പ്രിയപ്പെട്ട ഒരാളുടെ മരണം, വളരെ വൈകാരികമായ ഒരു ബന്ധത്തിൽ നിന്നുള്ള പിരിഞ്ഞു പോക്ക്, ജോലി നഷ്ടപ്പെടൽ, പ്രകൃതിദുരന്തങ്ങൾ ഉണ്ടാക്കിയ മാനസിക സമ്മർദങ്ങൾ തുടങ്ങി നിരവധി കാരണങ്ങൾ കടുത്ത വിഷാദ അവസ്ഥയ്ക്ക് കാരണമായേക്കാം. എന്നത് വിഷാദ സമയത്ത് ഹ്രസ്വകാലത്തേക്ക് മാത്രം നിലനിൽക്കുന്ന ഒന്നായാണ് പൊതുവെ കാണാറുള്ളത്.
സങ്കടവും വിഷാദവും തമ്മിലുള്ള വ്യത്യാസം?
നമ്മിൽ ആഘാതമുണ്ടാക്കുന്ന ചില സംഭവങ്ങളിൽ നിന്നാണ് നമുക്ക് സങ്കടം ഉണ്ടാകുന്നത്. ഇതൊരു തോന്നൽ ആയിരിക്കില്ല. ആ വ്യക്തിക്കൊപ്പം മറ്റു പലരും ആ സങ്കടത്തിൽ പങ്കുചേരുകയും ചെയ്യാം. സങ്കടത്തിനിടയിൽ ആ വ്യക്തിക്ക് ഇടയ്ക്കിടെ ചില സന്തോഷകരമായ ഓർമ്മകളോ സന്തോഷകരമായ വികാരങ്ങളോ എല്ലാം വരികയും ചെയ്യും. എന്നാൽ വിഷാദരോഗത്തിെൻറ കാര്യത്തിൽ, അത് അനുഭവിക്കുന്ന വ്യക്തി മിക്കപ്പോഴും ദുഖിതനായി കാണപ്പെേട്ടാക്കാം. സങ്കടത്തെ വിഷാദമായി തെറ്റിദ്ധരിക്കരുത്. വിഷാദം മൂലമുള്ള ദുഖം കുറഞ്ഞത് രണ്ടാഴ്ചയെങ്കിലും നിലനിന്നേക്കാം.
ഒരു വ്യക്തി സങ്കടം അനുഭവിക്കുമ്പോൾ സ്വയം ഉപദ്രവിക്കാൻ ശ്രമിക്കുകയോ ആത്മഹത്യാ ശ്രമം നടത്തുകയോ ഒന്നും ചെയ്യില്ല. എന്നാൽ വിഷാദരോഗത്തിെൻറ കാര്യത്തിൽ, ഒരാൾക്ക് സ്വയം ഉപദ്രവിക്കാനുള്ള തോന്നലോ ആത്മഹത്യയോ ചെയ്യാനുള്ള താൽപ്പര്യമോ ഉണ്ടായേക്കാം. വിഷാദാവസ്ഥയിലായിരിക്കുമ്പോൾ, ഒരു വ്യക്തി അവൻ അല്ലെങ്കിൽ അവൾ താൻ വിലകെട്ടവനാണെന്നും അതിനാൽ ഈ ജീവിതത്തിന് താൻ അർഹനല്ലെന്നും എല്ലാം കരുതും. ഒരു ആഘാതം ഉണ്ടാക്കിയ സങ്കടങ്ങളിൽ പക്ഷേ ഇങ്ങനെ തോന്നുകയുമില്ല. വിഷാദ രോഗത്തിന്റെ ലക്ഷണങ്ങളിൽ ഒന്നാണ് സ്വയം വെറുപ്പ് തോന്നുക എന്നത്.
വിഷാദത്തിെൻറ ലക്ഷണങ്ങൾ:
വിഷാദാവസ്ഥയിലായിരിക്കുമ്പോൾ ഒരു വ്യക്തിക്ക് ശാരീരികവും മാനസികവുമായ ലക്ഷണങ്ങൾക്കും സങ്കടത്തിനും പുറമെ പലതരം നെഗറ്റീവ് എനർജികളും മനസിൽ കടന്നുകൂടാം. രണ്ടാഴ്ചയിലധികം താഴെപ്പറയുന്ന അഞ്ച് ലക്ഷണങ്ങൾ അനുഭവിച്ചാൽ ഒരാൾ വിഷാദാവസ്ഥയിലാണ് എന്ന് മനസിലാക്കാം. വിഷാദരോഗത്തിെൻറ സാധാരണ ലക്ഷണങ്ങൾ ഇവയാണ്:
1. സങ്കടമോ വിഷാദമോ തോന്നിക്കൊണ്ടേയിരിക്കുന്ന അവസ്ഥ
3. പെട്ടന്ന് വരുന്ന ദേഷ്യം, ഉത്കണ്ഠ, അസ്വസ്ഥത, ആക്രമണോത്സുകത തുടങ്ങിയ മാനസികാവസ്ഥകൾ തുടർച്ചയായി പ്രകടിപ്പിക്കുന്നു
4. പ്രിയപ്പെട്ടതായി ചെയ്തിരുന്ന കാര്യങ്ങളോട് താൽപര്യം നഷ്ടപ്പെടുന്നു
5. വിശപ്പ് നഷ്ടപ്പെടുന്നു, വൈകാരികമായ അവസ്ഥയുണ്ടാകുന്നു
6. ശരീരഭാരം നന്നായി കുറയുകയോ നന്നായി കൂടുകയോ ചെയ്യും.
7. ലൈംഗിക താൽപ്പര്യം നന്നായി കുറയുന്നു
8. വളരെയധികം ഉറങ്ങുകയോ വളരെ കുറച്ച് ഉറങ്ങുകയോ ചെയ്യുന്ന അവസ്ഥകൾ. പലപ്പോഴും ഉറക്കം അസ്വസ്ഥമാകുന്ന അവസ്ഥ
9. ജീവിത പ്രശ്നങ്ങളിൽ മാത്രമായി ശ്രദ്ധ കേന്ദ്രീകരിക്കുന്നു, അല്ലെങ്കിൽ പതിവ് പ്രവർത്തനങ്ങൾ പൂർത്തിയാക്കാനുള്ള കാലതാമസം
10. സ്വയം വെറുപ്പ്, നിരാശ, കുറ്റബോധം എന്നീ വികാരങ്ങൾ
11. അകാരണമായ ക്ഷീണം
12. ആത്മഹത്യയെക്കുറിച്ചുള്ള ചിന്തകൾ
വിഷാദരോഗത്തിെൻറ ഒരു ലക്ഷണങ്ങളും വെറുതേ അവഗണിക്കരുത്. ഇത് ശ്രദ്ധിക്കാതിരുന്നാൽ രോഗലക്ഷണങ്ങളെ കൂടുതൽ വഷളാക്കുകയുംപിന്നീട് ഇത് വ്യക്തിയുടെ ജീവിതത്തെ ബാധിക്കുകയും ചെയ്യും.
വിഷാദത്തിനുള്ള കാരണങ്ങൾ:
ജനിതക പ്രശ്നങ്ങൾ: പാരമ്പര്യമായി വിഷാദ രോഗത്തിെൻറ സാധ്യതയുണ്ടെങ്കിൽ കുറച്ചു കാലമെങ്കിലും വിഷാദരോഗത്തിന് അടിമപ്പെടാൻ സാധ്യതയുണ്ട്.
ആഘാതമുണ്ടാക്കുന്ന സംഭവങ്ങൾ: ഒരു വ്യക്തിയുടെ കുട്ടിക്കാലത്ത് നേരിടേണ്ടിവന്ന ആഘാതങ്ങൾ അല്ലെങ്കിൽ വലിയ സങ്കടങ്ങൾ വിഷാദരോഗത്തിന് കാരണമാവുകയും ഒരു വ്യക്തിയെ നെഗറ്റീവ് വികാരങ്ങളെ ഉത്തേജിപ്പിക്കുകയും ചെയ്തേക്കാം.
മസ്തിഷ്ക ഘടന: ഒരു വ്യക്തിയുടെ തലച്ചോറിന്റെ മുൻ‌ഭാഗത്തെ പ്രവർത്തനം കുറയുന്നത് ഒരു വ്യക്തിയെ വിഷാദരോഗത്തിന് ഇരയാക്കും.
നിലവിലുള്ള മെഡിക്കൽ അവസ്ഥകൾ: വിട്ടുമാറാത്ത രോഗങ്ങൾ, മറ്റ് മാനസിക വൈകല്യങ്ങൾ എന്നിവയാൽ ഒരു വ്യക്തി വിഷാദരോഗത്തിലേക്ക് പോകാം.
തലച്ചോറിെൻറ രാസപ്രവർത്തനം: തലച്ചോറിെൻറ രാസപ്രവർത്തനത്തിലെ മാറ്റം വിഷാദരോഗത്തിൽ ഒരാൾ അനുഭവിക്കുന്ന കടുത്ത വികാരങ്ങളിലേക്ക് നയിച്ചേക്കാം. തലച്ചോറിെൻറ ന്യൂറോ ട്രാൻസ്മിറ്റർ അളവിലെ മാറ്റവും വിഷാദരോഗത്തിെൻറ ലക്ഷണങ്ങളെ വർധിപ്പിക്കും.
വ്യക്തി സവിശേഷതകൾ: വ്യക്തികളിൽ ഉണ്ടാകുന്ന കുറഞ്ഞ ആത്മാഭിമാനവും ആത്മവിശ്വാസക്കുറവും അവരെ വിഷാദരോഗത്തിന് ഇരയാക്കും. പലപ്പോഴും സമ്മർദ്ദം അനുഭവിക്കുന്നവർ, സ്വയം വിമർശിക്കുന്നവർ, സ്വയം വെറുപ്പുളവാക്കുന്ന സ്വഭാവങ്ങളിൽ ഏർപ്പെടുന്നവർ എന്നിവരും വിഷാദരോഗത്തിന് അടിമപ്പെടാം.
മരുന്നുകൾ: ചില മരുന്നുകളുടെ പാർശ്വഫലമായി വിഷാദരോഗത്തിെൻറ ലക്ഷണങ്ങൾ ഉണ്ടായേക്കാം.
സാമൂഹിക, സാമ്പത്തിക, മാനസിക, പാരിസ്ഥിതിക ഘടകങ്ങൾ: ഒരു വ്യക്തിയുടെ ദൈനംദിന ജീവിതത്തെ ബാധിക്കുന്ന ഘടകങ്ങൾക്ക് വ്യക്തി വിഷാദരോഗം ബാധിക്കുമോ ഇല്ലയോ എന്ന് നിർണ്ണയിക്കുന്നതിൽ പ്രധാന പങ്ക് വഹിക്കാൻ കഴിയും. ഒരു വ്യക്തി സാമ്പത്തികമായി ദുർബലനാണെങ്കിലോ മോശം സാമൂഹിക ബന്ധമുണ്ടെങ്കിലോ അക്രമപരമോ അധിക്ഷേപകരമോ ആയ അന്തരീക്ഷത്തിൽ ജീവിക്കുകയാണെങ്കിൽ, അവൻ/അവൾ വിഷാദാവസ്ഥയിലായേക്കാം.
മറ്റുകാരണങ്ങളും വിഷാദമുണ്ടാക്കാം
വിഷാദരോഗത്തിന് നിരവധി ലക്ഷണങ്ങളുണ്ട്. പലതരം ഘടകങ്ങൾ കാരണം ഇത് സംഭവിക്കാം. പക്ഷേ ഇത് ചികിത്സിക്കാവുന്ന ഒന്നുതന്നെയാണ്. വിഷാദരോഗത്തിെൻറ ഏതെങ്കിലും ലക്ഷണങ്ങളെ നിങ്ങൾ അഭിമുഖീകരിക്കുകയാണെങ്കിൽ, അവഗണിക്കാതെ സഹായം കണ്ടെത്താൻ ശ്രമിക്കുക. കൃത്യസമയത്ത് ഒരു ഡോക്ടറെ കാണുന്നത് നിങ്ങളെ സഹായിക്കുകയും നിങ്ങളുടെ ജീവി രീതിയെ മാറ്റുകയും ചെയ്യും. വിഷാദരോഗം മാറ്റാൻ അതുകൊണ്ടുതന്നെ മറ്റുള്ളവരുടെ സഹായം വളരെ അത്യാവശ്യമാണ്.
