സംസ്ഥാനത്തിന്റെ ലോക്ക്ഡൗൺ സമയത്തുണ്ടായ പ്രവർത്തന നഷ്ടപരിഹാരമായി, വിക്ടോറിയൻ ബിസിനസ്സുകൾക്ക് 2.34 ബില്യൺ ഡോളർ പിന്തുണാ പാക്കേജിൻറെ അധിക സാമ്പത്തിക സഹായം ലഭിക്കുമെന്ന് വ്യവസായ സംരക്ഷണ മന്ത്രി മാർട്ടിൻ പാകുല പ്രഖ്യാപിച്ചു. നിലവിലെ ലോക്ക്ഡൗൺ ബാധിച്ച 175,000 ബിസിനസുകളെ ഈ സഹായധനം പിന്തുണയ്ക്കുമെന്നാണ് സർക്കാർ പ്രതീക്ഷിക്കുന്നതെന്നു അദ്ദേഹം പറഞ്ഞു.
ശനിയാഴ്ച പ്രഖ്യാപിച്ച പാക്കേജിന് കോമൺവെൽത്ത് സഹ-ധനസഹായം നൽകുന്നു. ലൈസൻസുള്ള ഹോസ്പിറ്റാലിറ്റി ബിസിനസ്സുകളുടെ ശേഷി അടിസ്ഥാനമാക്കി അതാത് ബിസിനസുടമകൾക്ക് പിന്തുണ നൽകുന്നത് തുടരാൻ അധികമായി $ 289 ദശലക്ഷം ഡോളറാണ് നീക്കിവച്ചിട്ടുള്ളത്.
ചെറുകിട ബിസിനസ് കോവിഡ് -19 ഹാർഡ്ഷിപ്പ് ഫണ്ടിലേക്ക് 448 ദശലക്ഷം ഡോളർ കൂടി ചേർക്കുന്നുവെന്നും, 18,000 ബിസിനസ്സുകളിൽ നിന്ന് 35,000 ബിസിനസുകൾക്കായി ഈ പിന്തുണ ഉയർത്തുന്നതായും അദ്ദേഹം പറഞ്ഞു. ആ ഫണ്ടിന് കീഴിലുള്ള ഗ്രാന്റ് തുകകൾ 14,000 ഡോളറിൽ നിന്ന് 20,000 ഡോളറായി ഉയർത്തിയിട്ടുണ്ടെന്നും അദ്ദേഹം പ്രസ്താവിച്ചു.
ആൽപൈൻ സപ്പോർട്ട് പ്രോഗ്രാമിലേക്ക്-‘സ്കൈ സീസണിന്റെ അവസാനത്തിലേയ്ക്ക്’- ലോക്ക് ഡൗൺ ബാധിച്ച ബിസിനസുകളെ സംരക്ഷിക്കാൻ 11.2 മില്യൺ ഡോളർ കൂടി ചേർക്കും. അധിക സാമ്പത്തിക സഹായ പേയ്മെന്റുകളിൽ ഭൂരിഭാഗവും, ബിസിനസുടമകളുടെ ബാങ്ക് അക്കൗണ്ടുകളിൽ യാന്ത്രികമായി നിക്ഷേപിക്കപ്പെടുന്നതായിരിക്കും
ശനിയാഴ്ച വിക്ടോറിയയിൽ 190 കോവിഡ് കേസുകൾ രേഖപ്പെടുത്തിയത് പ്രസ്താവിച്ച ശേഷമാണ് സാമ്പത്തിക ഉത്തേജന പാക്കേജുകളുടെ പ്രഖ്യാപനം ഉണ്ടായത്. സംസ്ഥാന ജനസംഖ്യയുടെ 70 ശതമാനം പേർക്കും ഒരു ഡോസ് കോവിഡ് വാക്സിൻ ലഭിക്കുന്നതുവരെ വിക്ടോറിയയുടെ ലോക്ക്ഡൗൺ തുടരും. ഈ നാഴികക്കല്ല് സെപ്റ്റംബർ 23 ന് കൈവരിക്കുമെന്ന് പ്രതീക്ഷിക്കുന്നു.
ഓസ്ട്രേലിയൻ വാർത്തകളും, വിശേഷങ്ങളും തത്സമയം അറിയുവാനായി OZMALAYALAM WhatsApp/Facebook ഗ്രൂപ്പിൽ അംഗമാകാൻ 
Follow this link to join Oz Malayalam WhatsApp group: http
Please Like our Facebook page >> https://www.facebook.com/
