കോവിഡ് വാക്സിനെടുക്കുന്ന ഓസ്‌ട്രേലിയക്കാർക്ക് ലോട്ടറി നറുക്കെടുപ്പിലൂടെ മില്യണറാവാൻ അവസരം .

പൂർണമായി പ്രതിരോധ കുത്തിവയ്പ് എടുത്ത ഓസ്ട്രേലിയക്കാർക്ക് ഒരു ജീവകാരുണ്യ സംഘം സൃഷ്ടിച്ച പുതിയ ലോട്ടറിയുടെ ഭാഗമായി ഒരു മില്യൺ ഡോളർ സമ്മാനം നേടാൻ അവസരമുളവാക്കിയിരിക്കുന്നു .

യുണൈറ്റഡ് സ്റ്റേറ്റ്സിലെ ‘വാക്സ്-എ-മില്യൺ’- ലോട്ടറികളുടെ നേതൃത്വത്തിൽ അമേരിക്കയിൽ വളരെ വിജയകരമായും, ഒട്ടേറെ ആകർഷകമായും നടപ്പിലാക്കിയ പദ്ധതിയായിരുന്നു ഇത്. സമാനമായ രീതിയിൽ ഡിസംബർ പകുതിയോടെ രണ്ട് ഡോസ് വാക്സിനുകളും ലഭിക്കുന്നവർക്കായി ദശലക്ഷം ഡോളർ വാക്സ് മത്സരം തിങ്കളാഴ്ച മുതൽ ഓസ്‌ട്രേലിയയിലും ആരംഭിക്കും.

4.1 മില്യൺ ഡോളർ സമ്മാനത്തുകയുള്ള ഈ ആശയ പ്രചാരണം അമേരിക്കയിലുടനീളം സൃഷ്ടിച്ചത് മില്യൺ ഡോളർ വാക്സ് അലയൻസ് ആണ്. ഈ പ്രചാരണത്തിൽ പങ്കാളികളായ ഒരു കൂട്ടം മനുഷ്യസ്നേഹികളും, കോർപ്പറേഷനുകളും, ദേശീയ വാക്സിനേഷൻ നിരക്കുകൾ 80 ശതമാനത്തിന് മുകളിലേക്ക് ത്വരിതഗതിയിൽ ഉയർത്തുന്നതിൽ നിർണ്ണായക പങ്കുവഹിച്ചു എന്നാണ് പ്രസ്താവിക്കുന്നത്.

സോഫ്റ്റ്‌വെയർ കമ്പനിയായ MYOB- ന്റെ സഹസ്ഥാപകനും മില്യൺ ഡോളർ വാക്സ് അലയൻസിന്റെ തലവനുമായ ക്രെയ്ഗ് വിങ്ക്ലർ പറയുന്നത് >> “കാത്തിരിക്കുന്നതിനുപകരം ഇപ്പോൾ വാക്സിനേഷൻ എടുക്കാൻ തീരുമാനിക്കുന്ന ആളുകൾക്ക് പ്രതിഫലം നൽകുക എന്നതാണ് സൗജന്യ ലോട്ടറിയുടെ ഉദ്ദേശം. ഒക്ടോബർ മാസത്തിലുടനീളം, സുരക്ഷിതമായ രീതിയിൽ ഓസ്ട്രേലിയയുടെ കോവിഡ് -19 വാക്സിനേഷൻ പ്രോഗ്രാം ത്വരിതപ്പെടുത്തുകയാണ് ലക്ഷ്യം,” അദ്ദേഹം പറഞ്ഞു.

ആരോഗ്യ പരിപാലന തൊഴിലാളികൾക്കും, നിർമ്മാണ വ്യവസായത്തിനും ‘സമാനമായ ഉത്തരവുകളെത്തുടർന്ന്’ ഒക്ടോബർ 31 നകം 1.25 ദശലക്ഷം അംഗീകൃത തൊഴിലാളികൾക്ക് കുറഞ്ഞത് ഒരു ഡോസെങ്കിലും ലഭിക്കുമെന്ന് വിക്ടോറിയൻ സർക്കാർ പ്രഖ്യാപിച്ചതിന് തൊട്ടുപിന്നാലെയാണ് ഈ നീക്കം.

അമേരിക്കയിലെ ഓഹിയോ സംസ്‌ഥാനത്താണ് ഈ സമ്മാനരീതി പരീക്ഷണ അടിസ്‌ഥാനത്തിൽ ആദ്യമായി ഏർപ്പെടുത്തിയത്. അതിന്റെ മറ്റൊരു മാതൃകയാണ് ഇപ്പോൾ ഓസ്‌ട്രേലിയയിലും നടപ്പിലാക്കുന്നത്. പദ്ധതിയുടെ ഓസ്‌ട്രേലിയൻ പതിപ്പ് പ്രതിവാര $ 1000 നറുക്കെടുപ്പും വാഗ്ദാനം ചെയ്യുന്നു.

ജീവൻ രക്ഷിക്കാനും, ആരോഗ്യ പ്രവർത്തകരുടെ ഭാരം ലഘൂകരിക്കാനും, വിശാല സമൂഹത്തിന് നേട്ടമുണ്ടാക്കാനും വേണ്ടിയാണ് സ്വകാര്യ സംരംഭകരും, പൊതുമേഖലാ സ്‌ഥാപനങ്ങളും സഹകരിച്ചിട്ടുള്ള ഇടപെടലാണ് ഈ പദ്ധതിയുടെ പ്രചാരണമെന്ന് ഫിലാൻട്രോപ്പി ഓസ്‌ട്രേലിയ ചീഫ് എക്സിക്യൂട്ടീവ് ജാക്ക് ഹീത്ത് പറഞ്ഞു.

18 വയസും അതിൽ കൂടുതലുമുള്ള ഓസ്‌ട്രേലിയക്കാർക്ക് ഇതിനകം പൂർണ്ണമായി പ്രതിരോധ കുത്തിവയ്പ്പ് നൽകിയവർ ഉൾപ്പെടെ യോഗ്യരാണ്. സമ്മാന വിജയികൾ ഒക്ടോബർ 31 -ന് ശേഷം ആറാഴ്ചയ്ക്കുള്ളിൽ പൂർണമായ- രണ്ട് ഡോസ്- പ്രതിരോധ കുത്തിവയ്പ്പ് എടുത്തിരിക്കണം എന്നത് ഒരു നിർബന്ധിത നിബന്ധനയാണ്.

ഓസ്‌ട്രേലിയൻ വാർത്തകളും, വിശേഷങ്ങളും തത്സമയം അറിയുവാനായി OZMALAYALAM WhatsApp/Facebook ഗ്രൂപ്പിൽ അംഗമാകാൻ — Follow this link to join Oz Malayalam WhatsApp group: https://chat.whatsapp.com/DiF7GmgoWeVJpD2ze1JaUs

Please Like our Facebook page >> https://www.facebook.com/OzMalayalam