പ്രോട്ടീനുകൾ നമ്മുടെ ശരീരത്തിന്റെ ബിൽഡിംഗ് ബ്ലോക്കുകൾ ആണെന്നാണ് പറയപ്പെടുന്നത്. ഏതൊരു ശാരീരിക പ്രവർത്തനങ്ങളും കൃത്യമായി ചെയ്യുന്നതിന് ഇത് ഒരു നിശ്ചിത അളവിൽ ലഭിക്കേണ്ടത് അത്യാവശ്യമാണ്. പ്രോട്ടീനുകൾ നമ്മുടെ ശരീരത്തിലെ ഉപാപചയ പ്രക്രിയയെ മെച്ചപ്പെടുത്തുകയും എല്ലുകളെ ശക്തിപ്പെടുത്തുകയും പേശികൾ വേഗത്തിൽ വളരാൻ അനുവദിക്കുകയും ചെയ്യുന്നു. ഒരു വ്യക്തിക്ക് ഒരു ദിവസം ശുപാർശ ചെയ്യപ്പെടുന്ന പ്രതിദിന പ്രോട്ടീൻ ഉപഭോഗം 45-50 ഗ്രാം ആണ്.
പ്രധാനമായും മുട്ട, ഇലക്കറികൾ, ചിക്കൻ എന്നിവയാണ് ഏറ്റവും സാധാരണമായ പ്രോട്ടീനുകളുടെ സാധാരണ ഭക്ഷ്യ സ്രോതസ്സുകൾ. എന്നാൽ ഇവയൊക്കെ ഉയർന്ന അളവിൽ പതിവിലും കൂടുതലായി കഴിച്ചെങ്കിൽ മാത്രമേ നമ്മളിൽ പലരുടേയും ദൈനംദിന ആവശ്യകതകളെ നിറവേറ്റാൻ തക്കതായ പ്രോട്ടീൻ കണ്ടന്റ് ലഭ്യമാക്കാൻ സാധിക്കുകയുള്ളൂ. അത്തരം സാഹചര്യങ്ങളിൽ ആണ് കൂടുതൽ പേരും സപ്ലിമെൻ്റുകൾ പോലുള്ളവ തിരഞ്ഞു പോകുന്നത്.
ഇക്കാര്യത്തിൽ ഏറ്റവും കൂടുതൽ പേരും തെരഞ്ഞെടുക്കുന്നത് പ്രോട്ടീൻ പൗഡർ തന്നെയാണ്. മികച്ച ഫലങ്ങൾ വേഗത്തിൽ ലഭിക്കുന്നതിനായി, പ്രോട്ടീൻ പൗഡറുകൾ ദിവസത്തിൽ രണ്ടും മൂന്നും തവണകൾ കഴിക്കുന്നവർ ഉണ്ട്. പലരും ഷെയ്ക്ക് രൂപത്തിലാക്കിയും വെള്ളത്തോടൊപ്പം കലർത്തിയും ഒക്കെയാണ് പ്രോട്ടീൻ പൗഡർ കുടിക്കാറ് പതിവ്. പ്രോട്ടീനുകൾ ഏത് രീതിയിലും കുടിക്കുന്നതിലും തെറ്റില്ലയെങ്കിലും ചിലർക്കെങ്കിലും ഇത് പാലിനോടൊപ്പം ചേർത്ത് കുടിക്കുന്നതിൽ തെറ്റുണ്ടോ എന്ന് എന്ന സംശയം വച്ചുപുലർത്തുന്നുണ്ട്.
പാലിൽ പ്രോട്ടീൻ പൊടി കലർത്തി കുടിക്കാമോ?
പ്രോട്ടീൻ പൊടി പ്രധാനമായും ഉല്പാദിപ്പിക്കപ്പെടുന്നത് വേ രൂപത്തിൽ നിന്നോ അല്ലെങ്കിൽ സോയ രൂപത്തിൽ നിന്നോ ആണ്. ഇത് പാലിൽ കലർത്തി കുടിക്കുന്നത് കൊണ്ട് തെറ്റൊന്നും ഉണ്ടെന്ന് പറയാൻ കഴിയില്ല. എങ്കിലും ഇക്കാര്യത്തിൽ എല്ലാവരും അറിഞ്ഞിരിക്കേണ്ട ചില വസ്തുതകളുണ്ട്. അതുകൊണ്ടു തന്നെ പാലിൽ പ്രോട്ടീൻ പൊടി കലർത്തി കുടിക്കാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾ ഓർമിച്ചു വയ്ക്കേണ്ട ചില കാര്യങ്ങൾ ഇതാ:
പാലിൽ ഉയർന്ന അളവിൽ പ്രോട്ടീനുകൾ അടങ്ങിയിട്ടുണ്ട് എന്നറിയാമല്ലോ. വേ പ്രോട്ടീൻ നിർമ്മിച്ചെടുക്കുന്നത് പാലിൽ നിന്ന് തന്നെയാണ്. ചീസ് ഉണ്ടാക്കുമ്പോൾ തൈരിൽ നിന്ന് വേർതിരിച്ചെടുക്കുന്ന ദ്രാവകമാണ് വേ പ്രോട്ടീനുകൾ. വേ പ്രോട്ടീൻ വീണ്ടും ലാക്ടോസ് അളവ് കൂടുതലടങ്ങിയ പാലിൽ കലക്കി കുടിക്കുമ്പോൾ, ഇത് ചില ആളുകൾക്ക് ചിലപ്പോൾ ദഹനത്തിന് അൽപ്പം ബുദ്ധിമുട്ട് ഉണ്ടാകാനുള്ള സാധ്യതയുണ്ട്. പ്രത്യേകിച്ചും ചൂടുള്ള പാലിൽ വേ പ്രോട്ടീൻ കലർത്തി കഴിക്കുന്നതിൽ പ്രശ്നമൊന്നുമില്ല. പക്ഷേ ഇങ്ങനെ ചെയ്യുമ്പോൾ നിങ്ങൾ ഇതിൽ അല്പം വെള്ളവും കൂടി കൂട്ടിചേർക്കാൻ മറക്കരുത്. വെള്ളം ചേർക്കുന്നത് വഴി നിങ്ങളുടെ പ്രോട്ടീൻ ഷെയ്ക്ക് നല്ല കട്ടിയുള്ളതല്ല എന്ന് ഉറപ്പാക്കാൻ കഴിയും. കുടിക്കാനും എളുപ്പം അല്പം വെള്ളം കൂട്ടിച്ചേർക്കുന്നത് തന്നെയാണ്.
നിങ്ങൾ പ്രോട്ടീൻ പൗഡർ കലർത്തുന്ന പാൽ അമിതമായി ചൂടാകരുത്. കാരണം ഇത് വേ പ്രോട്ടീൻ്റെ ഗുണമേന്മയെ ബാധിക്കും. ചൂടു പാലിൽ പ്രോട്ടീൻ പാലിൽ ചേർത്ത് കഴിക്കുന്നത് വഴി പാലിലെ അധിക കൊഴുപ്പ് മൂലം ദഹനം മന്ദഗതിയിലാക്കാൻ കാരണമാകുന്നത് കാരണമാകും. ഇത് കൂടുതൽ നേരം വിശപ്പ് ഇല്ലാതെ തുടരാൻ വഴിയൊരുക്കുകയും ചെയ്യും.
ഈ പറഞ്ഞതിൽ നിന്ന് വിപരീതമായി സോയ അടിസ്ഥാനമാക്കിയുള്ള പ്രോട്ടീൻ പൗഡറുകൾ ആണ് തിരഞ്ഞെടുക്കുന്നതെങ്കിൽ ഇത് ചൂട് പാലിനോടൊപ്പം കഴിക്കാൻ ഉത്തമമായതാണ്. സോയ മിൽക്ക് അടിസ്ഥാനമാക്കിയുള്ളതാണ് സോയാ പ്രോട്ടീൻ പൗഡർ. സോയ പ്രോട്ടീൻ പൗഡർ ചൂടുള്ള പാലിൽ കലർത്തുന്നത് നിങ്ങളുടെ പ്രോട്ടീൻ ഷെയ്ക്കിന്റെ പോഷകമൂല്യം വർദ്ധിപ്പിക്കാൻ നല്ലതാണ് എന്ന് പറയപ്പെടുന്നു. സോയ് പ്രോട്ടീനിൽ വേ പ്രോട്ടീനെ അപേക്ഷിച്ച് പ്രോട്ടീൻ കണ്ടൻറ് കുറവാണ് അടങ്ങിയിരിക്കുന്നു.
വേ പ്രോട്ടീൻ പൗഡർ പാലിൽ ചേർത്ത് കഴിക്കുമ്പോൾ നിങ്ങളുടെ ശരീരം പേശികളിലേക്ക് നൽകുന്ന പ്രോട്ടീൻ അളവിൽ കുറവുണ്ടാകുമെന്നാണ് കണ്ടെത്തൽ. അതുകൊണ്ടുതന്നെ സോയ അടിസ്ഥാനമാക്കിയുള്ള പ്രോട്ടീൻ പൗഡറാണ് പാലിൽ ചേർത്ത് കഴിക്കാൻ ഏറ്റവും ഉചിതം. കഴിയുന്നതും പ്രോട്ടീൻ പൗഡർ പാലിനോടൊപ്പം ചേർത്ത് കഴിക്കുന്നത് പ്രഭാതസമയങ്ങളിലാക്കി മാറ്റുന്നതാണ് നല്ലത്. വ്യായാമത്തിന് ശേഷം അല്ലെങ്കിൽ വ്യായാമത്തിനും മുൻപ് കഴിക്കാൻ നല്ലത് വെള്ളം അടിസ്ഥാനമാക്കിയ പ്രോട്ടീൻ കേക്കുകൾ തന്നെയാണ്.
നിങ്ങളുടെ ദൈനംദിന ഭക്ഷണത്തിൽ സപ്ലിമെന്റുകൾ ചേർക്കുന്നതിനുള്ള മികച്ച മാർഗമാണ് പ്രോട്ടീൻ ഷെയ്ക്കുകൾ. നിങ്ങളുടെ മൊത്തത്തിലുള്ള ആരോഗ്യം വർദ്ധിപ്പിക്കുന്നതിനും പേശികളുടെ ശക്തി വർദ്ധിപ്പിക്കുന്നതിനും ബലവും സഹിഷ്ണുതയും മെച്ചപ്പെടുത്തുന്നതിനുമുള്ള ഒരു മാർഗമാണിത്. നിങ്ങളുടെ അഭിരുചിക്കും മുൻഗണനയ്ക്കും അനുസരിച്ച്, പ്രോട്ടീൻ പൗഡർ തിരഞ്ഞെടുത്ത് ചൂടുള്ള പാലിനോടൊപ്പം അല്ലാതെയോ ചേർത്ത് ശാരീരിക ആരോഗ്യ ആനുകൂല്യങ്ങൾ നേടിയെടുക്കാം.
