നല്ല ആരോഗ്യത്തിന് ക്യാരറ്റ് ജ്യൂസ് പതിവാക്കാം

ക്യാരറ്റ് കഴിക്കുന്നത് കാഴ്ചശക്തി മെച്ചപ്പെടുത്താൻ സഹായിക്കുമെന്ന് പതിവായി കേൾക്കാറുള്ള കാര്യമാണ്. ഈ പച്ചക്കറി ഓതിവായി കഴിക്കുന്നത് ആരോഗ്യം മെച്ചപ്പെടുത്തും എന്ന കാര്യത്തിൽ ഒരു തർക്കവുമില്ല. ക്യാരറ്റ് കഴിക്കുന്നത് പോലെ തന്നെ ഗുണകരമാണ് കുടിക്കുന്നതും. ചർമ്മത്തിനും കണ്ണുകൾക്കും മൊത്തത്തിലുള്ള ആരോഗ്യത്തിനും ക്യാരറ്റ് ജ്യൂസ് എങ്ങനെ സഹായകരമാകുന്ന എന്ന് പരിശോധിക്കാം.

ഗുണങ്ങൾ
1. ശരീരത്തിലെ ആന്റി ഓക്സിഡന്റ് നില മെച്ചപ്പെടുത്താൻ ക്യാരറ്റ് ജ്യൂസ് കുടിക്കാം.

2. ഓക്സിഡേറ്റീവ് സമ്മർദ്ദം, നീർ വീക്കം എന്നിവയെ പ്രതിരോധിക്കാൻ ഈ ജ്യൂസ് സഹായകരമാണ്.

3. ക്യാരറ്റ് ജ്യൂസ് പല രാജ്യങ്ങളിലും ഏറ്റവും പ്രചാരമുള്ള നോൺ ആൽക്കഹോളിക് പാനീയങ്ങളിൽ ഒന്നാണ്. മറ്റ് പഴങ്ങളോ പച്ചക്കറി ജ്യൂസുകളോ ക്യാരറ്റിനോടൊപ്പം ചേർക്കുേമ്പാൾ ഗുണവും രുചിയും വീണ്ടും മെച്ചപ്പെടും.

4. ആരോഗ്യപരമായ ഗുണങ്ങൾക്ക് പേരുകേട്ട വിറ്റാമിൻ എ യുടെ ഉറവിടമായ ബീറ്റാ കരോട്ടിൻ ക്യാരറ്റിൽ ധാരാളമായി അടങ്ങിയിരിക്കുന്നു. കൂടാതെ പൊട്ടാസ്യം, വിറ്റാമിൻ സി, ഫോളേറ്റ് എന്നിവയും ഈ ജ്യൂസിൽ അടങ്ങിയിട്ടുണ്ട്.

ക്യാരറ്റ് ജ്യൂസ് പതിവായി കുടിച്ചാൽ
ക്യാരറ്റ് ജ്യൂസിലെ ബീറ്റാ കരോട്ടിൻ ശക്തമായ ആൻറി ഓക്‌സിഡൻറാണ്. ഇത് ക്യാൻസർ സാധ്യത കുറയ്ക്കുന്നതിനും ഹൃദയസംബന്ധമായ പ്രശ്നങ്ങൾ തടയുന്നതിനും ഗുണകരമാണ്. ഇതിൽ അടങ്ങിയിരിക്കുന്ന നാരുകൾ രക്തത്തിലെ ഗ്ലൂക്കോസിന്റെ അളവ് കുറയ്ക്കുകയും ശരീരഭാരം നിയന്ത്രിക്കാൻ സഹായിക്കുകയും ചെയ്യും. കൂടാതെ പ്രതിരോധ ശേഷി മെച്ചപ്പെടുത്താനും ചർമ്മത്തിന്റെ ആരോഗ്യത്തിനും ഇത് മികച്ചതാണ്.

കാഴ്ച ശക്തി മെച്ചപ്പെടുത്താൻ
ക്യാരറ്റിൽ വിറ്റാമിൻ എ ധാരാളമായി അടങ്ങിയിട്ടുണ്ട്. ഇത് കാഴ്ച ശക്തി മെച്ചപ്പെടുത്താൻ സഹായിക്കുന്ന മികച്ച പോഷകമാണ്. ക്യാരറ്റ് ജ്യൂസിൽ ശക്തമായ ആൻറി ഓക്‌സിഡൻറായ ല്യൂട്ടിൻ അടങ്ങിയിട്ടുണ്ട്. ക്യാരറ്റിൽ അടങ്ങിയിട്ടുള്ള കരോട്ടിനോയിഡുകൾ റെറ്റിന ഗാംഗ്ലിയൻ കോശങ്ങളെ സംരക്ഷിക്കുകയും അതുവഴി പല നേത്രരോഗങ്ങളും തടയുകയും ചെയ്യുന്നു.

ചർമ്മത്തിന്റെ ആരോഗ്യത്തിന്
ക്യാരറ്റിൽ അടങ്ങിയിട്ടുള്ള കരോട്ടിനോയിഡുകൾ ചർമ്മത്തിന്റെ നിറം മെച്ചപ്പെടുത്താൻ സഹായിക്കും.

ശരീരഭാരം കുറയ്ക്കാൻ
ശരീരഭാരം കുറയ്ക്കാൻ ശ്രമിക്കുന്നവർ ധാരാളം ഫൈബർ കഴിക്കേണ്ടതുണ്ട്. ക്യാരറ്റ് ജ്യൂസിലെ നാരുകൾ ശരീരഭാരം കുറയ്ക്കാൻ ഗുണകരമാണ്. കൂടാതെ കലോറി കുറവായതിനാൽ തന്നെ ക്യാരറ്റ് ജ്യൂസ് കുടിക്കുന്നത് ശരീരഭാരം കുറയ്ക്കാൻ ഒരു നല്ല മാർഗമാണ്.

ക്യാൻസർ സാധ്യത കുറയ്ക്കാൻ
ക്യാരറ്റ് കഴിക്കുന്നത് ക്യാൻസർ സാധ്യത ഒരു പരിധി വരെ ചെറുത്തേക്കാമെന്ന് പഠനങ്ങൾ പറയുന്നു. ഇതിലടങ്ങിയ വിവിധ പോഷക ഘടകങ്ങൾ രക്താർബുദ കോശങ്ങൾ ഉണ്ടാകുന്നതിൽ നിന്ന് ശരീരത്തെ ഒരു പരിധിവരെ സംരക്ഷിച്ചേക്കാമെന്നാണ് പറയപ്പെടുന്നു. ഇതിനായി ചൂണ്ടിക്കാണിക്കപ്പെടുന്നത് രക്താർബുദ ചികിത്സയെ സഹായിക്കുന്നതിനുള്ള ബയോ ആക്റ്റീവ് രാസവസ്തുക്കളുടെ മികച്ച ഉറവിടമാണ് ക്യാരറ്റ് എന്നതാണ്.

ഹൃദയാരോഗ്യത്തിന്
ഹൃദയത്തെ ആരോഗ്യത്തോടെ സൂക്ഷിക്കാൻ പഴങ്ങളും പച്ചക്കറികളുമൊക്കെ കഴിക്കുന്നത് സഹായിക്കും. ക്യാരറ്റ് ജ്യൂസിൽ പോളിഫെനോളുകളും നൈട്രേറ്റുകളും ധാരാളം അടങ്ങിയിട്ടുണ്ട്. കൊളസ്‌ട്രോൾ, രക്തസമ്മർദ്ദം എന്നിവയൊക്കെ നിയന്തിരക്കാൻ ക്യാരറ്റ് ജ്യൂസിലെ ഘടകങ്ങൾ സഹായിക്കും. ഇത് വഴി ഹൃദയാരോഗ്യം മെച്ചപ്പെടുകയും ചെയ്യും. ഇതിലെ പൊട്ടാസ്യം ഹൃദയാഘാത സാധ്യത കുറയ്ക്കും.

പ്രമേഹം വരുതിയിലാക്കാൻ
ടൈപ്പ് 2 പ്രമേഹത്തിൽ നിന്ന് ആശ്വാസം ലഭിക്കാൻ ക്യാരറ്റ് ജ്യൂസ് സഹായിക്കും. ക്യാരറ്റ് ജ്യൂസിലെ ധാരാളം നാരുകൾ ഇതിന് സഹായിക്കും.

തലച്ചോറിന്റെ ആരോഗ്യത്തിന്
ബുദ്ധിശക്തിയും ഓർമ്മശക്തിയും മെച്ചപ്പെടുത്താൻ ക്യാരറ്റ് ജ്യൂസ് കുടിച്ചോളൂ… ഇതിലെ ബീറ്റാ കരോട്ടിൻ ആണ് ഈ ഗുണങ്ങൾക്ക് സഹായിക്കുന്നത്. ഇത് മസ്തിഷ്ക കോശങ്ങളെ തകർക്കുന്ന ഓക്സിഡേറ്റീവ് പ്രഷറിനെതിരെ പ്രവർത്തിക്കാനും ഇതിന് കഴിയും.

നല്ല ദഹന ആരോഗ്യത്തിന്
ക്യാരറ്റ് ജ്യൂസിലെ നാരുകൾക്ക് ദഹന ആരോഗ്യം മെച്ചപ്പെടുത്താനുള്ള കഴിവുണ്ട്. ഇത് മലബന്ധം അകറ്റാനും വയറിളക്കത്തിനും മികച്ച പരിഹാരമാണ്.

രോഗ പ്രതിരോധശേഷി മികച്ചതാക്കാൻ
ക്യാരറ്റിലെ പ്ലാസ്മ കരോട്ടിനോയ്ഡ് എന്ന ഘടകം രോഗപ്രതിരോധ ശേഷി മെച്ചപെപ്പടുത്താൻ സഹായിക്കും. കൂടാതെ ശരീരത്തിലുണ്ടാകുന്ന അണുബാധയ്‌ക്കെതിരെ പോരാടാനും ഇത് മികച്ചതാണ്.