കുവൈറ്റ് സിറ്റി> സെന്റ് ഗ്രീഗോറിയോസ് ഓർത്തഡോക്സ് മഹാ ഇടവക യുവജന പ്രസ്ഥാനത്തിന്റെ ആഭിമുഖ്യത്തിൽ `ബ്ളഡ് ഡൊണേഷൻ ഡ്രൈവ് 2021` എന്ന പേരിൽ രക്തദാന ക്യാമ്പ് സംഘടിപ്പിച്ചു.
ജാബ്രിയാ സെന്റ്രൽ ബ്ളഡ് ബാങ്കിൽ നടന്ന ക്യാമ്പിൽ 100-ഓളം പേർ പങ്കെടുത്തു. പരിപാടിയിൽ മഹാ ഇടവക വികാരി ജിജു ജോർജ്ജ്, സഹവികാരി ഫാ. ലിജു പൊന്നച്ചൻ, ഇടവക സെക്രട്ടറി ജേക്കബ് തോമസ് വല്ലേലിൽ, യുവജനപ്രസ്ഥാനം സെക്രട്ടറി സുമോദ് മാത്യൂ എന്നിവർ പങ്കെടുത്തു.
യുവജനപ്രസ്ഥാനം ലേ- ‐ വൈസ് പ്രസിഡണ്ട് മനോജ് പി. എബ്രഹാം, ജോയിന്റ് സെക്രട്ടറിമാരായ ലീനാ സജു, സാം വർഗീസ് എന്നിവർ ക്യാമ്പിനു നേതൃത്വം നല്കി.
