അലർജി മാറാൻ മികച്ച പ്രതിവിധി
ചുമ അകറ്റാനും അലർജി ലക്ഷണങ്ങൾ കുറയ്ക്കാനും സഹായിക്കുന്ന ആന്റി-ഇൻഫ്ലമേറ്ററി ഗുണങ്ങൾ തേനിൽ ധാരാളമായി കാണപ്പെടുന്നു. തേൻ ഒരു പ്രകൃതിദത്തമായ വാക്സിൻ പല ആരോഗ്യ വിദഗ്ധരും പറയുന്നു. ഇത് ശരീരത്തിലെ അലർജികളെ പ്രതിരോധിക്കും. തേനിന്റെ ഏറ്റവും മികച്ച ഔഷധ ഫലങ്ങളിൽ ഒന്നാണിത്. അതുകൊണ്ടു തന്നെ എല്ലാ ദിവസവും രാവിലെ ഇളം ചൂടുള്ള വെള്ളത്തിൽ തേൻ ചേർത്തു കുടിക്കാം!
ഓർമ്മശക്തിക്ക് തേൻ
തലച്ചോറിനുള്ളിലെ സെല്ലുലാർ കേടുപാടുകൾ തടയുന്ന ആന്റി ഓക്‌സിഡന്റ് ഗുണങ്ങളാൽ സമ്പന്നമാണ് തേൻ. ആർത്തവവിരാമത്തിനു ശേഷം സ്ത്രീകളുടെ ഓർമ്മശക്തി വർദ്ധിപ്പിക്കാൻ ഒരു സ്പൂൺ മലേഷ്യൻ തേൻ സഹായിക്കുമെന്ന് ചില പഠനങ്ങൾ വെളിപ്പെടുത്തിയിട്ടുണ്ട്. നിങ്ങളുടെ ചിന്തകളും തീരുമാനമെടുക്കലുകളുമെല്ലാം മികച്ചതാക്കാൻ നിങ്ങളുടെ തലച്ചോറിന് കാൽസ്യം ആവശ്യമാണ്, തേൻ നിങ്ങളുടെ ശരീരത്തിൽ ആവശ്യത്തിന് കാൽസ്യം ആഗിരണം ചെയ്യാൻ സഹായിക്കുന്നു! ഒരു പ്രായം എത്തിക്കഴിയുമ്പോൾ ഡിമെൻഷ്യ വരാനുള്ള സാധ്യതയെ അകറ്റാനും തേൻ സഹായിക്കും.
തേൻ നൽകും രോഗശാന്തി ഗുണങ്ങൾ
അടുക്കളയിലെ ആൻറിബയോട്ടിക് ആണ് തേൻ. പൊള്ളലേറ്റ മുറിവുകളെ അണുവിമുക്തമാക്കാനും ചികിത്സിക്കാനും തേൻ ഉപയോഗിക്കാം. പൊള്ളൽ ബാധിച്ച ശരീരഭാഗത്ത് അല്പം തേൻ പുരട്ടിയാൽ മതിയാകും. തേനിന്റെ രോഗശാന്തി ഗുണങ്ങൾ നിങ്ങളുടെ വേദന കുറയ്ക്കുകയും മുറിവിനെ വേഗത്തിൽ ഉണക്കാൻ സഹായിക്കുകയും ചെയ്യുന്നു.
ഭാരം കുറയ്ക്കാൻ
ഉറങ്ങുന്നതിനു മുൻപ് തേൻ കുടിക്കുന്ന ശീലം ഉണ്ടാക്കിഎടുക്കുന്നത് മധുരപലഹാരങ്ങളോടുള്ള ആസക്തി കുറയ്ക്കാൻ സഹായിക്കും എന്ന് കണ്ടെത്തിയിരുന്നു. ശരീരത്തിൽ കൊഴുപ്പ് അടിഞ്ഞുകൂടുന്നത് കുറയ്ക്കാനുള്ള ഏറ്റവും നല്ല മാർഗമാണ് തേൻ.
താരൻ അകറ്റാൻ തേൻ
താരൻ അകറ്റാൻ സഹായിക്കുന്നതോടൊപ്പം തേൻ തലയോട്ടിയിലെ ചൊറിച്ചിൽ കുറയ്ക്കുകയും മുടി കൊഴിച്ചിൽ തടയാൻ സഹായിക്കുകയും ചെയ്യുന്നു. അല്പം ചെറുചൂടുള്ള വെള്ളത്തിൽ തേൻ ചേർത്ത് തലയോട്ടിയിൽ പുരട്ടി മൂന്ന് മണിക്കൂർ വിടുക. നിങ്ങൾക്ക് മുടികൊഴിച്ചിലുണ്ടെങ്കിൽ, മുടിയുടെ ആരോഗ്യത്തെ സംരക്ഷിച്ചു കൊണ്ട് മുടി വളർച്ചയെ പ്രോത്സാഹിപ്പിക്കാനും തേൻ സഹായിക്കും.
കൂടുതൽ ഉന്മേഷത്തിനും ഊർജ്ജത്തിനും
തേൻ ഒരു പ്രകൃതിദത്ത എനർജി ബൂസ്റ്റർ കൂടിയാണ് എന്ന കാര്യം പലർക്കും അറിയില്ല. തേനിൽ അടങ്ങിയ ഫ്രക്ടോസും ഗ്ലൂക്കോസുമെല്ലാം നിങ്ങളുടെ രക്തപ്രവാഹത്തിൽ നേരിട്ട് പ്രവേശിച്ച് നിങ്ങൾക്ക് ഊർജ്ജം നൽകുന്നു. അതിരാവിലെ കുട്ടികൾക്ക് നൽകുന്ന ഒരു ചെറിയ ടേബിൾ സ്പൂൺ തേൻ തങ്ങളുടെ ആ ദിവസത്തെ ഏറ്റവും നന്നായി കൈകാര്യം ചെയ്യാൻ അവരെ സഹായിക്കും. വ്യായാമ സെഷൻ കഴിഞ്ഞശേഷം ഒരു ടീസ്പൂൺ തേൻ കഴിച്ച് നോക്കൂ.
നന്നായി ഉറങ്ങാൻ
മോശം ഉറക്കം, ഉറക്കമില്ലായ്മ തുടങ്ങിടെ പ്രശ്നങ്ങൾ അനുഭവിക്കുന്നവർ ആണ് നിങ്ങളെങ്കിൽ ഇതിനുള്ള പരിഹാരം തേൻ നൽകും. ഒരു ഗ്ലാസ്സ് ചൂട് പാലിൽ ഒരു സ്പൂൺ തേൻ ചേർത്തു കുടിച്ചാൽ ഉറക്കമില്ലായ്മയുടെ എല്ലാ പ്രശ്നങ്ങളും മാറിക്കിട്ടും.
തൊണ്ടവേദനയ്ക്ക് പരിഹാരം
കാലാവസ്ഥ മാറുന്നതിനനുസരിച്ച് പല ആളുകൾക്കും തൊണ്ടയിൽ അസ്വസ്ഥതകളും വേദനകളും ഉണ്ടാകാറുണ്ട്. ഇത്തരം അവസരങ്ങളിൽ തേൻ ശീലമാക്കിയാൽ ഏറ്റവും എളുപ്പത്തിൽ തന്നെ ഇതിൻറെ പ്രശ്നങ്ങളെ തടയാനാവും. ശുദ്ധമായ രണ്ടു സ്പൂൺ തേൻ നേരിട്ട് കഴിക്കുകയോ അല്ലെങ്കിൽ ചായയോടൊപ്പം കലർത്തി കുടിക്കുകയോ ചെയ്താൽ എളുപ്പത്തിൽ പരിഹാരം ലഭിക്കും. ഒരു ടേബിൾ സ്പൂൺ തേൻ ചേർത്ത നാരങ്ങാ വെള്ളം കുടിക്കുന്നതും വളരെ ഫലപ്രദമാണ്.
