ഉലുവ കുതിർത്ത് കഴിച്ചോളൂ, നേടാം ഈ ആരോഗ്യ ഗുണങ്ങൾ

സ്വാദ് അല്പം കയ്പ്പ് നിറഞ്ഞതാണെങ്കിലും ഉലുവയും ഉലുവയിലയും നിരവധി ആരോഗ്യ ഗുണങ്ങളാൽ സമ്പന്നമാണ്. അടുക്കളയിലെ അവിഭാജ്യ ചേരുവയാണ് ഉലുവ. ആരോഗ്യവും സൗന്ദര്യവും മെച്ചപ്പെടുത്താൻ ഉലുവ ഉപയോഗിച്ച് വരുന്നു. ജീവകം സി, ജീവകം എ, ജീവകം കെ, ഫോളിക് ആസിഡ്, പൊട്ടാസ്യം, കാത്സ്യം, മഗ്നീഷ്യം, ഫോസ്ഫറസ്, അയൺ, സോഡിയം, മാംഗനീസ്, സെലീനിയം തുടങ്ങിയവയൊക്കെ ധാരാളമായി അടങ്ങിയിരിക്കുന്നു.

ഉലുവ ഭക്ഷണത്തിൽ ചേർക്കുന്നത് പല തരം രോഗങ്ങളെ ചെറുക്കാൻ സഹായിക്കുന്നു. രക്തത്തിലെ പഞ്ചസാരയും കൊളസ്ട്രോളും നിയന്ത്രിക്കുന്നതിൽ ഉലുവ പ്രധാന പങ്ക് വഹിക്കുന്നുണ്ട്. ഉലുവയുംരണ്ട് തരം നാരുകളുണ്ട് – ലയിക്കാത്തതും ലയിക്കുന്നതുമായ നാരുകൾ. ലയിക്കാത്ത നാരുകൾ രക്തത്തിലെ ഗ്ലൂക്കോസ് നിയന്ത്രിക്കാനും ലയിക്കുന്ന നാരുകൾ കൊളസ്ട്രോൾ നിയന്ത്രിക്കാനും സഹായിക്കുന്നു. ഒരു അധിക നേട്ടം, ഇത് ഇൻസുലിൻ പ്രതിരോധം കുറയ്ക്കാൻ സഹായിക്കുന്നു എന്നതാണ്.

ഉലുവ കുതിർത്ത് കഴിക്കുന്നത് ആരോഗ്യത്തിന് എങ്ങനെ ഗുണകരമാകുമെന്ന് അറിയാമോ?

നല്ല ദഹനത്തിന്
അസിഡിറ്റി പോലുള്ള പ്രശ്നങ്ങളുള്ള ആളുകൾക്ക് രാവിലെ വെറും വയറ്റിൽ ഒരു സ്പൂൺ കുതിർത്ത ഉലുവ കഴിക്കാൻ ശ്രമിക്കാം. എല്ലാ ദിവസവും രാവിലെ ഒരു ടീസ്പൂൺ കുതിർത്ത ഉലുവ വിത്ത് കഴിക്കുന്നത് അസിഡിറ്റി, ഗ്യാസ് തുടങ്ങിയ പ്രശ്നങ്ങൾ ഒഴിവാക്കും. ഇത് മലബന്ധം തടയുകയും ദഹനത്തെ സഹായിക്കുകയും ചെയ്യുന്നു. വയറിളക്കം നന്നായി ഉള്ള സമയത്ത് ആളുകൾ ഇത് കഴിക്കരുത്.

കൊളസ്‌ട്രോൾ നിയന്ത്രിക്കാൻ
കുതിർത്ത ഉലുവ വിത്തുകൾ ശരീരത്തിലെ കൊളസ്ട്രോൾ അളവ് കുറയ്ക്കാൻ സഹായിക്കുന്നു. 32 കലോറി, 2.5 ഗ്രാം ഫൈബർ, 77 മില്ലിഗ്രാം പൊട്ടാസ്യം എന്നിവ10 ഗ്രാം ഉലുവയിൽ അടങ്ങിയിരിക്കുന്നതിനാൽ ഇത് കഴിക്കുന്നത് നല്ലതാണ്.

മുടിയഴകിന്
മുടി വളർച്ചയ്ക്ക് സഹായിക്കുന്ന അവശ്യ പോഷകങ്ങളായ ഇരുമ്പും പ്രോട്ടീനും സമൃദ്ധമായി ഉലുവയിൽ അടങ്ങിയിരിക്കുന്നു. ഇതിന്റെ ആന്റി ഇൻഫ്ലമേറ്ററി, ആന്റിഫംഗൽ ഫലങ്ങളും കാരണം മുടിയുടെ വളർച്ചയെ ഉത്തേജിപ്പിക്കുന്നു. മുടിയുടെ ആരോഗ്യത്തിൽ ഇത് കണ്ടീഷണർ പോലെ മുടിക്ക് ഒരു ഒഴുക്ക് നൽകുന്നു, കൂടാതെ ഇത് മുടിയിലെ താരൻ കൈകാര്യം ചെയ്യുന്നതിനും സഹായിക്കുന്നു. ഉലുവ ഒരു രാത്രി മുഴുവൻ വെള്ളത്തിൽ കുതിർത്ത് വച്ചതിനു ശേഷം, പിറ്റേന്ന് പേസ്റ്റ് ആക്കി മുടിയിൽ ഉപയോഗിക്കണം.

മുലയൂട്ടൽ മെച്ചപ്പെടുത്തുന്നു
ഉലുവ വിത്തുകൾ നേരിട്ട് വെള്ളത്തിൽ കുതിർത്ത് കഴിക്കാം അല്ലെങ്കിൽ ഇത് ഉപയോഗിച്ച് ചായ ഉണ്ടാക്കാം, അങ്ങിനെ മുലപ്പാലിന്റെ അളവ് മെച്ചപ്പെടുത്താൻ ഇത് സഹായിക്കും.

എങ്ങനെ കഴിക്കാം?
ഒരു ടേബിൾ സ്പൂൺ ഉലുവ രാത്രി മുഴുവൻ വെള്ളത്തിൽ കുതിർത്ത്, കുതിർത്ത വിത്തുകൾ രാവിലെ വെറും വയറ്റിൽ കഴിക്കുക. ഇത് നിങ്ങളുടെ ഭക്ഷണത്തിൽ രുചി വർദ്ധിപ്പിക്കുവാൻ ചേർക്കാം അല്ലെങ്കിൽ നിങ്ങളുടെ പച്ചിലകൾ, പയറുവർഗ്ഗങ്ങൾ, കറികൾ എന്നിവയിൽ ചേർക്കാൻ നിങ്ങൾക്ക് അവ ഉപയോഗിക്കാം. കൂടാതെ ഉലുവ വെള്ളം കുടിക്കുകയും ചെയ്യാം. ഒരു ദിവസത്തിൽ ഒരു ടേബിൾ സ്പൂൺ ഉലുവയിൽ അധികം കഴിക്കാതിരിക്കാൻ ശ്രദ്ധിക്കുക.