വെള്ളപ്പൊക്ക ഭീഷണിയെ തുടർന്ന് ഗിപ്സ് ലാൻഡ് – ട്രറാൾഗൺ പ്രദേശത്തെ ആളുകളെ മാറി/ മാറ്റി പാർപ്പിക്കുന്നതിനുള്ള മുന്നറിയിപ്പ് നൽകി – വിക്ടോറിയൻ സർക്കാർ . വിക്ടോറിയയിലെ ഗിപ്സ് ലാൻഡ് മേഖലയിലെ ട്രറാൾഗൺ ക്രീക്ക് പ്രദേശത്തെ ആളുകൾക്കായി വെള്ളപ്പൊക്ക ഭീഷണിയെ തുടർന്ന്, പലായനം ചെയ്യാനുള്ള ഉത്തരവ് സർക്കാർ പുറപ്പെടുവിച്ചിട്ടുണ്ട്. ഇന്ന് രാത്രിയിൽ വലിയ വെള്ളപ്പൊക്കം ഉണ്ടാകാൻ സാധ്യതയുണ്ടത്രേ ..
ട്രറാൾഗൺ ക്രീക്ക് പ്രദേശത്തിന് ചുറ്റും 40-60 മില്ലിമീറ്റർ മഴ പെയ്യുമെന്ന് പ്രതീക്ഷിച്ചതിനെത്തുടർന്ന്, ശനിയാഴ്ച രാവിലെ മുതൽ വെള്ളപ്പൊക്കം ഉണ്ടാകാമെന്ന് മുന്നറിയിപ്പ് നൽകി വിക് എമർജൻസി ഉത്തരവിറക്കി. 100 മില്ലിമീറ്റർ വരെ ഒറ്റപ്പെട്ട കനത്ത മഴയുണ്ടാകാനും സാധ്യതയുണ്ട്.
വെള്ളിയാഴ്ച അർദ്ധരാത്രി മുതൽ ശനിയാഴ്ച അർദ്ധരാത്രി വരെയാണ് ഏറ്റവും കൂടുതൽ കനത്ത മഴ പ്രതീക്ഷിക്കുന്നത്, ദുരിതബാധിത പ്രദേശങ്ങളിലെ താമസക്കാർ രാത്രിയാകുന്നതിനുമുമ്പ് മാറി താമസിക്കാൻ അഭ്യർത്‌ഥിക്കുന്നു. വിക്ടോറിയയിലെ റെഡ്‌ അലർട്ട് ഉള്ള സ്‌ഥലങ്ങൾ ഇപ്പോൾ തന്നെ, ഗൂഗിൾ മാപ്പിൽ അപ്ഡേറ്റ് ആയിട്ടുണ്ട്.
- വെള്ളപ്പൊക്കത്തിൽ നിന്ന് രക്ഷനേടാൻ, അകലെ സുരക്ഷിതമായ സ്ഥലത്ത് താമസിക്കുന്ന കുടുംബാംഗങ്ങളുടെയോ/സുഹൃത്തുക്
കളുടെയോ വീട്ടിലേക്കോ, ദുരിതാശ്വാസ ക്യാമ്പിലേക്കോ, അല്ലെങ്കിൽ സുരക്ഷിതമായ ഒരു സ്ഥലത്തേക്കോ യാത്ര ചെയ്യുക. - ഗരിബാൽ‌ഡി സ്ട്രീറ്റിലെ ട്രാൽ‌ഗോൾ ബാസ്കറ്റ് ബോൾ സ്റ്റേഡിയത്തിൽ തുറന്ന ദുരിതാശ്വാസ കേന്ദ്രത്തിലേക്ക് പോകുക.
- രക്ഷാപ്രവർത്തകർക്ക് രജിസ്റ്റർ ചെയ്യാനായി ഇവിടെ ക്ലിക്കുചെയ്യുക. >> https://register.redcross.
org.au/ - വളർത്തുമൃഗങ്ങൾ, മരുന്നുകൾ, മൊബൈൽ ഫോണുകൾ എന്നിവ എടുക്കാൻ ഓർമ്മിക്കുക.
- കാറിൽ യാത്ര ചെയ്യുകയാണെങ്കിൽ, വെള്ളപ്പൊക്ക പ്രദേശങ്ങളിൽ പ്രവേശിക്കരുത്, തിരിഞ്ഞ് സുരക്ഷിതമായ ഒരു വഴി കണ്ടെത്തുക. ഏറ്റവും പുതിയ ട്രാഫിക് വിവരങ്ങൾക്കായി Vicrods ന്റെ വെബ്സൈറ്റ് പരിശോധിക്കുക. https://www.
vicroads.vic.gov.au/ - നിങ്ങൾ ഭീഷണി ബാധിത പ്രദേശത്തു തന്നെ താമസിക്കാൻ തിരഞ്ഞെടുക്കുകയാണെങ്കിൽ, സാധ്യമായ ഏറ്റവും ഉയർന്ന സ്ഥലത്ത് അഭയം തേടുക.
- സൗത്ത് ഗിപ്സ് ലാൻഡ് ഹൈവേ ഇപ്പോൾ സെയിലിനും, ലോംഗ്ഫോർഡിനും ഇടയിൽ അടച്ചിരിക്കുന്നതിനാൽ ഈ വഴിക്കുള്ള യാത്രകൾ ഒഴിവാക്കുക.
കനത്ത മഴയെത്തുടർന്ന് മണ്ണ് പൂരിതമാകുന്നതിനാൽ, ദുർബലമായ മരങ്ങൾ വീഴാൻ സാധ്യതയുണ്ട്. പ്രദേശത്ത് 60 കിലോമീറ്റർ വേഗതയിൽ കാറ്റ് വീശുന്നത് അപകടകരമായ ഡ്രൈവിംഗ് അവസ്ഥയ്ക്ക് കാരണമാകുമെന്ന് ബ്യൂറോ ഓഫ് മെറ്റീരിയോളജി അറിയിച്ചു.
ചെളി, അവശിഷ്ടങ്ങൾ, തകർന്ന റോഡുകൾ, പാലങ്ങൾ എന്നിവയെക്കുറിച്ച് ജാഗ്രത പാലിക്കണമെന്ന് പ്രാദേശിക യാത്രക്കാർക്ക് മുന്നറിയിപ്പ് നൽകുന്നു.
വെള്ളിയാഴ്ച ഉച്ചതിരിഞ്ഞ് ഒരു ലക്ഷത്തിലധികം വീടുകൾക്ക് വൈദ്യുതിയില്ലെന്നും 100 റോഡുകൾ അടച്ചിട്ടിരിക്കുകയാണെന്നും അധികൃതർ പറഞ്ഞു, പ്രത്യേകിച്ചും ഡാൻ‌ഡെനോംഗ് നിരകളിലൂടെ പോകുന്ന വൈദ്യുതി ലൈനിലാണ് തകരാറുകൾ സംഭവിച്ചിട്ടുള്ളത്.
ഗിപ്സ് ലാൻഡ് തടാകങ്ങൾക്കും കിഴക്കൻ, മധ്യ ഗിപ്സ് ലാൻഡ് തീരങ്ങൾക്കും വെള്ളിയാഴ്ച ശക്തമായ കാറ്റ് മുന്നറിയിപ്പ് നൽകി.
മാരകമായ കാലാവസ്ഥയാണ് ഇതെന്ന് അധികൃതർ പറഞ്ഞു .ഈ ആഴ്ച വിക്ടോറിയയിലെ വന്യമായ കാലാവസ്ഥയിൽ ഇതിനകം രണ്ട് പേർ മരിച്ചു.
മെൽബണിൽ നിന്ന് 200 കിലോമീറ്റർ തെക്കുപടിഞ്ഞാറായി ഗ്ലെൻഫൈനിലെ മാഡെൻസ് ബ്രിഡ്ജ് റോഡിന് സമീപമുള്ള വെള്ളപ്പൊക്കത്തിൽ ഒരു സ്ത്രീയെ മരിച്ച നിലയിൽ വെള്ളിയാഴ്ച വാഹനത്തിൽ കണ്ടെത്തി. സമീപത്തുള്ള സിംപ്‌സണിൽ നിന്ന് ബുധനാഴ്ച കാണാതായ നീന എന്ന സ്ത്രീയാണെന്ന് കരുതുന്നതായി വിക്ടോറിയ പോലീസ് പറഞ്ഞു. മരണത്തെ സംശയാസ്പദമായി കണക്കാക്കുന്നില്ല.
തീരദേശ ജിപ്‌സ്‌ലാന്റ് പട്ടണമായ വുഡ്‌സൈഡിൽ വ്യാഴാഴ്ച ഉച്ചയോടെ വെള്ളത്തിൽ മുങ്ങിയ കാറിൽ, മറ്റൊരാളെ മരിച്ച നിലയിൽ കണ്ടെത്തി.
