മൂന്ന് കുട്ടികളുള്ള മാതാപിതാക്കൾക്ക് അധികമായി $226 ഡോളറും , പെൻഷൻകാർക്ക് കൂടുതൽ ആനുകൂല്യങ്ങളും

മൂന്ന് കുട്ടികളുള്ള കുടുംബങ്ങൾക്ക് കോവിഡ് -19 കാലഘട്ടത്തിൽ വർദ്ധിച്ചുവരുന്ന ജീവിതച്ചെലവിന് അനുസൃതമായി പ്രതിവർഷം അവരുടെ പോക്കറ്റിൽ 226 ഡോളർ വരെ അധികമായി ലഭിക്കും. കൂടാതെ ഫെഡറൽ ഗവൺമെന്റും ഒരു ദശലക്ഷം പെൻഷൻകാർക്ക് ഒരു ഉത്തേജനം നൽകുന്ന തുക നൽകുമെന്ന് അറിയിച്ചു.

കുടുംബ നികുതി ആനുകൂല്യ പേയ്‌മെന്റുകളിൽ നേരിയ വർധനവ് ഫെഡറൽ സർക്കാർ തിങ്കളാഴ്ച സ്ഥിരീകരിച്ചു, അതേസമയം കുടുംബങ്ങൾക്ക് ശമ്പളമുള്ള രക്ഷാകർതൃ അവധിക്ക് അർഹതയുണ്ട് എന്നും കൂട്ടിച്ചേർത്തു.

ഫാമിലി ടാക്സ് ബെനിഫിറ്റ് എ, ബി പേയ്മെന്റുകൾ ജൂലൈ 1 മുതൽ വർദ്ധിക്കും, ഒരു കുട്ടി ഉള്ള കുടുംബങ്ങൾക്ക് 94.90 ഡോളറും, രണ്ട് കുട്ടികളുള്ളവർക്ക് 156.95 ഡോളറും, മൂന്ന് കൂട്ടികളാണുള്ളതെങ്കിൽ 226.30 ഡോളറുമാണ് ലഭിക്കുക.

13 വയസ്സിന് താഴെയുള്ള ഓരോ കുട്ടിക്കും രണ്ടാഴ്ചയ്ക്ക് 1.68 ഡോളറും 13 വയസ്സിന് മുകളിലുള്ള ഓരോ കുട്ടിക്കും 2.24 ഡോളറുമാണ് ഈ കണക്ക്.

വർദ്ധനവ് “മിതമാണ്” എന്ന് കുടുംബ-സാമൂഹിക സേവന മന്ത്രി മിസ്സ് : ആൻ റസ്റ്റൺ സമ്മതിച്ചെങ്കിലും “ഓരോ ഡോളറിന്റെയും മൂല്യം എണ്ണപ്പെടേണ്ടത് തന്നെയാണ് ” എന്നവർ കൂട്ടിച്ചേർത്തു .

“2009 നും 2011 നും ശേഷം ആദ്യമായി ഈ പേയ്‌മെന്റുകളിൽ പലതിലും ഞങ്ങൾ വരുമാന പരിധി ഉയർത്തുന്നു, കാരണം പാൻഡെമിക്കിൽ നിന്ന് കരകയറുമ്പോൾ ഓസ്‌ട്രേലിയൻ കുടുംബങ്ങളുമായി തോളോട് തോൾ ചേർന്ന് നിൽക്കാൻ ഞങ്ങൾ പ്രതിജ്ഞാബദ്ധരാണ്,” അവർ പറഞ്ഞു.

അധികമായി ലഭ്യമാകേണ്ടുന്ന $ 7.30, സാമ്പത്തിക വർഷാവസാനം ഭാഗം ‘A’  സ്വീകരിക്കുന്ന കുടുംബങ്ങൾക്കും,  ‘B’  ഭാഗം ലഭിക്കുന്ന കുടുംബങ്ങൾക്ക് 3.65 ഡോളറിനും അര്ഹതയുണ്ടാകും.

151,350 ഡോളർ വരെ സമ്പാദിക്കുന്ന കുടുംബങ്ങൾക്ക് പണമടച്ചുള്ള രക്ഷാകർതൃ അവധി, വരുമാന പരിധി 150,000 ഡോളറിൽ നിന്ന് ഉയർത്തിയതിന് ശേഷം അച്ഛനും, പങ്കാളിക്കുമുള്ള Partner Pay-യും ലഭിക്കും.

പ്രായപരിധിയിലുള്ള പെൻഷൻ, വൈകല്യ പിന്തുണ പെൻഷൻ, കെയർ പേയ്‌മെന്റുകൾ എന്നിവയ്ക്കും ഉത്തേജനം ലഭിച്ചു. വരുമാനരഹിതരായ വ്യക്തികൾക്ക് 2 മുതൽ 180 ഡോളർ വരെയും ദമ്പതികൾക്ക് 4 മുതൽ 320 ഡോളർ വരെയും ഓരോ ദ്വൈവാരവും വർദ്ധിപ്പിച്ചു.

“ തൊഴിലവസരങ്ങൾ സൃഷ്ടിക്കാനും, ഓസ്‌ട്രേലിയക്കാർ ആശ്രയിക്കുന്ന  സേവനങ്ങൾക്കും, മറ്റും ഉറപ്പ് നൽകാനും മോറിസൻ സർക്കാർ, ഞങ്ങളുടെ റെക്കോർഡ് നിക്ഷേപം തുടരുകയാണ്,” മിസ് റസ്റ്റൺ പറഞ്ഞു.