കളക്ടർ ഗോ ബാക്ക് വിളികളുമായാണ് പ്രവർത്തകർ പ്രതിഷേധിച്ചത്. വികസനത്തിനായുള്ള ശ്രമങ്ങളാണ് ലക്ഷദ്വീപിൽ നടക്കുന്നതെന്നും ദ്വീപിലെ ജനങ്ങളുടെ പിന്തുണ ഭരണകൂടത്തിനുണ്ടെന്നുമാണ് കളക്ടർ എസ് അസ്കർ അലി വാർത്താ സമ്മേളനത്തിൽ പറഞ്ഞത്.
പ്രതിഷേധിച്ച ഡിവൈഎഫ്ഐ, സിപിഐ പ്രവർത്തകരെ പോലീസ് അറസ്‌റ്റ് ചെയ്‌ത് നീക്കി. ലക്ഷദ്വീപ് വിഷയത്തിൽ കൂടുതൽ പ്രതിഷേധങ്ങൾ ഏറ്റെടുക്കുമെന്ന് ഡിവൈഎഫ്ഐ സംസ്ഥാന സെക്രട്ടറി എ എ റഹീം വാർത്താസമ്മേളനത്തിൽ വ്യക്തമാക്കിയിരുന്നു.
ടൂറിസം രംഗത്ത് വലിയ പദ്ധതികൾ നടപ്പാക്കുകയാണെന്നും അനധികൃത കയ്യേറ്റമാണ് ഒഴിപ്പിച്ചതെന്നും കളക്ടർ പറഞ്ഞു. സ്ഥാപിത താൽപര്യക്കാർ നുണ പ്രചരിപ്പിക്കുകയാണ്. സ്ത്രീകൾക്കു വേണ്ടി സ്വാശ്രയ സംഘങ്ങൾ തുടങ്ങി. ദ്വീപിൽ ഇന്റർനെറ്റ് സംവിധാനം ശക്തിപ്പെടുകയാണ്. രണ്ടിൽ കൂടുതൽ കുട്ടികളുള്ളവർക്കാണ് തെരഞ്ഞെടുപ്പിൽ അയോഗ്യതയുള്ളതെന്നും കളക്ടർ പറഞ്ഞു.
