കസ്റ്റാർഡ് ആപ്പിളിന്റെ ഗുണങ്ങൾ
* പ്രതിരോധശേഷി വർദ്ധിപ്പിക്കുന്നു; ആന്റിഓക്‌സിഡന്റുകളാൽ സമ്പന്നമായതിനാൽ, ഇതിൽ വിറ്റാമിൻ സി പോലുള്ള പോഷകങ്ങൾ ധാരാളം അടങ്ങിയിട്ടുണ്ട്, ഇത് പ്രതിരോധശേഷി വർദ്ധിപ്പിക്കുന്നതിന് സഹായകമാണ്.
* ആന്റി ഇൻഫ്ലമേറ്ററി: ഇതിൽ മഗ്നീഷ്യം, പൊട്ടാസ്യം എന്നിവ ധാരാളം അടങ്ങിയിട്ടുണ്ട്. ഇതിനാൽ ഇവ വീക്കം തടയുന്ന ഗുണങ്ങളാൽ നിറഞ്ഞിരിക്കുന്നു.
* പുരാതന കാലത്ത് മെക്സിക്കൻ ആളുകൾ ഈ പഴം വിഷാദം, ഉത്കണ്ഠ, സമ്മർദ്ദവുമായി ബന്ധപ്പെട്ട തകരാറുകൾ തുടങ്ങിയവ ചികിത്സിക്കാൻ ഉപയോഗിച്ചിരുന്നു. ഈ പഴത്തിന്റെ വിത്തുകൾ ചവയ്ക്കുന്നത് പോലും ശരീരത്തിലെ സമ്മർദ്ദകരമായ വിഷവസ്തുക്കളെ നീക്കം ചെയ്യാൻ ഉപയോഗപ്രദമായിരുന്നു എന്നാണ് പറയപ്പെടുന്നത്.
* ഇത് കണ്ണിന്റെയും ഹൃദയത്തിന്റെയും ആരോഗ്യത്തിന് ഗുണം ചെയ്യും. ഇത് രക്തസമ്മർദ്ദം കുറയ്ക്കുന്നതോടൊപ്പം, തണുപ്പിക്കൽ ഗുണങ്ങളുള്ളതിനാൽ കണ്ണുകൾക്കും ആന്തരിക സംവിധാനങ്ങൾക്കും ആശ്വാസമേകുന്നു.
* നാരുകളാൽ സമ്പന്നമായതിനാൽ ദഹനക്കേട്, മറ്റ് വയർ സംബന്ധമായ പ്രശ്നങ്ങൾ എന്നിവ സുഖപ്പെടുത്താനും ഇത് സഹായിക്കുന്നു.
* ഇതിലെ കാത്സ്യം, മഗ്നീഷ്യം എന്നിവ നിങ്ങളുടെ എല്ലുകളെ ആരോഗ്യമുള്ളതും ശക്തവുമാക്കുന്നു.
* വിറ്റാമിൻ ബി -6 ന്റെ നല്ല ഉറവിടമായ ഇത് കഴിക്കുന്നത് വയറുവേദനയും പിഎംഎസും സുഖപ്പെടുത്താൻ സഹായിക്കും.
* പ്രമേഹമോ രക്തസമ്മർദ്ദവുമായി ബന്ധപ്പെട്ട പ്രശ്‌നങ്ങളോ അനുഭവിക്കുന്നുണ്ടെങ്കിൽ, ഇത് നിങ്ങൾ തീർച്ചയായും കഴിക്കേണ്ട പഴമാണ്. ഇവയിൽ അടങ്ങിയ ഉയർന്ന അളവിലുള്ള നാരുകൾ പ്രമേഹ സാധ്യത കുറയ്ക്കുമ്പോൾ, ഇതിലെ പൊട്ടാസ്യം, മഗ്നീഷ്യം എന്നിവ രക്തസമ്മർദ്ദം നിയന്ത്രിക്കും.
* കസ്റ്റാർഡ് ആപ്പിളിന് കുറഞ്ഞ ഗ്ലൈസെമിക് ഇൻഡക്സ് ആയിട്ടുള്ള 54 ആണ് ഉള്ളത്. ഇത് പ്രമേഹ രോഗികൾക്ക് സുരക്ഷിതമാണെന്ന് മാത്രമല്ല, ജിഐ 55 ഉം അതിൽ താഴെയുള്ള ഭക്ഷണങ്ങൾ പ്രമേഹരോഗികൾക്ക് ശുപാർശ ചെയ്യുന്നു.
* കസ്റ്റാർഡ് ആപ്പിൾ വിറ്റാമിൻ ബി കോംപ്ലക്സിൻറെ ഒരു നല്ല സ്രോതസ്സാണ്, പ്രത്യേകിച്ച് വിറ്റാമിൻ ബി 6, അതിനാൽ ഇത് വീക്കം കുറയ്ക്കുന്നതിൽ പോലും ഗുണകരമായി പ്രവർത്തിക്കുന്നു.
* കസ്റ്റാഡ് ആപ്പിളിൽ മാംഗനീസ്, പൊട്ടാസ്യം, വിറ്റാമിൻ സി തുടങ്ങിയ ധാതുക്കൾ കൂടുതലാണ്, ഇത് ഹൃദയത്തിലും രക്തചംക്രമണവ്യൂഹത്തിലും തടസ്സങ്ങൾ ഉണ്ടാവുന്നതിനെ പ്രതിരോധിക്കുന്നു.
* കസ്റ്റാർഡ് ആപ്പിൾ ഇരുമ്പിന്റെ നല്ല സ്രോതസ്സാണ്. ഇത് ക്ഷീണം, തളർച്ച എന്നിവയെ ചെറുക്കുകയും സന്താനോത്പാദന ശേഷി മെച്ചപ്പെടുത്തുകയും ചെയ്യുന്നു.
എങ്ങനെ കഴിക്കാം?
ഈ പഴം നിങ്ങൾക്ക് വെറുതെ കഴിക്കാവുന്നതാണ്, സ്പൂൺ ഉപയോഗിച്ച് ഒരു ഐസ്‌ക്രീം കഴിക്കുന്നത് പോലെ പൾപ്പ് കഴിക്കാം. എന്നാൽ ഈ പഴം കൊണ്ട് നിങ്ങൾക്ക് ചെയ്യാൻ കഴിയുന്ന കൂടുതൽ രസകരമായ കാര്യങ്ങൾ ഉണ്ട്.
ഈ അത്ഭുതഫലം ഉപയോഗിച്ച് രുചികരമായ പല വിഭവങ്ങളും നമുക്ക് തയ്യാറാക്കാം. സ്മൂത്തികൾ, ഐസ് ക്രീമുകൾ, ഷെയ്ക്കുകൾ എന്നിവയും, പായസം, ഹൽവ, കേക്ക് തുടങ്ങിയ മധുര പലഹാരങ്ങളും തയ്യാറാക്കുവാൻ നിങ്ങളുടെ കസ്റ്റാർഡ് ആപ്പിൾ ഉപയോഗിക്കാം.
