 ഫാറ്റി ആസിഡ് അടങ്ങിയിട്ടുണ്ട്.
മുട്ട:ല്യൂട്ടിൻ, സിസാന്തിൻ എന്നിവയ്ക്ക് പുറമേ സിങ്ക് കൂടി അടങ്ങിയ ഭക്ഷണമാണ് മുട്ട. നിശ്ചിത അളവിൽ മുട്ട കഴിക്കുന്നത് കണ്ണുകളുടെ ആരോഗ്യം നിലനിർത്തി മികച്ച കാഴ്ച പ്രധാനം ചെയ്യും.
ബദാം:ദിവസവും നാലോ അഞ്ചോ ബദാം കുതിർത്തു കഴിക്കുന്നത് കണ്ണുകളുടെ ആരോഗ്യത്തിന് ഗുണകരമാണ്. വിറ്റാമിൻ E ധാരാളമായി അടങ്ങിയതിനാൽ ഇത് കാഴ്ച ശക്തിയെ മെച്ചപ്പെടുത്താൻ സഹായിക്കും.
