നമ്മളുടെ വീടുകളിൽ എപ്പോഴും ഉപയോഗിക്കപ്പെടുന്ന ഒന്നാണ് തോർത്ത് അല്ലെങ്കിൽ ടവ്വൽ. ഓരോരുത്തർക്കും പ്രത്യേക തോർത്ത് കാണും. ഓരോതവണ കൈയും കാലും മുഖവുമൊക്കെ കഴുകി കഴിഞ്ഞാൽ നാം തുടക്കാൻ പതിവായി ഉപയോഗിക്കുന്നത് ഇത്തരം തോർത്തുകളാണ്. ഓരോ തവണയും ഉപയോഗിച്ച കഴിയുമ്പോഴും ഇതിൽ എത്രമാത്രം രോഗാണുക്കൾ ഉൾകൊള്ളാനുള്ള സാധ്യത വർദ്ധിക്കുന്നു എന്ന കാര്യം എപ്പോഴെങ്കിലും നിങ്ങൾ ചിന്തിച്ചിട്ടുണ്ടോ?
കുളിക്കുമ്പോഴോ കൈ കഴുകിയ ശേഷമോ തുടയ്ക്കാനായി നാം ആദ്യം എടുക്കുന്നത് ടവ്വൽ ആണ്. കൂടുതൽ തവണ പതിവായി ഉപയോഗിക്കുമ്പോൾ ചില അണുക്കൾ ഈ തുണിയിൽ പറ്റി നിൽക്കാനുള്ള സാധ്യത കൂടുന്നു. നനഞ്ഞിരിക്കുന്നു തോർത്തിൽ ബാക്ടീരിയ അടക്കമുള്ള സൂക്ഷ്മാണുക്കൾക്ക് വേഗത്തിൽ വളർച്ച പ്രാപിക്കാനുള്ള അന്തരീക്ഷം ഒരുക്കി നൽകുന്നു. ദിവസം തോറും ഒരേ ടവ്വൽ തന്നെ പലതവണയായി ഉപയോഗിക്കുന്നത് പല ചർമ്മരോഗങ്ങൾക്കും വഴിയൊരുക്കുന്നതിന് കാരണമാകുമെന്ന് ചർമ്മ രോഗവിദഗ്ധർ ഒന്നടങ്കം ചൂണ്ടിക്കാണിക്കുന്നുണ്ട്. നിങ്ങൾ ഉപയോഗിക്കുന്ന ടവ്വലുകൾ പതിവായി കഴുകാതിരിക്കുമ്പോൾ എന്ത് സംഭവിക്കുന്നുവെന്നും എത്ര ദിവസം കൂടുമ്പോൾ ഇത് കഴുകി വൃത്തിയാക്കണമെന്നും എന്നതിനുള്ള ഉത്തരം ഇന്നിവിടെ നിന്നും കണ്ടെത്താം?
തോർത്ത് ഇടക്കിടക്ക് കഴുകേണ്ടത് എന്തുകൊണ്ട്?
നാം ഓരോ തവണയും പുറത്തു പോയി തിരികേ വരുമ്പോൾ വ്യത്യസ്ത ഉപരിതലങ്ങളിൽ സ്പർശിച്ചിട്ടുണ്ടാകാനുള്ള സാധ്യത കൂടുതലായിരിക്കും. നാം അറിഞ്ഞോ അറിയാതെയോ സ്പർശിക്കുന്ന ഇടങ്ങളിൽ ബാക്ടീരിയകൾ, ഫംഗസുകൾ എന്നിവ ഉണ്ടെങ്കിൽ അത് നമ്മുടെ ചർമ്മത്തിന്റെ ഉപരിതലത്തിൽ പറ്റിനിൽക്കുക സാധാരണയാണ്. നമുക്ക് ചുറ്റുമുള്ള അന്തരീക്ഷ വായുവിൽ പോലും പലതരം സൂക്ഷ്മാണുക്കൾ നിലകൊള്ളുന്നുണ്ട്. അവയെല്ലാം ദോഷകരമാണ് എന്നല്ല. മറിച്ച് അവയിൽ ചിലത് ചിലപ്പോഴൊക്കെ ഒക്കെ പ്രശ്നങ്ങൾക്ക് കാരണമായി മാറാൻ ഇടയുണ്ട്. ഓരോ തവണയും കുളിക്കുകയോ കൈ കഴുകുകയോ ചെയ്യുമ്പോൾ ഒരു പരിധിവരെ ഇത് നീക്കം ചെയ്യപ്പെടുന്നു. തുടർന്ന് ടവ്വൽ ഉപയോഗിച്ച് നിങ്ങളുടെ നനവും തുടച്ചുമാറ്റുമ്പോൾ അതിൽ അവശേഷിക്കുന്ന സൂക്ഷ്മാണുക്കളോ നിർജ്ജീവ ചർമ്മ കോശങ്ങളേ ഒക്കെയുണ്ടെങ്കിൽ ഇത് ടൗവ്വലിലേക്ക് നീക്കം ചെയ്യപ്പെടും. നിർജ്ജീവ ചർമവും ഈർപ്പ വ്യവസ്ഥിതിയുമെല്ലാം സൂക്ഷ്മാണുക്കൾ ഉണ്ടെങ്കിൽ അതിൻ്റെ വളർച്ചയ്ക്ക് വഴിയൊരുക്കികൊടുക്കാൻ തുടങ്ങുകയും ചെയ്യുന്നു. ഒരു തവണ നമ്മൾ ഉപയോഗിച്ച അതേ ടവ്വലുകൾ വീണ്ടും ഈ രീതിയിൽ ഉപയോഗിക്കുന്നത് വഴി ഇത് ബാക്ടീരിയകൾ വീണ്ടും നമ്മുടെ ചർമ്മത്തിലേക്ക് കയറിക്കൂടുന്നതിന് വഴിയൊരുക്കി കൊടുക്കുകയാണ് ചെയ്യുന്നത്.
നമ്മുടെയെല്ലാം ചർമ്മസ്ഥിതി സൂക്ഷ്മാണുക്കളെ ചെറുത്തു നിർത്തുന്നതിന് സഹായകമായ ഒരുതരം ആസിഡ് ഫ്ലൂയിഡ് ഉത്പാദിപ്പിക്കുന്നുണ്ട്. ഇത് സൂക്ഷ്മാണുക്കൾ വളർച്ചയ്ക്ക് ദോഷം വരുത്തുകയും അത് തടയുകയും ചെയ്യുന്നതാണ്. പലതവണയായി ഉപയോഗിച്ച നിങ്ങളുടെ തൂവാല നനവുള്ളതോ അഴുക്കുള്ളതോ ആണെങ്കിൽ അവ വീണ്ടും ഉപയോഗിച്ചാൽ അത് ശരീരത്തിലേക്ക് അണുബാധകളേയും ചർമ്മ സംബന്ധമായ മറ്റ് ഒട്ടനവധി പ്രശ്നങ്ങളേയും വീണ്ടും ക്ഷണിച്ചു വരുത്തിയേക്കാം. അതുപോലെ തന്നെ പ്രധാനമാണ് നമ്മളിൽ ഒരാൾ ഉപയോഗിച്ച ടവ്വലുകൾ വീട്ടിലെ മറ്റു വ്യക്തികൾ ഉപയോഗിക്കുന്നത്. അതായത് പങ്കാളിയുമായോ കുട്ടികളുമായോ ടവ്വലുകൾ പങ്കിടുന്ന പ്രവർത്തി കൂടുതൽ ദോഷഫലങ്ങൾ വിളിച്ചു വരുത്തുന്നു.
ടവ്വൽ വീണ്ടും കഴുകാതെ ഉപയോഗിക്കുമ്പോൾ…
ഒരു നിശ്ചിത കാലയളവ് വെച്ചുകൊണ്ട് നിങ്ങളുടെ ടവ്വലുകൾ വൃത്തിയാക്കാതെ കൂടുതൽ തവണ ഉപയോഗിക്കുകയാണെങ്കിൽ അതിൽ അഴുക്കും നിർജീവ ചർമ്മവും ഒക്കെ കുമിഞ്ഞു കൂടാനുള്ള സാധ്യത വർദ്ധിക്കുന്നു. വീണ്ടും കൂടുതൽ തവണ നിങ്ങളത് പുനരുപയോഗിക്കുമ്പോൾ ഇതിലെ രോഗാണുക്കളെല്ലാം തിരികെ നിങ്ങളുടെ ചർമ്മത്തിലേക്ക് വരികയാണ് ചെയ്യുന്നത്. ഒരുപക്ഷേ നമ്മളെ വിടാതെ പിന്തുടരുന്ന മുഖക്കുരു അടക്കമുള്ള ചർമ അസ്വസ്ഥതകളുടെ ഒരു പ്രധാന കാരണം നമ്മൾ ഈയൊരു കാര്യത്തിൽ കാണിക്കുന്ന ശ്രദ്ധയില്ലായ്മ ആയിരിക്കാം. എക്സിമ, ചുണങ്ങ് റിംഗ്വോം തുടങ്ങിയ നിരവധി ചർമ്മ പ്രശ്നങ്ങൾ ഉണ്ടാക്കാൻ ഈയൊരു ചെറിയ അശ്രദ്ധ മതിയെന്നതാണ് വാസ്തവം. നിങ്ങൾ ഏതെങ്കിലും തരത്തിൽ ഇതിനകം ചർമ്മപ്രശ്നങ്ങൾ അനുഭവിക്കുന്നവരാണെങ്കിൽ ടവ്വൽ ഉപയോഗത്തിലെ ഇത്തരമൊരു ആശ്രദ്ധകൾ ലക്ഷണങ്ങളെ കൂടുതൽ വഷളാക്കി മാറ്റുകയും ചെയ്യും.
നിങ്ങളുടെ തോർത്ത് എത്ര തവണ മാറ്റി ഉപയോഗിക്കണം?
ചർമ്മപ്രശ്നങ്ങളിൽ നിന്ന് അടക്കം സ്വയം പരിരക്ഷിക്കാനുള്ള ശരിയായ മാർഗ്ഗമാണ് ഇടയ്ക്കിടെ ടവൽ വൃത്തിയായി കഴുകുക എന്നത്. എത്ര സമയക്കുറവ് ഉണ്ടെന്ന് പറഞ്ഞാലും ഏറ്റവും കുറഞ്ഞത് മൂന്ന് ഉപയോഗങ്ങൾക്ക് ശേഷം ടവ്വലുകൾ നന്നായി കഴുകി അലക്കി വൃത്തിയാക്കാൻ ഒർമ്മിക്കുക. ആരോഗ്യ വിദഗ്ധർ ശുപാർശ ചെയ്യുന്നതനുസരിച്ച് നിങ്ങൾ എല്ലാ ദിവസവും മുടങ്ങാതെ രണ്ടു നേരം കുളിക്കുകയാണെങ്കിൽ, ആഴ്ചയിൽ രണ്ടുതവണ നിങ്ങളുടെ തൂവാല കഴുകണം. ഓരോ തവണയും നിങ്ങൾ ടവൽ പുനരുപയോഗിക്കുന്ന വേളയിൽ അത് പൂർണ്ണമായും വരണ്ടതാണെന്ന് ഉറപ്പാക്കുക. നന്നഞ്ഞിരിക്കുന്ന വേളയിൽ ടവ്വലുകൾ ഉപയോഗിക്കാതിരിക്കാൻ പ്രത്യേകം ഓർമ്മിക്കണം. കൃത്യമായി പിന്തുടരുന്ന ഇത്തരം ലളിതമായ നടപടിക്രമങ്ങൾ ചർമ്മ സംബന്ധമായ അനാരോഗ്യതകളെ ഒരു പരിധി വരെ അകറ്റി നിർത്താൻ സഹായിക്കും. കൂടാതെ നിരവധി രോഗങ്ങളെ വീട്ടിൽനിന്നും അകറ്റിനിർത്താനും ഇത് വഴിയൊരുക്കും.
