അപവാദ കഥകളെ അതിജീവിച്ചു , വിക്ടോറിയൻ പ്രീമിയർ ജോലിയിൽ തിരിച്ചെത്തി.

 “ജോലിസ്ഥലത്തേക്ക് പോകാനായി  ഞാൻ കാറിലേക്ക് കയറാൻ  പോകുകയാണ്, മഴ ചാറുന്നുണ്ടായിരുന്നു” അദ്ദേഹം ക്ലിപ്പിൽ പറഞ്ഞു.

   “ആ സമയത്ത് മഴ പെയ്യുന്നുണ്ടോ എന്ന് ഉറപ്പില്ല… ആദ്യത്തെ കാൽചുവട് പിഴച്ചപ്പോഴേ ഞാൻ  കുഴപ്പത്തിലാണെന്ന് അറിഞ്ഞ ആദ്യ ഘട്ടത്തിലേക്ക് പ്രവേശിച്ചു.
“ശരീരത്തിന്റെ ബാലൻസ് പിടി വിട്ട് ,  അത് ഒരു തരം തെന്നിമാറി ഞാൻ വായുവിലൂടെ സഞ്ചരിക്കുന്നത് പോലെയായിരുന്നു. ഒടുവിൽ അസ്‌ഥികൾ നുറുങ്ങിയപോലത്തെ വേദന ശരീരത്തിൽ അനുഭവപ്പെട്ടപ്പോഴാണ് , വളരെ ഗുരുതരമായ ഒരു അവസ്‌ഥയിലേക്കാണ് ഞാനെത്തിയിട്ടുള്ളതെന്നു തിരിച്ചറിഞ്ഞത് .  

തറയിൽ കാത്തുനിൽക്കുകയും രക്ഷപ്പെടുമെന്ന് പ്രതീക്ഷിക്കുകയും ചെയ്തതിനാൽ ശ്വസിക്കാൻ പാടുപെടുകയാണെന്ന് ആൻഡ്രൂസ് പറഞ്ഞു.

വീഴ്ചയുടെ ശബ്ദം കേട്ട് പുറത്തെത്തിയ  കാതറിൻ വേദനാജനകമായ ഞരക്കം കേട്ട് സഹായിക്കാൻ പാഞ്ഞു.

“നിങ്ങൾ ശ്വാസം എടുക്കാൻ ബുദ്ധിമുട്ടി ശരീരം നീലനിറത്തിലായികൊണ്ടിരിക്കുന്നതിനാൽ, ആ സന്ദർഭം ഭയാനകമായിരുന്നു . സൊറന്റോയിലെ  ഈ അവധിക്കാല വസതിയിൽ നിങ്ങൾ ഇവിടെ മരിക്കുമെന്ന് ഞാൻ കരുതി,” കാതറിൻ പറഞ്ഞു.

അവൾ ഉടനെ ആംബുലൻസിനായി വിളിച്ചു.

പാരാമെഡിക്കുകൾ എത്തിയത് ഓർമിക്കുന്നുവെന്ന് ആൻഡ്രൂസ് പറഞ്ഞു. 

വീണ്ടെടുക്കൽ കാലയളവിൽ തന്നെ സഹായിച്ച എല്ലാ സ്റ്റാഫുകൾക്കും ആൻഡ്രൂസ് നന്ദി പറഞ്ഞു.

“ഞാൻ ഇതുപോലൊന്ന് അനുഭവിച്ചിട്ടില്ല, എനിക്ക് ഒരിക്കലും പരിക്കേറ്റിട്ടില്ല, എന്റെ ജീവിതത്തിലൊരിക്കലും എന്നെ ആശുപത്രിയിൽ പ്രവേശിപ്പിച്ചിട്ടില്ല.

“ഇത് വേദനാജനകമാണ്, ഇത് ബുദ്ധിമുട്ടാണ്.  ഈ അവസ്‌ഥ തരണം ചെയ്യാനായതിൽ ഞങ്ങൾ ഭാഗ്യവരാണ്‌, സന്തുഷ്ടരും. 

പരിക്കിനെ ചുറ്റിപ്പറ്റിയുള്ള കിംവദന്തികളെ “നീചം” എന്ന് ആൻഡ്രൂസ് വിശേഷിപ്പിച്ചെങ്കിലും; തന്റെ അനുയായികളുടെ രാഷ്ട്രീയം “എല്ലായ്പ്പോഴും അങ്ങനെയല്ല” എന്ന് ഉറപ്പ് നൽകി.

“ഈ സംസ്ഥാനത്തിന്റെ പ്രീമിയർ ആകുക  എന്നത് എന്റെ ജീവിതത്തിലെ ഏറ്റവും വലിയ ബഹുമതിയാണ്,” അദ്ദേഹം പറഞ്ഞു.

“നിങ്ങൾക്ക് ഒരു ആഘാതകരമായ നിമിഷം ഉണ്ടാകുമ്പോൾ നിങ്ങൾ കാര്യങ്ങൾ വീണ്ടും വിലയിരുത്തുന്നു. കുടുംബം പ്രധാനമാണെന്നും,  നിങ്ങൾക്കറിയാവുന്ന വളരെ പ്രധാനപ്പെട്ട കാര്യങ്ങളെക്കുറിച്ച് നിങ്ങൾ സ്വയം ഓർമ്മപ്പെടുത്തേണ്ടതുണ്ടെന്നും തിരിച്ചറിയുന്നു.  ഓരോ വിക്ടോറിയൻ കുടുംബത്തിനും വേണ്ടി കഠിനാധ്വാനം ചെയ്യുക എന്ന ധർമ്മമാണ് എന്നിൽ നിക്ഷിപ്തമായിരിക്കുന്നത്. അതാണ് ഞാൻ സത്യം ചെയ്തത്. അതാണ് എനിക്ക് ലഭിച്ച ജോലി. ആ ജോലിയിൽ അവധിക്കാലത്ത് പോലും വിശ്രമിക്കാനാകാതെ , ജോലിക്കു മുതിർന്നത് കൊണ്ടാണ് എനിക്കിത് സംഭവിച്ചത് .

എന്നാലിപ്പോൾ താൻ ആരോഗ്യവാനും, ശക്തനുമാണെന്നും , ഭാരിച്ച ഉത്തരവാദിത്തമുള്ള ഈ ജോലിയിൽ വീണ്ടും ഊർജ്വസ്വലനായി കാര്യപരിപാടികൾ  ഏറ്റെടുക്കാൻ തയ്യാറാണെന്നും അദ്ദേഹം പറഞ്ഞു. അടിയന്തരമായി ചെയ്തു തീർക്കേണ്ട ചില ജോലികൾ ഉണ്ട് . അത് ചെയ്തു തീർത്തിട്ടേ ഇനി വിശ്രമിക്കുന്നുള്ളൂ ..അദ്ദേഹം കൂട്ടിച്ചേർത്തു .

  2022 നവംബറിലെ തിരഞ്ഞെടുപ്പിൽ താൻ ബാലറ്റിലുണ്ടാകുമെന്ന് അദ്ദേഹം സ്ഥിരീകരിച്ചു.