Amazon Great Indian Festival on October 3: A quick look at deals and offers: ആമസോണിന്റെ ഗ്രേറ്റ് ഇന്ത്യൻ ഫെസ്റ്റിവൽ വില്പന ഒക്ടോബർ മൂന്നിന് ആരംഭിക്കും. മികച്ച ഓഫറുകളുമായാണ് ഈ വർഷത്തെ ഫെസ്റ്റിവൽ എത്തുന്നത്. ആമസോൺ പ്രൈം മെമ്പർഷിപ് ഉള്ളവർക്ക് ഡിസ്കൗണ്ടുകളും ഓഫറുകളും നേരത്തെ ലഭ്യമാകും.
ആമസോൺ പ്രൈം അംഗങ്ങൾക്ക് 15,000 രൂപ വരെയുള്ള അധിക ഡിസ്കൗണ്ടും, കുറഞ്ഞ ഇഎംഐയും സൗജന്യ സ്ക്രീൻ റീപ്ലേസ്മെന്റും ഫെസ്റ്റിവലിൽ വാഗ്ദാനം ചെയ്യുന്നുണ്ട്. മിക്ക ഉപകരണങ്ങൾക്കും എക്സ്ചേഞ്ച് ഓഫറുകളും നൽകുന്നു. എച്ച്ഡിഎഫ്സി ഡെബിറ്റ്, ക്രെഡിറ്റ് കാർഡുകൾക്ക് 10 ശതമാനം തൽക്ഷണ കിഴിവ് നൽകുന്നുണ്ട്.
സാംസങ് ഗാലക്സി നോട്ട് 20 അൾട്ര 69,999 രൂപയ്ക്ക് ഫെസ്റ്റിവലിൽ ലഭിക്കും. നിലവിൽ 92,520 രൂപയാണ് ഫോണിന്റെ വില, അതായത് ഗ്രേറ്റ് ഇന്ത്യൻ ഫെസ്റ്റിവലിൽ ഫോൺ 22,521 രൂപ കിഴിവിൽ ലഭിക്കും. മുൻനിര സ്മാർട്ട്ഫോണായ ഇതിൽ ക്വാൽകോം സ്നാപ്ഡ്രാഗൺ 865+ പ്രോസസർ, 108 എംപി ട്രിപ്പിൾ റിയർ ക്യാമറ സജ്ജീകരണം, എസ് പെൻ പിന്തുണ, അമോലെഡ് ഡിസ്പ്ലേ എന്നിവയുണ്ട്.
ആമസോൺ ഗ്രേറ്റ് ഇന്ത്യൻ ഫെസ്റ്റിവൽ വില്പനയിൽ സാംസങ് ഗാലക്സി നോട്ട് 20 44,999 രൂപയ്ക്ക് ലഭിക്കും. കഴിഞ്ഞ വർഷം ഓഗസ്റ്റിൽ 77,999 രൂപയ്ക്കാണ് ഈ ഫോൺ ഇന്ത്യയിൽ അവതരിപ്പിച്ചത്. ഈ പ്രീമിയം സ്മാർട്ട്ഫോണിന് ആമസോൺ 33,000 രൂപ കിഴിവ് നൽകുമെന്നാണ് ഇത് സൂചിപ്പിക്കുന്നത്.
വൺപ്ലസ് 9ആർ 5ജി, സാംസങ് ഗാലക്സി എം21 2021, റിയൽമി നർസോ 30, ഷവോമി റെഡ്മി 9, സാംസങ് ഗാലക്സി എം51 തുടങ്ങിയ ഉപകരണങ്ങൾക്കും ഓഫറുകളുണ്ട്. എന്നാൽ ഓഫറുകൾ എങ്ങനെയാണെന്നത് നിലവിൽ വ്യക്തമല്ല, ആമസോൺ ഉടൻ തന്നെ അത് വെളിപ്പെടുത്തുമെന്നാണ് പ്രതീക്ഷിക്കുന്നത്.
Also Read: Samsung Galaxy M52 5G: സാംസങ് ഗാലക്സി എം52 5ജി ഇന്ത്യയിൽ പുറത്തിറങ്ങി; വിലയും സവിശേഷതകളും അറിയാം
ഷവോമി റെഡ്മി 9എ 6,799 രൂപയ്ക്ക് ലഭിക്കും, അതേസമയം ടെക്നോ സ്പാർക്ക് 8 ന് 7,999 രൂപ വിലവരും. രഇതിൽ ഇരട്ട പിൻ ക്യാമറ സജ്ജീകരണം, 5,000 എംഎഎച്ച് ബാറ്ററി, മെറ്റൽ ബോഡി, 6.52 ഇഞ്ച് ഡിസ്പ്ലേ എന്നിവയും അതിലേറെയും സവിശേഷതകൾ ഉണ്ട്. റെഡ്മി 9 എയിൽ മീഡിയാടെക് ഹീലിയോ ജി 25 ചിപ്സെറ്റും 5,000 എംഎഎച്ച് ബാറ്ററിയും 6.53 ഇഞ്ച് എച്ച്ഡി+ ഐപിഎസ് ഡിസ്പ്ലേയും വരുന്നു.
ആമസോൺ ഐഫോണുകളിലും വിവോ, ഓപ്പോ, വൺപ്ലസ്, ഐക്യു തുടങ്ങിയ ചില ആൻഡ്രോയ്ഡ് ഫോണുകളിലും “ക്രേസി”, “മെഗാ” ഡീലുകൾ നൽകുമെന്ന് പ്രഖ്യാപിച്ചിട്ടുണ്ട്. എല്ലാ ഓഫറുകളും ഉടൻ തന്നെ ആമസോൺ വെബ്സൈറ്റിൽ പ്രദർശിപ്പിക്കും.
The post Amazon Great Indian Festival: ആമസോൺ ഗ്രേറ്റ് ഇന്ത്യൻ ഫെസ്റ്റിവൽ ഒക്ടോബർ മൂന്ന് മുതൽ; പ്രധാന ഓഫറുകൾ ഇവയാണ് appeared first on Indian Express Malayalam.
